2 Avami 4:2 - KITABU KITAKATIFU

² Elisha yamuteeva, “Nyara kokokolera ki? Mbolera, oveeye na ki munyumba yooyo?” Yativura navoora, “Simbeeye ni kindu munyumba nitali ijuba engekeeke ya maguta ga muzeituni.”

2 Avami 4:2 ပူးပေါင်းရင်းမြစ်များ

1 Avami 17:12

Yativura, “Ku Yahova Nyasaye woovo nzisuha ndi simbeeye ku nu mugadi mba. Ichambeeye nacho choosi keveeye vuzwa nutusie tuduuka ku luhi lulala munyingu nu tuguta tokekeeke vuzwa. Nzizi hano kotenya zingu zia mbira yengo, nombere muyaayi wange harara ninzi mwene kekekeeke chambeeye nacho. Yicho kilava chukulia chiitu chukumaliriza, ma kukuzi.”

2 Avami 2:9

Wene yeyo Elija yavolera Elisha, “Mbolera cha wenya ngokolere ni ngikiri kutulizwa ku ivi.” Elisha yavoola, “Leka nyoore kidieli chi zinguru zizio kinyala kongola mbuguli vogono vuvwo.”

2 Avami 4:3

Elisha yamuvolera, “Zia ku vatende vovo vosi na usave viju iviere vitali mu ni kindu; sava vinyingi kuli unyala.

Kutwula 4:2

Yahova yamuteeva, “Oveeye naki mu mukono gugwo?” Naye yativura, “Imbimbu.”

Matayo 15:34

Yeso yavateva, “Muveeye ni milaango ji migadi janga?” Navo vaamutivulira, “Koveeye ni milaango saba nu tusuzi tokekeeke ututali tunyingi.”

Vikolwa 3:6

Navuzwa Petero ya muvooleraa, “Inzi simbeeye na mabese mba, navuzwa ndakuha choosi icha mbeeye nacho. Mulieta lia Yeso Kristo wa Nazareti, ngulaga, singira ogeende!”

2 Vakorintho 6:10

kali nikovererizwa, koveeye nu vusangali kazozo; kololeka kuli avadaka, navuzwa kokoraa vanyingi kuva vatugi; kololekaa kuli avataveeye ni kindu, navuzwa koveeye ni vindu viosi.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.