2 Avami 6:32 - KITABU KITAKATIFU

³² Na yatuma mutumwa kuzia koleta Elisha. Ku ing'inga yene yeyo, Elisha yaali yengo na vakulundu valala avaari ni vazi kumuluuta. Mutumikiri wu mwami nakikiri kuduuka, Elisha yavolera avakulundu zana, “Mulumindi ula atumaa mundu kuuza kunzita. Lero, lwaduuka hano, muhaane kiliango na mutaleki yingiri mba. Mwami mwene alava na mulonda vuzwa inyima weve.”

2 Avami 6:32 ပူးပေါင်းရင်းမြစ်များ

1 Avami 14:6

Navuzwa lwa Ahija yahulira liza lilie mu kiliango, yavoola, “Yingira. Inzi manyi ndi ivi oveeye mukali wa Jeroboamu. Kigira ki wekolaa kuva mundu wundi? Mbeeye na makuva madamanu ku ivi.

1 Avami 18:4

lwa Jezebeli yitaa vaporofeti va Yahova, Obadia yavugula, imia ndala kuvo, naavavisa mu zimbangaywa mu miganda giviri ja vandu amusini, siavuli muganda kandi navaha chukulia na mazi.

1 Avami 21:10

Nyooli vandu vadamanu vaviri vamuyaale imbiri wizimoni zizie kigira linyega Nyasaye kandi mwami. Hene yaho muvuguli mumuhile ichova wi lidaala linene na mumulase magina kuduuka akuzi.”

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

1 Avami 21:19

Muvoolere ndi Inzi, Yahova, muvooleraga, ‘Inyima wukwita mundu, ivi uvugura miandu jije kandi?’ Umuvolere ndi yaganigo ga mboraa: ‘Havundu he zimbwa ziakombera masahi ga Nabozi, zilakombera ho masahi googo!’ ”

2 Avami 5:26

Navuzwa Elisha yavoola, “Sindaali yo mu Roho lwa musaza oyo yatura mu ligare lie liihi lilie kukwaganira? Yiyi sieveeye ing'inga yu kuvugilira mabese ku zinguvu, milimi ji mizeituni ni vizabibu, magondi ni zing'ombe anoho avatumikiri!

2 Avami 6:12

Mulala kuvo yativura navoora, “Siali ho nu mulala mba, Mwami wange! Muporofeti Elisha avolera mwami wa Isiraeli choosi cha ovola kali mumbisu mwe keng'oze chicho.”

2 Avami 7:17

Gekoleka ndi umwami wa Isiraeli yavika kirivwa chi lidaala linene haasi hu vunyali vwa uwaali munene weve wa himbi. Munene oyo yaduvagirwa ahene yaho na vandu ma nakuza kuli Elisha yaali naporofeti.

Jeremia 11:18

Yahova yangola kumanyiriza lilohiza liu muvwivisu lia avasigu vange valomba kwenya kunzita.

Jeremia 32:3

Mwami Zedekia yaali ni yangoli kuva muhambe, kandi niyanzaala kovora ndi, inzi mboraa ndi Yahova avoora, “Inzi ndahaana lidaala linene yili ku mwami wa Babiloni,

Ezekieli 14:1

Valala ku vimiliri va Isiraeli vaza ku inzi kwenyeleriza zing'anagani kigira lienya lia Yahova.

Ezekieli 20:1

Ku lidiku lie likomi ku mweli gwa katano mu muhiga gwa saba gwu muvuhambe vwitu, valala ku vimiliri va Isiraeli vaza nivikara imbiri wange. Venyeleriza kutura ku inzi kigira lienya lia Yahova.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Ezekieli 8:1

Ku lidiku lia katano ku mweli gwa sita mu muhiga gwa sita gwi lihaminywa lietu, ndaali ninzikaye munyumba yange harara na vimiliri vi lihaminywa kutura Ivuyuda. Nonoho ndaahulira zinguru ziu Mwami Munene Yahova ziizi ku inzi.

Luka 13:32

Yeso yavativulira, “Zi muvoolere Kivwi yicho ndi, ‘Kalunu na mugamba, ndakunga amademoni nokohonyia vulwaye, ni lidiku lia kavaga ndamala miyinzi jange.’