2 Avami 8:5 - KITABU KITAKATIFU

⁵ Lwa Gehazi yaali navolera mwami kuli Elisha yaali nasimugukizi mukuzu, mukali yateeva mateeva geege ku mwami. Gehazi yamuvolera, “Mwami wange, mukali zana nguyu kandi muyaayi weve wa Elisha yasimugukiza aveeye hano!”

2 Avami 8:5 ပူးပေါင်းရင်းမြစ်များ

1 Avami 20:1

Mwami Benihadadi wa Siria yavungiza harara mahi geege goosi, nakonyelerwa na vami vandi salasini na mbiri, nizibarasi ziavo kandi namagare gu vulwani. Yanigira, nakumbiriza lidaala lia Samaria kandi ni valingilira kulilwana.

2 Avami 4:12

Yavolera Gehazi mutumikiri weve azie kulanga mukali mwene nyumba. Lwu mukali oyo yaza,

2 Avami 4:35

Elisha yavuka, nagendagenda munyumba, ma kandi ni yirana kuzia kogona vulungi ku muyaayi oyo. Muyaayi zana yitiamula haali saba, ma kandi nakunura zimoni zizie.

2 Avami 6:12

Mulala kuvo yativura navoora, “Siali ho nu mulala mba, Mwami wange! Muporofeti Elisha avolera mwami wa Isiraeli choosi cha ovola kali mumbisu mwe keng'oze chicho.”

2 Avami 6:26

Mwami wa Isiraeli yaali nagenda igulu ku lidigi lie lidaala linene lwu mukali mulala yahanzuka, “Ngonya mwami wange.”

2 Avami 8:6

Mu litivula ku liteeva liu mwami, mukali yadinyiriza aga Gehazi yaali navooye, nandio mwami yalanga munene mulala namuvolera yiranyiri mukali oyo ivindu viosi viali vivie, komeeda ku vuguli vwi vitagwa vie milimi jaali ni jaleeta ku mihiga saba ja yavula kuva ho.

Esther 5:14

Kunangwa mukali weve na valina veve vosi vamuha zing'anagani, nivavoora, “Kigira ki mwinuya gwu kusunga ku avandu gutuumbakwa ahimbi uvutambi izimita 22 kuzia igulu? Mugamba oteeve umwami asungi Modekai ku mwinuya gwene yigwo. Na lwanyima ivi uzie mu lilia linene noveeye nu vusangali vonene harara nu mwami.” Yaga goosi gayaanziza Hamani; nu umwinuya gwu kusunga ku avandu gwumbakwa.

Zaburi 145:1

O, Nyasaye wange kandi mwami wange inzi ndalandiza ovonene vuvwo, ndakusandiza mihiga ni mihiga.

Tsing'ano 16:9

Unyala kuva ne lilohiza liilio, navuzwa Nyasaye yimiliraa vikolwa vivio.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Ruth 2:3

Ruzi yazia mu mulimi nagenda inyima wa vagesi, nadoolanga viangala viengano ya valeka mu. Gakolekaa ndi, yazia mu mulimi gwa Boazi, uwinyumba ya Elimeleki.

1 Samweli 26:17

Saolo yaamanyiriza mwoyo gwa Daudi kandi yateeva, “Daudi, oyo ni ivi mwana wange?” Daudi yativura “Yee, Mwami wange.”