2 Avami 5:16 - KITABU KITAKATIFU

¹⁶ Elisha yativura navoora, “Nzisuha ku lieta lia Yahova oveeye mwoyo, uwa inzi ndumikiraa, sindavugilira kihanwa kutura ku ivi mba!” Naamani yaanigiriza ndi avugiliri kihanwa yiki navuzwa Elisha yasura.

2 Avami 5:16 ပူးပေါင်းရင်းမြစ်များ

1 Avami 13:8

Navuzwa muporofeti zana yamutivulira, “Kali niiva wakambeeye inusu yu vutugi, sindakaziyi nivi anoho kulia anoho kunwa kindu choosi nivi mba.

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 18:15

Elija yativura, “Ngusuuvirizaa ku Yahova wa mahi oveeye mwoyo, wa inzi ndumikiraa ndi, inzi mwene ndiimanyia ku mwami Ahabu kalunu.”

2 Avami 3:14

Elisha yativura, “Nzisuha ku lieta lia Yahova oveeye mwoyo, uwa inzi ndumikiraa, ndaavura kuva nu luyali ku mukonyeleri woovo, Jehoshafati, mwami wi Ivuyuda, sindakenyi ngolole mba.

2 Avami 5:20

Gehazi mutumikiri wa Elisha yevolera umwene, “Munene uleki Naamani azie vugira kutunga kindu. Ngano yaali avugiliri chu Musiria ula ahaani kuye. Ku Yahova Oveeye mwoyo, inzi ndamulondelera ma nduuki konyoora kindu kutura kuye.”

2 Avami 5:26

Navuzwa Elisha yavoola, “Sindaali yo mu Roho lwa musaza oyo yatura mu ligare lie liihi lilie kukwaganira? Yiyi sieveeye ing'inga yu kuvugilira mabese ku zinguvu, milimi ji mizeituni ni vizabibu, magondi ni zing'ombe anoho avatumikiri!

Danyeli 5:17

Maku Danieli yativura imbiri wu mwami navoora, “Omwami wange, nuyanza yiviikiri vihaanwa vivio, anoho uhaane madanyi yaga ku mundu wundi, navuzwa inzi ndasoma mang'oda kandi mbane livaala liago.

Matayo 10:8

Muhonyie avalwaye, mu simugukizi avakuzu, mutakase avagere, mukungi amademoni. Muheveywi vuzwa, na munyi muhaane vuzwa.

1 Vakorintho 6:12

Mundu mulala anyala kovora, “Mbugilirwaa kokora kindu choosi.” Yee, vulahi; navuzwa vindu viosi siviveeye vilahi ku ivi mba. Nyara kovora ndi, mbugilirwaa kokora kindu choosi, navuzwa sinzizaa koleka kindu choosi kongola mutugwa wi kindu yicho mba.

2 Vakorintho 12:14

Kalunu nzetegeki ligali kuuza kuluuta munyi ing'inga ya kavaga, na sindenya kindu choosi kutura ku munyi mba. Icha nyenya sigaveeye mabese ginyu mba, navuzwa nyenya munyi aveene. Sigoveeye mwima avana kuviikira aviivuli vaavo mabese mu livikiru, navuzwa aviivuli nivo vavikiraa avana vaavo mabese mu livikiru.