2 Avami 4:29 - KITABU KITAKATIFU

²⁹ Elisha yagirung'ana ku Gehazi, navoora, “Kola vwangu! Vugula imbimbu yange na uzie. Utasingira kucheliza mundu woosi wa wagaana naye mba. Na niiva mundu alakucheliza, utavugula ing'inga kutivula mba. Zia vulungi munyumba na uviiki imbimbu yange ku muyaayi zana.”

2 Avami 4:29 ပူးပေါင်းရင်းမြစ်များ

1 Avami 18:46

Zinguru zia Nyasaye ziaza ku Elija; yevoha zinguvu zizie vudinyu mu kekenge, niyekolelera imbiri wa Ahabuu kwingira mu Jezireeli.

2 Avami 2:14

Yakuya amazi ni inguvu ya Elija, navoora, “Yahova, Nyasaye wa Elija uveeye haliha?” Yakuya amazi kandi nago gavukana yiyi ni yiyi, kandi naye yambuka.

2 Avami 2:8

Maku Elija yaatuliza inguvu yu vusaalisi yeye nagilinga harara kandi nagikuya ku mazi, amazi gavukana na Elija na Elisha vaambuka kuzia ku luginga Lundi ku marova amuumu.

2 Avami 4:12

Yavolera Gehazi mutumikiri weve azie kulanga mukali mwene nyumba. Lwu mukali oyo yaza,

2 Avami 9:1

Lidiku lilala, muporofeti Elisha yalanga mulala ku vaporofeti vayaayi namuvolera, “Wetegeke na uvuguli keseve cha maguta ga muzeituni yaga mu makono googo na uzie Ramozi mu Gileadi.

Kutwula 14:16

Ginga imbimbu yooyo igulu ogesone kunyanza. Amazi galaavukana, na vandu va Isiraeli valagenda kuvitira munyanza ku lirova liumu.

Kutwula 4:17

Vugula imbimbu yiyi na ulakola vilolekizu viokogenyia nayo.”

Tsing'ano 31:17

Aveeye muyinziri mugulu okolaa makono geege gaava nizinguru.

Luka 10:4

Mutavugula kebeti, anoho mabese anoho musigo, anoho vilato mba. Kandi mutachelizi mundu kali mulala kunzira mba.

Vikolwa 19:12

Kali avandu vaavugura vitambaya ni zinguvu zindi ziatula ku muviri gwa Paolo yatumikiraa, nivahilira avalwaye vaavo, navo vahonywa vulwaye vwavo; na vandu avaari na mademoni gaturaa kuvo.

Vikolwa 3:16

Ziali zinguru zie lieta lia Yeso, ziahaana ku mundu mulema uyu zinguru. Icha munyi muloraa nukumanya chekoleka kigira lisuuvira mu lieta lilie. Lisuuvira mu Yeso nilio liheeye mundu uyu uvulamu vwokohona ligali kuli mwosi muloraa.

Vafeso 6:14

Kunangwa singiri vudinyu ni mwevohi agiligali kuli umusibi mu vikenge vienyu, kandi ni mwiviki uvulungi kuli isalamba,

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.