2 Avami 6:16 - KITABU KITAKATIFU

¹⁶ Elisha yativura navoora, “Utatia mba! Koveeye na vanyingi ku lovega lwiitu kuvita yavo avaveeye ku lovega lwavo.”

2 Avami 6:16 ပူးပေါင်းရင်းမြစ်များ

Litanga 32:1

Lwa Yakobo yazia kologendo lwilwe, yagana ni zingelosi zia Nyasaye.

2 Avami 6:15

Mugambazuri mu mavwevwe lidiku lialonda ku, mutumikiri wa Elisha yavuka, natura ichova wi inyumba, kandi yalora amahi ga Vasiria, ni zibarasi ziavo kandi na magare gu vulwani gaavo nigakumbirizi lidaala. Yirana ku Elisha vwangu, navoora, “Kuudivi, munene wange! Na kokole ki?”

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Zaburi 11:1

Inzi nzirukiraa mu Yahova kazozo, na gakaveeye ki munyi kombolera ndi, “Mbuluki kuli linyonyi nukuzia mu vigulu;

Zaburi 27:3

Kali niiva iliihi liosi lilangumberiza, si ndatia mba, kandi avasigu vange nivanzingilira; ndazizagilira kusuuvira Nyasaye.

Zaburi 3:6

Simbeeye nuvuti ukutia zielefu zia vasigu mba; avangumbirizaa zimbega ziosi.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 55:18

Nyasaye alahonyia mwoyo gwange kutura ku vulwani vwa nwana na vasigu vange;

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Isaya 8:10

Mulohiza makuva ginyu harara, navuzwa si mulaguuta mba. Mumolome kuli munyala! Navuzwa goosi gaveeye agavuzwa, kigira Nyasaye aveeye harara ni kunyi.

Jeremia 39:17

Navuzwa Inzi Yahova, ndakohonyia, kandi siulavikwa mu zinguru zia vandu va utizaa mba.

Matayo 26:53

Munyi si mumanyi inzi nyara kulaanga Baba wange, naye andetere ulwene yilu zingelosi kuvita izielefu likomi na vaviri?

Marko 16:6

Umusoleri oyo yavavolera, “Mutagenya mba. Inzi manyi vuzwa mwenya Yeso wa Nazareti uwaavambwa. Umali kusimuguka! Siaveeye hano mba. Heenzi havundu ahavamuta.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Vafilipi 1:28

Mutatia avasigu vinyu mba; muve avaluviriri kazozo. Yiki kilava ekelolero kuvamanyia ndi valagotiza navuzwa munyi mulaguuta, kigira Nyasaye niyie uhaanaa ku munyi iliguuta.

Joshua 11:6

Yahova yavolera Joshua, “Utavatia mba. Ku ing'inga yiyi mugamba, ndava ninziiti yavo vosi kigira Isiraeli. Gakuduukiraa oleminye zibarasi ziavo ku litema machi gazio nokusamba magare gu vulwani gaavo nomuliru.”

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.