2 Avami 5:13 - KITABU KITAKATIFU

¹³ Mutumikiri weve yazia kuye namuvolera, “Mwami wange, niiva muporofeti yaali akovolere ukole kindu keveeye kidinyu, ngano siwaali okekole. Navuzwa kalunu, kigira ki utisaava mwene kuli avooye ma ohone?”

2 Avami 5:13 ပူးပေါင်းရင်းမြစ်များ

Litanga 41:43

Yamuvika ku ligare lilie lia kaviri lio vwami. Avasikari vuluyali vagenda imbiri weve, vahanzuka nivavoora, “Lungikizi inzira! Lungikizi inzira!” Kunangwa mwami yatovola Josefu kuva mwamihi wi kivala choosi cha Egebeti.

1 Avami 20:23

Avanene vu mwami Benihadadi vamuvolera, “Avanyasaye va Isiraeli vaveeye vi vigulu, na yicho nicho chagira vandu va Isiraeli nivakuguuta. Navuzwa ligali kulavaguuta niiva kulalwaana navo mu vileremo.

1 Avami 20:31

Avatumikiri veve vazia kuye nivavoora, “Kuhuliyi ndi avami va vandu va vandu va isiraeli vaveeye zimbavasi. Kohe munwa kuzie ku mwami wa Isiraeli nikwevohi zinguvu zia magunia mu visindi vietu kandi migoye mu magoti giitu; mbula alahonyia livamwoyo liilio.”

2 Avami 13:14

Muporofeti Elisha yaali mulwaye ligali, kandi lwa yaali naguvaguvaa mwami Jehoashi wa Isiraeli yasulunguta kuzia ku muloraa. Yamulilira navoora, “Baba wange! Baba wange! Ivi waveeye mukingi wi zinguru wa Isiraeli! Ligali uziiyi!”

2 Avami 2:12

Na Elisha yalilola ma yalilira Elija, “Baba wange, baba wange! Mukingi wi zinguru zia Isiraeli! Ligali uziiyi!” Kandi siyalola Elija kandi mba. Mu vovereri vonene ligali, Elisha yatandula inguvu yeye yu vusaalisi mu zimbala ziviri.

2 Avami 5:10

Elisha yatuma mutumikiri mulala ichova kuvolera Naamani azie kwisaava mu mugera gwa Jorodani haali saba, naye alahona vogere vwivwe ligali.

2 Avami 5:3

Lidiku lilala, yavolera mukali wa Naamani “Ndakayanzi munene wange azie ku muporofeti umenyaa mu Samaria. Anyala kumuhonyia uvulwaye vwivwe.”

2 Avami 6:21

Lwu mwami wa Isiraeli yalora Vasiria yava, yateeva Elisha, “Nzite avandu yava, mwami wange? Mbiiti?”

2 Avami 8:9

Kunangwa Hazaeli yadwiika zing'amia arubaini misigo ji zing'ano ziosi zie vindu vilahi ligali ivialombwa kutura Damasiko ma Lwa Hazaeli yagana naye, yavoola, “Mutumikiri woovo, mwami Benihadadi umali kutuma inzi ngoteeve niiva alahona kutura mu vulwaye vwivwe anoho mba.”

Zaburi 51:2

Onzogize uvudamanu ligali, na undakase kutura muvwoni vwange.

Zaburi 51:7

Tuliza ho uvwoni vwange, na inzi ndava munifu. Onzogize, na inzi ndava mulavu kuvita likonza.

Isaya 1:16

Mwisaave aveene munihi. Mulekere likora uvudamanu yivu vwosi vwa ndolaa nimukora. Yee, mulekere likora uvudamanu

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Matayo 23:9

Anoho mutalanga umundu woosi ‘Baba’ mu lirova muno mba, kigira Baba winyu aveeye mulala yenyine vuzwa oveeye mwigulu.

Yohana 13:8

Petero yamuvolera, “Ivi siunyala kunzisaaviza virenge viange kali hakuzu mba!” Yeso yamutivulira, “Nindakusaaviza virenge, sioveeye ni lihambana nainzi mba.”

Yohana 9:7

na muvooleraa, “Zia wisaave mu lidavalia lia Siloamu.” Kivuni chi lieta yili keveeye “Kutuma.” Kunangwa, mboku oyo yazia niyisaava, ma niyirana nalora.

Vikolwa 22:16

Kalunu kigira ki ulindagira kandi? Singira ubatizwi, kandi wogizwi uvwoni vuvwo ku lieyama lieta lilie.’

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 1:27

Navuzwa Nyasaye yatovola ivindu vie lirova liganaganaa kuva uvusiru, aduuki kuhaana zisoni ku vageri. Nyasaye yatovola ivindu vie lirova liganaganaa kuva videdekere aduuki koleganyia yavo avaveeye nizinguru.

1 Vakorintho 4:15

Kali niiva muveeye na vigizi zielefu likomi mu Kristo, simuveeye na vababa vanyingi mba, kigira ndaagwa baba winyu mu Kristo Yeso ku limwilwaazira Ivangeri.

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.

1 Samweli 24:11

Henza, baba wange, henza kilaka chi iganza yooyo cha ngumiyi mu mukono! Ndaali nyara kukwita navuzwa mu vogono yivwo ngali vuzwa kilaka yiki. Yiki kidukanaa kikumanyie ndi simbeeye niganagani yukwibaala ku ivi kinga kukusaliriza mba. Ivi umbizaa uduuki kunzita, kali nindavula kukokolera kindu choosi kidamanu.

1 Samweli 28:23

Saolo yasura navoora sialalia kindu choosi kali kidi mba. Navuzwa vanene veve vaamudinyiriza nivamugoonya alie. Mu limalirika yamanya navugilira; yavuka kutura hasi niyikara ku kidali.

1 Samweli 9:10

Saolo yavolera mutumikiri weve, “Vulahi, Hamba kuzie.” Kunangwa vatura kuzia mu lidaala wu mundu mutakatifu wa Nyasaye yaali.