2 Avami 4:31 - KITABU KITAKATIFU

³¹ Gehazi yimilira kuzia imbiri wavo kandi naviika imbimbu ya Elisha ku mwana oyo, navuzwa sihaaliho nu mwoyo kinga kelolero kindi chi livamwoyo muye mba. Kunangwa yirana kuzia kwagana Elisha navoora, “Mwana muyaayi siavuuki mba.”

2 Avami 4:31 ပူးပေါင်းရင်းမြစ်များ

1 Avami 18:26

Vaavugura igiriki ya valeetelwa, nivagelomba, kandi nivasaara ku Baali kutura mugambazuri kuduuka mbasu hagati. Vahanzuka nivavoora, “Kutivuliri Baali!” Kandi nivazizagilira kuvina nivavodong'ana vwali vwa vaali nivumbaki. Navuzwa litivuli kali lilala siliaza mba.

1 Avami 18:29

Mbasu hagati vazizagilira kuhanzuka no komoloma kuli vandu valalu kuduuka ing'inga yukuhaana kisiuviriru cha mugolova. Navuzwa si vahulira mwoyo gwosi mba; kandi sihaali ho na mativuli, mba.

2 Avami 4:32

Lwa Elisha yaduuka, yazia yeng'ine mu keng'oze kandi nalora musoleri naagoni mukuzu ku kidali.

2 Avami 5:20

Gehazi mutumikiri wa Elisha yevolera umwene, “Munene uleki Naamani azie vugira kutunga kindu. Ngano yaali avugiliri chu Musiria ula ahaani kuye. Ku Yahova Oveeye mwoyo, inzi ndamulondelera ma nduuki konyoora kindu kutura kuye.”

2 Avami 8:1

Elisha yaali navoleeye mukali kutura Shunemu, wumuyaayi weve yaali nasimugukiziywi, Yahova azizaa kutuma inzara mu kivala ku mihiga saba. Kunangwa kuduuka ivi na avinyumba yooyo muzie komenya havundu handi.

Ayubu 14:12

ni ndio avandu vakuza, na si vasimuguka kandi mba. Si valasimuguka kandi, kuduuka ing'inga yi ligulu lilivula kuvaho, anoho sivalakasimuguki kutura mu zindolo ziavo mba.

Ezekieli 14:3

“Mwana wu Mundu, avandu yava vaviiki mioyo jaavo ku vifananyi kandi vavimilira kokora uvwoni. Vaganagana inzi ndahaana mativuli kuvo?

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Marko 5:39

Yingira munyumba, navavoolera, “Kigira ki mukubaa zikwiri ni musiomaa? Mukaana uyu siakuzi mba, agonaa.”

Yohana 11:11

Lwa Yeso yamala kovora yaga, yavavolera, “Mulina wiitu Lazaro agoni, navuzwa inzi ndaazia kumuvuukiza.”

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

1 Samweli 14:37

Kunangwa Saolo yateeva Nyasaye, “Nyara kuzia kwingilira vandu va Filisitia? Ulakwimilira kuguutia?” Navuzwa Nyasaye siyativula kindu lidiku yilio mba.

1 Samweli 28:6

Yateeva Yahova cha anyala kokora. Navuzwa Yahova siyaamutivulira kali hakuzu, ku maloto kinga ku litumikira Urimu na Zumimu anoho ku avaporofeti mba.