2 Avami 7:4 - KITABU KITAKATIFU

⁴ Sigali no vokonyi ukuzia mu lidaala linene mba, kigira kulava ni inzara kuduuka lwa kukuza; navuzwa niiva kulava hano, kulakuza kandi. Kunangwa, ng'endi kuzie hokososa ha vandu va Siria; kindu kidamanu ligali cha vanyara kokora ku kunyi ni kukwiita. Navuzwa hawundi valaleka kove mwoyo.”

2 Avami 7:4 ပူးပေါင်းရင်းမြစ်များ

2 Samweli 14:14

Kunyi kwosi kwaza kukuzi, koveeye kuli amazi gasunduliywi hasi ku marova, agatanyala kudafwa kandi mba. Nyasaye siyilanyia avakuzu kuva mwoyo kandi mba, navuzwa mwami anyala kwenya inzira ya yiranyira mu umundu kutura mu lihaminywa

2 Avami 6:24

Lwinyima, Benihadadi mwami wa Siria yimilira liihi lilie liosi kuzia kulwaana Isiraeli, kandi nakumbiriza lidaala linene lia Samaria.

2 Avami 7:5

Kunangwa lwa isi ni kikiri imwamu, vazia kuduuka hokososa ha Vasiria, navuzwa lwa vaduuka yo, sihali ho nu mundu kali mulala mba.

1 Kyetsinyinga 12:19

Lwa Daudi yaali nazizaa harara na Vafilisitia kulwaana mwami Saolo, avasikari valala kutura mu ihiiri ya Manase vazia ku lovega lwa Daudi. Navuzwa si yakoonya Vafilisitia, Kigira avami vaavo vaatia ndi yaali unyala kuvazaama ku Saolo, munene weve wa maziambiri; Kunangwa vamutuma yirani Zikilaga.

Esther 4:16

“Zia, uvungizi Avayuda vosi harara mu Susa; muhonge lilia na mumbiki mu lisaala. Mutalia anoho munwi kindu choosi ku madiku gavaga, umbasu nuvudiku mba. Avakaana vatumikiri vange harara ninzi kulakola malala mere. Inyima wa yago, inzi ndazia ku mwami, kali niiva lilago silimbugiliranga mba. Niiva nditwa, nzitwi.”

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 8:14

Avandu va Nyasaye vateva, “Kigira ki kwikali hano makiriri? Gendi kunyaguli kuzie mu madaala manene gi zimbinga, na kukuziri uwene yeyo. Yahova Nyasaye wiitu umali kukukalagira likuza; umali kukuha isumu kunwi, kigira kumali kokora uvwoni kuye.

Jona 3:9

Hawundi Nyasaye alagirung'anyia zing'anagani zizie. Hawundi alalekela uvutima, na kunyi kulavula kukuza!”

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.