2 Avami 6:25 - KITABU KITAKATIFU

²⁵ Kuli mativuli gi likumbiriza yilio, ovogeheru vwi viukulia mu lidaala linene yilio vwali vunyingi ligali, kali mutwi gwi ibunda gwagulika vidonye samanini viefeza, na iziguramu miambili zia masilingoko ga makuulu gagulika vidonye vitano viefeza.

2 Avami 6:25 ပူးပေါင်းရင်းမြစ်များ

Litanga 41:55

Lwi inzara yaduuka mukivala cha Egebeti, avandu vanira ku mwami avahe viukulia. Kunangwa mwami yavalaga vazie ku Josefu na vakole ga vavoolera vakole.

1 Avami 18:2

Kunangwa Elija yazia kwelolekiza ku Ahabu. Inzara mu Samaria yaali induru ligali.

2 Avami 25:3

Ku lidiku lia tisa, mu mweli gwa kane, inzara yaali inyingi mu lidaala linene lia Jerusalemi, na sihali ho ni chukulia ku avandu mu kivala.

2 Avami 6:26

Mwami wa Isiraeli yaali nagenda igulu ku lidigi lie lidaala linene lwu mukali mulala yahanzuka, “Ngonya mwami wange.”

2 Avami 7:12

Vwali ni vukikiri vudiku, navuzwa mwami yatura mu kidali, kandi navolera avanene veve, “Ndamuvolera icha Vasiria valohiza kokora. Vamanyi makuva ge etozo eveeye hano! Kunangwa vamali koleka hokososa haavo kuzia kwivisa mu milimi. Vaganagana ndi kulatula mu lidaala linene kuzia kwenya chukulia, maku vaze kukugimira ni koveeye mwoyo kandi ukugumira lidaala linene linu.”

2 Avami 7:4

Sigali no vokonyi ukuzia mu lidaala linene mba, kigira kulava ni inzara kuduuka lwa kukuza; navuzwa niiva kulava hano, kulakuza kandi. Kunangwa, ng'endi kuzie hokososa ha vandu va Siria; kindu kidamanu ligali cha vanyara kokora ku kunyi ni kukwiita. Navuzwa hawundi valaleka kove mwoyo.”

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 32:24

“Avandu va Babiloni vamali kwumbaka vitumi kukumbiriza lidaala linene kandi kuligumira nu kulingilira. Liihi, inzara enene kandi vulwaye vilalomba lidaala linene yili kuva mu zinguru zia avandu va Babiloni. Goosi aga walaga gamali kuduukizwa.

Jeremia 52:6

Ku lidiku lia tisa, mu mweli gwa kane mu muhiga gwene yigwo, lwi nzara yaali inyingi na sihaali ho ni chukulia ku avandu,

Ezekieli 4:17

Ndakora ndio kunangwa vaduuki kudaka umugadi kandi amazi. Valahenzana aveene naveene muvuti, kandi valadekerana kigira uvwoni vwavo.”

Kyavalevi 26:26

Ndatulizaho chukulia chiinyu kunangwa vakali likomi valatumikira lihiga lilala kolomberaku migadi josi javaveeye najo lwa muva nimwakagilia josi, mulava nimukikiri inzara.