2 Avami 8:4 - KITABU KITAKATIFU

⁴ Yanyoora mwami namolomaa na Gehazi, mutumikiri wa Elisha; mwami yenya kumanya vilala ku vilolekizu via Elisha.

2 Avami 8:4 ပူးပေါင်းရင်းမြစ်များ

2 Avami 2:14

Yakuya amazi ni inguvu ya Elija, navoora, “Yahova, Nyasaye wa Elija uveeye haliha?” Yakuya amazi kandi nago gavukana yiyi ni yiyi, kandi naye yambuka.

2 Avami 2:24

Vahaanzuka ni vavoola, “Tula hano vwangu, ivi wu gwavuusu! Tula hano ivi wu gwavuusu!” Elisha yagirungana navuumika kandi navalaama mu lieta lia Yahova. Ahene na hene yaho, ziduba zingali ziviri ziatula mu mulitu ni zitandulanyia avayaayi arubaini na mbiri kuvo mu vidonye.

2 Avami 4:12

Yavolera Gehazi mutumikiri weve azie kulanga mukali mwene nyumba. Lwu mukali oyo yaza,

2 Avami 4:25

Kunangwa, yazia ku kiguru cha Karimeli uwa Elisha yaali naziiyi. Elisha yamulola nakikiri ihale, kandi navolera mutumikiri weve Gehazi, “Henza, nguyio mukali kutura Shunemu yaazaa!

2 Avami 5:14

Kunangwa Naamani yasulunguta kuzia mu mugera gwa Jorodani, ni yiyinamu umwene haali saba kuli muporofeti yavoola, na yahonywa ligali. Inyama yu muviri gwigwe yagwa indinyu kandi yu vulamu, kuli gwu mwana mudoto.

2 Avami 6:32

Na yatuma mutumwa kuzia koleta Elisha. Ku ing'inga yene yeyo, Elisha yaali yengo na vakulundu valala avaari ni vazi kumuluuta. Mutumikiri wu mwami nakikiri kuduuka, Elisha yavolera avakulundu zana, “Mulumindi ula atumaa mundu kuuza kunzita. Lero, lwaduuka hano, muhaane kiliango na mutaleki yingiri mba. Mwami mwene alava na mulonda vuzwa inyima weve.”

2 Avami 6:6

Elisha yateeva, “Igwiliyi hayi?” Mundu oyo yamumanyia ha vundu zana. Elisha yatema kisala na kilasa mu mazi; nakora mutwi gwi imbaazi kwelema.

2 Avami 7:1

Elisha yativura navoora, “Hulira ku aga Yahova avoora! Kuduuka ku ing'inga yiyi mugamba, mulava avanyala kugura mu Samaria zikilo zivaga zie ingano indahi ligali anoho zikilo sita zia ishairi ku kedonye kilala chi ifeza.”

2 Avami 7:10

Kunangwa vatura hokososa ha Vasiria, nivirana Samaria ha kirivwa; nivalanga avalindi, “Kunyi kuziiyi kuduuka mu hokososa ha Avasiria na sikololi anoho kuhulira mundu mba; zibarasi ni zibunda zikiri kovoholorwa, na amahema gaveeye vuzwa kuli vandu Vasiria vagaleki.”

2 Avami 7:3

Vasaza vane avaari ni valwaala vulwaye vwo vogere vaali ichova wi virivwa via Samaria. Vavolerana aveene na vene, “Kigira ki kulindi hano kuduuka lwa kukuza?

2 Avami 8:3

Mu limalirika lie mihiga saba, yirana mu Isiraeli ma nazia ku mwami koteeva amakuva gi inyumba yeeye nu mulimi gwigwe, vamwilanyiri.

Matayo 2:8

Yavatuma kuzia Bezelehemu, navavoolera: “Muzie, kandi mwenyelerizi ligali amakuva gu umwana oyo. Ni mumali ku munyoora, muuzi kombolera, ninzi kandi nzie ku musigamira.”

Luka 23:8

Herodi yayanza ligali lwa yalora Yeso, kigira yaali niyahulira amakuva geege kandi yegomba kolola Yeso kutura kale. Kolondekana na agayaali ni yahulira ku Yeso, Herodi yasuuviraa alalola Yeso nakora kelolekizu.

Luka 9:9

Navuzwa Herodi yavoola, “Inzi ndalaga mutwi gwa Yohana gukalagwi. Navuzwa nu musaza ki uyu wa inzi mbulira vindu yivi kuye?” Maku yaazizagilira kogeriza alole Yeso.

Yohana 9:27

Mundu oyo yavativulira, “Inzi mali kumuvolera, navuzwa simwenya kuhuliriza mba. Kigira ki mwenya kuhulira kandi? Munyi kandi mwenya kuva aviigi veve?”

Vikolwa 24:24

Inyima wa madiku makekeeke, Felikisi yaza harara nu mukali weve Durusila uwaali mukaana wa Herodi Aguripa 1. Yalanga Paolo aleetwe; naahuliriza Paolo namolomaa ku makuva gi lisuuvira mu Kristo Yeso.