2 Avami 5:27 - KITABU KITAKATIFU

²⁷ Na kalunu, ovogere vwa Naamani vulaza ku ivi, na ivi harara ni visukululwi vovo mulava navwo mihiga ni mihiga!” Lwa Gehazi yatura, yaali novogere, ligodo lilie liali lilavu kuli likonza.

2 Avami 5:27 ပူးပေါင်းရင်းမြစ်များ

2 Samweli 3:29

Amageri kigira liitwa yili gagwiri Joabu kandi avinyumba yeeye! Mu vuli likula, have nu mundu mu avinyumba yeeye nuvulwaye vwi kisununu anoho oveeye novogere anoho udukana kokora miyinzi ju mukali uwidiraa mudigiru anoho uwiitwa mu vulwani anoho ogehera viukulia.”

2 Avami 15:5

Na Yahova yakuya mwami Azaria nu vulwaye vudamanu vwo vogere mu livamwoyo lilie liosi. Yamenya munyumba yeeye mwene, na muyaayi weve walangwa Jozamu yamiha nu kukalagira avandu vi Ivuyuda.

2 Avami 5:1

Naamani, munene wi liihi liu mwami wa Siria yaali mundu munene wayanzwa kandi wahevwa luyali ligali nu mwami wa Siria, kigira kuvitira ku Naamani, Yahova yaali ni yahaana liguuta ku amahi ga Siria. Yaali musikari munene ligali, navuzwa yalwala ovogere.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kutwula 4:6

Yahova yavolera Musa kandi, “Viika mukono gugwo mu kwaha mumwo.” Musa yakola ndio, na lwa yagutuliza mu, gwaali novogere nigulavi kuli likonzo.

Hosea 10:13

Munyi mwakora uvudamanu, kandi mumali konyoora likora liu vudamanu vwinyu, mumali konyoora madanyi gu vugadi vwinyu. “Kigira mwasuuvira mu zibarasi zienyu kandi mu vasikari vinyu vanyingi,

Kyavalevi 13:10

umanya amuhenzelizi. Niiva haveeye ni livondo lilavu ku ligodo lilie ligirung'anyia maswa kuva malavu, kandi niliizuyi mahira,

Kyavalevi 13:25

musaalisi alamuhenzeliza. Niiva maswa gaveeye havundu yaho gamali kugirung'ana kandi galoleka kuyavuguka kuvita ligodo lihakumbirizi, yivwo voveeyevulwaye vwo vogere, uvumali kutangira havundu hasambiki yaho, musaalisi alamulandiza kuva mudamanu.

Livalidza 12:10

Lwi lilesi liatura ku Lihema, nonoho muviri gwa Miriamu gwaali nu vulwaye vwo vogere, kandi gwagilung'ana ni gugwa mulavu kuli likonza. Lwa Haruni yahenza nalora Miriamu aveeye novogere,

Vikolwa 5:10

Nonoho, Safira yagwa hasi imbiri wi virenge via Petero, nakuza. Lwa avasoleri vingira, vamunyoola namali kukuza; ni va mugingaa ni va muhiraa ichova, ni va muyavira ahimbi nu musaza weve.

Vikolwa 5:5

Lwa Anania yahulira makuva yago, yagwa hasi nakuza. Avandu vosi avahulira makuva yaga vaali nuvuti vonene ligali.

Vikolwa 8:20

Navuzwa Petero yamutivulira, “Udivi harara na mabese googo kigira uganaganaa unyala kugura kihanwa cha Nyasaye na mabese!

Joshua 7:25

Joshua yavoola, “Kigira ki oleeti kivi yiki choosi ku kunyi? Yahova alaleeta ikivi ku ivi mwene kalunu!” Avandu vosi vamulasa na magina nakuza kandi valasa vandu vinyumba yeeye na magina kandi nivavasamba harara ni miandu jije josi.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.