2 Avami 5:22 - KITABU KITAKATIFU

²² Gehazi yativura navoora, “Awa! Navuzwa munene wange undumi ngovolere ndi ulwene yilu vaviri ku avaporofeti, vaduuki kutura mu vigulu via Efuraimu, na yakenyi ivi umuhe vidonye viefeza 3,000 kandi zinguvu zinzesereru ziviri ziu kwigirunganyia.”

2 Avami 5:22 ပူးပေါင်းရင်းမြစ်များ

1 Avami 13:18

Maku muporofeti musakulu kutura Bezeli yamuvolera, “Inzi, mbeeye muporofeti kuli ivi, na ku lilaga lia Yahova, engelosi amboleeye nguvuguli nguhile yengo wange kandi ngogenihizi niviukulia kandi unwi amazi.” Navuzwa muporofeti musakulu oyo yaali namugandaa.

1 Avami 20:35

Olondekana ni lilaga lio Yahova, mulala ku muganda gwa avaporofeti yalaga muporofeti wache weve amuduyi, navuzwa yasura.

1 Avami 20:39

Lwu mwami yaali navitaa, muporofeti yamulanga navoora, “Mwami wuluyali wange, ndaali ninwanaa mu liihi, nu musikari yaleeta musigu wagumirwa navoora, ‘Linda mundu uyu. Niiva aliruka nokohona, ivi ulatuunga livamwoyo lii lio anoho uhaane mutuungu gwi vidonye zielefu zivaga ziefeza.’

2 Avami 2:15

Vaporofeti amusini avaari ha Jeriko valora Elisha, vavoola, “Roho wa Elija aveeye ku Elisha.” Vazia kumwaganira, ni vinama haasi imbiri weve,

2 Avami 2:3

Muganda gwa vaporofeti avamenyaa ha Bezeli vazia ku Elisha, ni vamuteeva, “Ukamanyi ku Yahova azizaa kuvugura munene woovo kutura ku ivi lidiku lia lero?” Elisha yativura, “Yee, inzi manyi vulahi. Navuzwa leki kuvuli komoloma amakuva yago kalunu.”

2 Avami 2:5

Muganda gwa vaporofeti avamenyaa yo vazia ku Elisha ni vamuteeva, “Ukamanyi ku Yahova azizaa kuvugura munene woovo kutura ku ivi kalunu?”

2 Avami 2:7

na avaporofeti amusini vavalonda kuduuka ku mugera gwa Jorodani. Elija na Elisha vasingira ku mugera, na avoporofeti amusini yavo vasingira hahale ku kutura kuvo.

2 Avami 4:26

Nyagura kuye vwangu kumwaganira, na umuteeve, gikaveeye mirembe nu musaza weve naho? Gikaveeye mirembe nu muyaayi weve naho?” Mukali oyo yavolera Gehazi ndi vindu viosi viveeye vulahi,

2 Avami 5:21

Kunangwa yaatanga kolondelera Naamani. Lwa Naamani yalora mundu naamulondelera, yika haasi kutura ku ligare lilie liu vulwani, navoora, “Koveeye ni kindu kidamanu noho?”

2 Avami 5:25

Gehazi yirana munyumba zana na Elisha yamuteeva, “Utura hayi?” Gehazi yativura, Oh, “Havundu mba munene wange.”

2 Avami 5:5

Mwami wa Siria yavoola, “Zia ku mwami wa Isiraeli na umuhiliri ibarwa yiyi.” Kunangwa Naamani yazia, navugura zielefu salasini zie vidonye viefeza, zielefu sita zie izahabu kandi zinguvu likomi zinzesereru zie lisavo.

Isaya 59:3

Kigira munyi mwitaa na makono ginyu kandi mukoraa uvudamanu ni videte vienyu, muvooraa ovovehi ni minwa jinyu kandi zinimi zienyu zimonya uvuchamu.

Jeremia 9:3

Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Jeremia 9:5

Vuli umundu aveheraa mutende weve, kandi siaveeyeho kali mulala ovola agiligali mba; vayiga okovoola vugadi vakoolaa uvudamanu kandi varuha kwiganira.

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Joshua 24:33

Lwa Elieza muyaayi wa Haruni yakuza, avandu va Isiraeli vaamuyavira mu lidaala lia Gibe. Lidaala yili liali mu kivala chi vigulu cha Efuraimu, ichaali ni chahaanwa ku muyaayi weve Finiasi.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Vakalagi 14:12

Samusoni yavavolera, “Nyenya muvoolere ulugano; niiva munyala kombolera nu kunzivaalira ulugano yilu mu madiku saba agiliilia yili, ndahaana ku vuli mulala winyu vidonye salasini vie zinguvu.