2 Avami 4:38 - KITABU KITAKATIFU

³⁸ Ing'inga indala, lwe etozo yaali ho mu kivala choosi, Elisha yirana Giligali. Lwa yaali ni yigizaa muganda gwa avaporofeti, yavolera mutumikiri weve atengeke isika ku mahiga na avadekere umunyu gwi zinguza ninyama.

2 Avami 4:38 ပူးပေါင်းရင်းမြစ်များ

Litanga 25:29

Lidiku lilala lwa Yakobo yaali nadeeka muduyaa, Esau yingira natura mu lihiima. Yaali ni inzara

2 Samweli 21:1

Ing'inga yu vwamihi vwa Daudi, inzara yaali ho induru ligali ku ing'inga yi mihiga jivaga. Kunangwa Daudi yateeva Yahova kivuni chayo; Yahova yavoola, “Saolo harara na avinyumba yeeye vaali namahiolo gu vurumindi, kigira yita avandu vilidaala lia Gibeoni.”

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

2 Avami 2:1

Ing'inga yaduuka lwa Yahova yaahira Elija mwigulu ni kihuzuzi. Elija na Elisha vatanga logendo kutura Giligali.

2 Avami 2:3

Muganda gwa vaporofeti avamenyaa ha Bezeli vazia ku Elisha, ni vamuteeva, “Ukamanyi ku Yahova azizaa kuvugura munene woovo kutura ku ivi lidiku lia lero?” Elisha yativura, “Yee, inzi manyi vulahi. Navuzwa leki kuvuli komoloma amakuva yago kalunu.”

2 Avami 4:1

Mukunzakali mulala ku vu muganda gwa vaporofeti yazia ku Elisha namuvolera, “Mwami wange, musaza wange yakuza! Kuli ivi umanyi, yaali mundu watia Nyasaye, navuzwa kalunu, umuvazi weve yaazaa kuvugura avayaayi vange vaviri kuli avatugwa veve.”

2 Avami 4:39

Mulala kuvo yazia mu mulimi ukwaaha zinguza. Yanyoora iliungu liu mbulimu ma nanoga vimuga vinyingi kuli yaali anyala kugingira kunguvu yeeye. Yavileeta navidonyanyira mu isika yi zinguza, natamanyi icha gaveeye.

2 Avami 8:1

Elisha yaali navoleeye mukali kutura Shunemu, wumuyaayi weve yaali nasimugukiziywi, Yahova azizaa kutuma inzara mu kivala ku mihiga saba. Kunangwa kuduuka ivi na avinyumba yooyo muzie komenya havundu handi.

Ayubu 30:4

Ing'inga yeyo viha vitagwa mu changalangwe na amatu mu militu nivalia kuli chukulia, kali vavugura imiri ji misaala ja meyo nivalia.

Tsing'ano 8:34

Yavo vambulirizaa valava nu vuyanzi. Yavo vaalindilira ha muliango gwange vuli lidiku, vaalindilira mu vwingiliru vwa hango hange;

Ezekieli 11:3

Vavola, ‘Koveeye ahimbi kwumbaka zinyumba kandi. Lidaala linene yili liveeye kuli inyingu yokodekeramu, na kunyi koveeye kuli inyama muyo, navuzwa kali ndio kikukingaa kutura ku muliru.’

Ezekieli 11:7

“Kunangwa yaga nigo aga inzi, Yahova Wuvunyali mboraa. Lidaala linene yili liveeye ligali inyingu yokodekeramu, navuzwa inyama eveeye ki? Inyama yiyi eveeye miviri jayavo avamumali kwita. Munyi si mulava hano mba, ndamusiuva ichova wi lidaala linene!

Ezekieli 14:13

“Mwana wu Mundu, niiva vandu valakola uvwoni kandi vavuli kuva vasuuvirifu ku inzi, ndahaana mageri kuvo nukwononyia linyola lie viukulia viavo. Ndatuma inzara kwita vandu harara ni zinyama.

