2 Avami 8:18 - KITABU KITAKATIFU

¹⁸ Mukali wa Jehoramu yaali mukaana wu Mwami Ahabu, kandi kuli avinyumba ya Ahabu, yalonda miima nindamanu jia va Isiraeli. Yakola uvwoni mu zimoni zia Yahova.

2 Avami 8:18 ပူးပေါင်းရင်းမြစ်များ

1 Avami 21:25

Sihaali ho nu mundu wosi waluvilira nu mwoyo gwosi kokora vudamanu mu zimoni zia Yahova kuli Ahabu mba, na Jezebeli mukali weve yamuzuva mu vindu yivi viosi.

1 Avami 22:44

Jehoshafati yalomba mirembe numwami wa Isiraeli.

2 Avami 16:3

navuzwa yalonda liiva lia vami va Isiraeli. Kali yasamba muyaayi weve mwene kuli kisiuviriru chu kusambwa, kolondekana ni likora liu kuvihiliriza lia avizihiiri, ava Yahova yakunga imbiri wa vandu va Isiraeli.

2 Avami 21:13

Ndahaana amageri ku Jerusalemi kuli ndakora ku Samaria, kandi ku mwami Ahabu wa Isiraeli na visukululwi vivie. Ndatuliza vandu vosi mu Jerusalemi kuli mulala yogizaa isahani kandi kuyo amazi kandi agikunaminya.

2 Avami 21:3

Yumbaka kandi havundu hu kusigamira misambwa, aha baba weve Hezekia yaali ni yononyia. Yumbaka uvwali vwi lisigamira lia Baali kandi nalomba ivifananyi viu umunyasaye wi kikali, Ashera, kuli mwami Ahabu wa Isiraeli yaali naakori. Manase yasigamira zing'ereng'ani kandi.

2 Avami 8:26

naveeye ni mihiga sirini na mbili, na yamiha mu Jerusalemi ku muhiga mulala. Mama weve yaali Azalia mukaana wu Mwami Ahabu mwisukulu wa Omuri.

2 Avami 8:27

Kigira Ahazia yaali mwiko wu mwami Ahabu ku lileeta mukaana weve, yoona imbiri, wa Yahova kuli avinyumba ya Ahabu vakora.

2 Kyetsinyinga 17:4

Yatumikira Nyasaye wa baba weve, naahulira amalago ga Nyasaye, na si yakola kuli vikolwa via vami vosi va Isiraeli vaakora mba.

2 Kyetsinyinga 18:1

Kunangwa Jehoshafati mwami wi Ivuyuda yaali nuvutugi vonene kandi ni lizominywa linyingi ligali. Yalomba uvuhambani vwi lileetana hagati ha avinyumba yeeye na avinyumba yu mwami Ahabu wa Isiraeli.

2 Kyetsinyinga 19:2

Muporofeti Jehu muyaayi wa Hanani, yazia kwaganira mwami Jehoshafati namuvolera, “Sivoveeye uvulungi okokoonya yavo avaveeye avadamanu nokolomba vulina nayavo avadunyiranga Yahovamba? Agokoli gamali koleta uvutima vwa Yahova ku ivi.

2 Kyetsinyinga 21:13

Muvogono yivwo, umali kolonda zinzira zia vami va Isiraeli kandi umali kolomba avandu vi Ivuyuda na Jerusalemi kuvula kuva avasuuvirifu ku Nyasaye, kuli Ahabu na Jehoramu valomba avandu va Isiraeli kuvula kuva avasuuvirifu ku Nyasaye. Kali ivi wita avamwavo vovo, avaari vasaza valahi kuvita ivi mwene.

2 Kyetsinyinga 21:6

Yalonda liiva lidamanu kuli mwami Ahabu na vami vandi va Isiraeli kigira yaleeta mukaana mulala ku vakana va Ahabu kuli mukali weve. Yakola uvwoni imbiri wa Yahova,

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”