2 Avami 8:11 - KITABU KITAKATIFU

¹¹ Hene yaho, Elisha yamwumika vululu ni lihenza liu kutihiza mumoni mwimwe, kuduuka Hazaeli natanga kwigugunyia mu zisoni. Nonoho Elisha yaatanga kulira.

2 Avami 8:11 ပူးပေါင်းရင်းမြစ်များ

Litanga 45:2

Yalira nu mwoyo munene, kali kuduuka vandu va Egebeti nivahulira, kandi makuva gaduukaa munyumba yu vwami.

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 2:17

Navuzwa vamugonyereriza kuduuka naluha navavugilira kandi navaleka vazie. Amusini kuvo vazia ni vahenza igulu ku vigulu nu mumavona ku madiku gavaga, navuzwa si vamunyoola mba.

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Jeremia 9:18

Avandu vavoola, “Vavooleri vakole vwangu vakwimbiri zinyimbu zielikuza, kuduuka lwizimoni zietu zizura maliga, kandi kuduuka lwi zimoni zietu ziituruka maliga. ”

Luka 19:41

Lwa yaduuka ahimbi Jerusalemi yalora lidaala zana, nalililira,

Yohana 11:35

Yeso yalira.

Vikolwa 20:19

Mumanyi kuli ndatumikira Mwami ni liegehiza liosi, na maliga goosi ndakora miyinzi jange kuli mutumwa wumwami mu ing'inga yu vudinyu vunyingi uvwangwira kigira vuhimwa vwa Vayuda.

Vikolwa 20:31

Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.

Varumi 9:2

Lwa mboraa kuli vovereri vwange voveeye vonene, kandi kuli mbeeye nu vusaliri vutaveeye ne kegero mu mwoyo gwange kigira avandu vange,

Vafilipi 3:18

Ndaamara kumuvolera amakuva gaavo haali kanyingi ulwimbiri, kandi kali kalunu nziraniraa kumuvolera na amaliga: vaveeye ho na avandu avanyingi avaveeye avasigu vu musalaba gwa Kristo.