2 Avami 6:17 - KITABU KITAKATIFU

¹⁷ Hene yaho Elisha yasaala, “O, Yahova, yigula zimoni ziu muyaayi uyu na oleke alole!” Yahova yativura lisaala lilie, kandi mutumikiri wa Elisha yahenza igulu, nalora vigulu ni vizuyi zibarasi na magare gu vulwani gu muliru goosi nigakumbirizi Elisha.

2 Avami 6:17 ပူးပေါင်းရင်းမြစ်များ

Litanga 21:19

Maku Nyasaye yamukola nalora kidaho; kunangwa yazia mu kidaho ma nadaha mazi nigizula endoho du, kandi naha muyaayi weve naanwa.

Litanga 32:1

Lwa Yakobo yazia kologendo lwilwe, yagana ni zingelosi zia Nyasaye.

Litanga 32:2

Lwa yaazilola, yavoola, “Yili ni liihi lia Nyasaye.” Kunangwa yalanga havundu yaaha “Mahanaimu”.

Litanga 32:3

Yakobo yatuma avatumwa imbiri weve kuzia ku Esau amwavo weve mukivala cha Edomu.

2 Avami 2:11

Vazizagilira komoloma ni vagenda; maku nonoho ligare liu muliru ni lihilwaa ni zibarasi ziu muliru liaza hagati haavo ni livavukanyia. Elija yahilwa igulu kuduuka mwigulu ni kihuzuzi.

Zaburi 104:3

kandi wayala mialiru jinyumba yooyo igulu wa mazi. Kandi walomba amalesi kuva kuli amagare googo gi zibarasi, uziira ku zimbaha zie imbuza.

Zaburi 104:4

Ivi utumikira imbuza kuli avatumwa vovo, nolomemo lwu muliru kuli avatumikiri vovo.

Zaburi 119:18

Ukunuli zimoni ziange, kunangwa nduuki kolola agiligali gokogenyia mu lilaga liilio.

Zaburi 125:2

Kuli vigulu vikumbirizaa Jerusalemi, nindio Yahova akumbirizaa avandu kutura kalunu kandi mihiga ni mihiga.

Zaburi 34:7

Engelosi va Yahova asolaa yavo avamutizaa, kandi avahonyia ku vasigu vaavo vosi.

Zaburi 68:17

Yahova yaazaa kutura ku kiguru cha Sinai kuduuka havundu hatakatifu, harara ni zielefu zizie zinyingi zia magare geege gizingulu.

Zaburi 91:11

Nyasaye alalaga zingelosi veve vakulindi, kandi vakukingi hoosi ha uzia.

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Isaya 42:7

Ulahonyia yavo avaveeye avavoku, kandi ndatuliza muvuhambe mu vogo kandi ndatuliza mujera yavo aviikalaa mu kisundi.

Danyeli 10:7

Ndaalora malola yaga inzi wengine. Avandu vandaali navo si valora kindu choosi mba, navuzwa vadegera niviruka kandi vivisa.

Zekaria 1:8

Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu.

Livalidza 22:31

Maku Yahova yaleka Baalamu alole engelosi nisingiyi ahene yaho ni kivavi. Baalamu yagwa hasi mamumama.

Matayo 26:53

Munyi si mumanyi inzi nyara kulaanga Baba wange, naye andetere ulwene yilu zingelosi kuvita izielefu likomi na vaviri?

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 19:14

Avasikari va amahi gu mwigulu vaamulonda, ni vanini ku zibarasi zindavu. Vaali ni viviiki zinguvu zindahi, zindavu.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.