2 Avami 8:1 - KITABU KITAKATIFU

¹ Elisha yaali navoleeye mukali kutura Shunemu, wumuyaayi weve yaali nasimugukiziywi, Yahova azizaa kutuma inzara mu kivala ku mihiga saba. Kunangwa kuduuka ivi na avinyumba yooyo muzie komenya havundu handi.

2 Avami 8:1 ပူးပေါင်းရင်းမြစ်များ

Litanga 12:10

Inzara yaliho mukivala cha Kanaani na Aburamu yazia komenya mukivala cha Egebeti ku ing'inga.

Litanga 26:1

Inzara yindi yaduuka mukivala kuli iyaaliho yu kutanga mu ing'inga ya Aburahamu. Isaka yazia ku Abimeleki, mwami wa Filisitia ha Gerari.

Litanga 41:25

Josefu yavolera mwami, “Amalooto gaviri yaga gaveeye ni kivuni kilala. Nyasaye umali kokovoolera agaasizi kokora.

Litanga 41:32

Liranira lia maloto googo, livoora ndi, Nyasaye umali kusaavira kokora agavooye alakola mu madiku makekeeke agazaa.

Litanga 41:54

Mihiga saba ji inzara enene jatanga, kuli Josefu yaali navooye. Inzara yaliho muvivala viosi, navuzwa kivala choosi cha Egebeti chali niviukulia.

Litanga 47:4

Kunyi kumali kuza komenya mukivala yiki, kigira inzara eveeye inyingi mukivala cha Kanaani mitugu jiitu jivula vwayiru. Mwaza nuyanza ukuvugiliri komenye mukivala cha Gosheni.”

2 Samweli 21:1

Ing'inga yu vwamihi vwa Daudi, inzara yaali ho induru ligali ku ing'inga yi mihiga jivaga. Kunangwa Daudi yateeva Yahova kivuni chayo; Yahova yavoola, “Saolo harara na avinyumba yeeye vaali namahiolo gu vurumindi, kigira yita avandu vilidaala lia Gibeoni.”

2 Samweli 24:13

Kunangwa Gadi yazia ku Daudi namuvolera icha Yahova yaali navooye, kandi nateeva, “Ni kiliha kuvio icha otovola okolerwe? Mihiga jivaga ji inzara, mu kivala chicho, anoho mieli jivaga ji liruka kutura ku avasigu vovo, anoho madiku gavaga gi likuywa nuvulwaye vudamanu mu kivala chicho? Kalunu ganaganyia amakuva yago kandi na ombolere ni litivuli ki lianziranyira Yahova?”

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 18:2

Kunangwa Elija yazia kwelolekiza ku Ahabu. Inzara mu Samaria yaali induru ligali.

2 Avami 4:18

Lidiku lilala lwo muyaayi uyu yaali ni yakaviruka, yazia ku baba weve uwaali mu mulimi hagati ha avagesi.

2 Avami 4:36

Elisha yalanga Gehazi namuvolera alange mama wu mwana oyo. Lwa yingira, Elisha yamuvolera, “Muyaayi woovo nguyu.”

2 Avami 4:38

Ing'inga indala, lwe etozo yaali ho mu kivala choosi, Elisha yirana Giligali. Lwa yaali ni yigizaa muganda gwa avaporofeti, yavolera mutumikiri weve atengeke isika ku mahiga na avadekere umunyu gwi zinguza ninyama.

2 Avami 7:20

Na nindio gekoleka kuye, yakuza, naduvagwa kuduuka ku likuza na vandu vaali ha kirivwa chi lidaala linene.

2 Avami 8:2

Mukali yaali nalondi malago ga Elisha, kandi yaali naziiyi na avinyumba yeeye komenya mu kivala cha Filisitia komenya yo ku mihiga saba.

Zaburi 105:16

Nyasaye yatuma inzara ku kivala chavo, kandi niyononyia viukulia viavo viosi.

Zaburi 107:34

Yakola kivala cha marova magunamu kuva kuli changalangwe chijumbi, kigira uvuchamu vwa vandu vamenya mucho.

Jeremia 25:29

Ndatanga miyinzi jange ju kudiviza lidaala linene liange mwene. Vasuviraa valahononoka kuhevwa amageri? Awa, valahevwa amageri, kigira ndatuma vulwani ku avandu vosi avaveeye ku lirova. Inzi Yahova Wuvunyali mali kovora.

Kyavalevi 26:26

Ndatulizaho chukulia chiinyu kunangwa vakali likomi valatumikira lihiga lilala kolomberaku migadi josi javaveeye najo lwa muva nimwakagilia josi, mulava nimukikiri inzara.

Amosi 4:6

Yahova avoora, “Inzi ndaleta inzara, mu madaala ginyu manene goosi, navuzwa munyi simwirana ku inzi mba.

Haggai 1:11

Inzi mali koleta kimeyu mu kivala choosi: ku vigulu, mu milimi ju vuswage, mu milimi ji kizabibu kandi mu milimi ja mizeituni, kandi ku vuli kitagwa kimeraa, ku vandu, zinyama kandi ku vuli kindu cha mugerizaa kutaga.”

Luka 21:11

Lilava ho lidegera lie lirova, ninzara nizinguzu mu vivala viosi, nuvutihizi, nivilolekizu kutura mwigulu.

Luka 21:22

Kigira yago galakave ‘Madiku giliheevwa Amageri’; kokora viosi ivia Mang'oda Matakatifu gavoora viduuki kutwekizwa mu agiligali.

Luka 4:25

“Mumbulirizi: gaveeye agiligali ndi vaali ho avakunzakali avanyingi mu kivala cha Isiraeli mu madiku ga Elija. Lwi imbura yavula kukuba ku mihiga jivaga ni mieli sita, inzara enene yaduuka mu kivala choosi.

Vikolwa 11:28

Kunangwa mulala kuvo walangwa Agabo yasingira; na ku zinguru zia Roho, yalolekiza ndi inzara enene ilaaza mu lirova liosi. Inzara yeyo yaza maku ing'inga ya Kilaudia yaali niyamiha.

Ruth 1:1

Mu madiku yago lwa vakalagi vaali nivamihaa, inzara yaali ho mu kivala cha Isiraeli. Mundu mulala wa Bezelehemu yi Vuyuda yazia komenya mu Kivala cha Moabu, harara nu mukali weve na vayaayi veve vaviri.