2 Avami 4:1 - KITABU KITAKATIFU

¹ Mukunzakali mulala ku vu muganda gwa vaporofeti yazia ku Elisha namuvolera, “Mwami wange, musaza wange yakuza! Kuli ivi umanyi, yaali mundu watia Nyasaye, navuzwa kalunu, umuvazi weve yaazaa kuvugura avayaayi vange vaviri kuli avatugwa veve.”

2 Avami 4:1 ပူးပေါင်းရင်းမြစ်များ

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

1 Avami 18:3

Kunangwa Ahabu yalanga Obadia yaaze, waali munene winyumba yu vwami Obadia yaali musuuviri wa Yahova,

1 Avami 20:35

Olondekana ni lilaga lio Yahova, mulala ku muganda gwa avaporofeti yalaga muporofeti wache weve amuduyi, navuzwa yasura.

2 Avami 2:15

Vaporofeti amusini avaari ha Jeriko valora Elisha, vavoola, “Roho wa Elija aveeye ku Elisha.” Vazia kumwaganira, ni vinama haasi imbiri weve,

2 Avami 2:3

Muganda gwa vaporofeti avamenyaa ha Bezeli vazia ku Elisha, ni vamuteeva, “Ukamanyi ku Yahova azizaa kuvugura munene woovo kutura ku ivi lidiku lia lero?” