2 Avami 7:2 - KITABU KITAKATIFU

² Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

2 Avami 7:2 ပူးပေါင်းရင်းမြစ်များ

Litanga 7:11

Lwa Nuhu yaali naveeye ni mihiga 600, ku lidiku lia 17 liu mweli gwa 2, visenukiru viosi via mazi manene isi wi lirova, viafuduka. Nyasaye yakunura madirisha goosi gu mu ligulu.

2 Avami 5:18

Suuviraa Yahova alasamiiha lwanzia harara nu mwami wange mu litembeli lia Rimoni munyasaye wa Siria nu kumusigamira. Ligali Yahova alasamiiha mutumikiri woovo ku makuva yaga!”

2 Kyetsinyinga 20:20

Mugambazuri lidiku lialonda ku, avandu vatura kuzia mwigendanyama lia Tekoa. Lwa vaali nivaziizaa, mwami Jehoshafati yasingira navavoolera, “Avasaza vi Ivuyuda na Jerusalemi; musuuviri Yahova Nyasaye winyu, kandi musingiri vudinyu. Musuuviri aga vaporofeti veve vamuvolera, na mulaguuta.”

Zaburi 78:41

Vageriza Nyasaye kase na kase, Nivaleeta vuzunu vululu ku Nyasaye Mutakatifu wa Isiraeli.

Isaya 7:9

Kivala cha Isiraeli sikeveeye ni zinguru kuvita Samaria, lidaala linene liacho mba, kandi Samaria siliveeye nizinguru kuvita mwami Peka mba. “Niiva ulavula kusuuvira, ulaguutwa.”

Jeremia 29:32

Kunangwa, ndahaana amageri kuye harara ni visukululwi vivie. Sialakaveho mundu kali mulala ulimenya hagati ha avandu yava ulilola uvulahi vwa ndakakolele avandu vange, kigira amali kwibaala ku inzi Yahova.”

Malaki 3:10

Muleete kidieli chiinyu choosi chi likomi mu Litembeli, kunangwa litembeli live ni viukulia vinyingi. Mungerizi na inzi ndigula madirisha gu mwigulu kandi ndahaana vugasu vwi vindu vilahi vinyingi vie zing'ano ziosi kumunyi.

Livalidza 11:13

Inzi nyara konyoora hayi inyama iduuka avandu yava vosi? Vanira ku inzi nivateeva mbahe inyama.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Varumi 3:3

Navuzwa galava ki niiva valala kuvo sivaali vasuuvirifu? Livula kuva nu vusuuvirifu liavo, linyala kutulizaho vusuuvirifu vwa Nyasaye?

Kwidzulitsa 3:27

Zia kondongozi kwi kiguru cha Pisiga ma ohenze ivaale kandi isavaalu, ivugwi kandi imadioli. Ohenze vulahi ligali ku icha ololaa, kigira si ulambuka mugera gwa Jorodani mba.