Ezekieli 24:3

Ovoole lugano yilu ku vandu vange avamali kwibaala, ulwa Inzi Yahova Wuvunyali mali kovora kigira yavo; Uviiki inyingu kumahiga ma witimu amazi gizuri mu du.

Kyavalevi 26:26

Ndatulizaho chukulia chiinyu kunangwa vakali likomi valatumikira lihiga lilala kolomberaku migadi josi javaveeye najo lwa muva nimwakagilia josi, mulava nimukikiri inzara.

Amosi 7:14

Amosi yativura, “Amazia, inzi si mbeeye kulugano lwu muporofeti oporofetaa ku aduuki kutuungwa mba, anoho mwana wu muporofeti, navuzwa mbeeye vuzwa mwayi wi mitugu, kandi mulimi wi mikuyu ji mizabibu.

Marko 6:37

Navuzwa Yeso yavavolera, “Munyi mu vahe ichavalia.” Navo vamuteeva, “Kuzie kugura imigadi ji vidonye mia mbiri viefeza kuvahe valie?”

Luka 10:39

Yaali na amwavo weve walangwa Maria. Maria yikala ha virenge viu Mwami Yeso naahuliriza amigizu geege.

Luka 2:46

Inyima wa madiku gavaga vamunyoola mu Litembeli, niyikaye hagati ha avigizi va Vayuda, navahulirizaa nukuvateeva mateeva.

Luka 4:25

“Mumbulirizi: gaveeye agiligali ndi vaali ho avakunzakali avanyingi mu kivala cha Isiraeli mu madiku ga Elija. Lwi imbura yavula kukuba ku mihiga jivaga ni mieli sita, inzara enene yaduuka mu kivala choosi.

Luka 8:35

Avandu vazia kolola agaali ni gekoleki. Lwa vaduuka ku Yeso, vanyoola mundu wa mademoni gaali nigatuliziywi muye niyikaye ha virenge via Yeso; niyiviiki zinguvu, kandi niyituliyi. Vaatia ligali.

Luka 8:38

Mundu wa mademoni gaali nigatuli kuye, yagoonya Yeso ayaanze aleke vazie naye. Navuzwa Yeso namuvolera,

Luka 9:13

Navuzwa Yeso yavavolera, “Munyi aveene muvahe kindu chavanyala kulia.” Navo vaamutivulira, “Koveeye vuzwa nimilaango ji migadi jitano ni zisuzi ziviri. Ivi wenyaa kuzie kugulira kiduma yiki choosi viukulia?”

Yohana 21:5

Maku, Yeso yavateva, “Avana, mukagumiyi ku zisuzi ziosi naho?” Vaamutivulira, “Awa.”

Yohana 21:9

Lwa vaduuka ku lujinga valora muliru gwa manda ni vaviiki ku zisuzi ni migadi.

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Vikolwa 15:36

Inyima wa madiku gaduuki, Paolo yavolera Baranaba, “Kalunu kwirane kuzia kolola avaamitu mu madaala goosi ga kwilwaza mu likuva liu Mwami, kolole kuli vazizagilira.”

Vikolwa 22:3

“Inzi mbeeye Muyuda, wivulirwa Tariso lidaala lia Kilikia. Navuzwa ndavirukira mu lidaala lia Jerusalemi, ninzigizwa hasi hu mwigizi Gamalieli. Ndigizwa vulahi ligali kolonda ligali Lilaga lia avaguuga viitu. Ndihaana nu mwoyo gwosi ku Nyasaye, kuli munyi mwosi muveeye kalunu.

1 Samweli 19:20

Kunangwa yatuma vasaza valala kumugumira. Valora muganda gwa vaporofeti nivavina kandi niiva porofetaa harara na Samweli kuli mwimiliri wavo. Ahene yaho Roho gwa Nyasaye gwaaza ku vasaza va Saolo yatuma kandi vatanga kuvina no koporofeta.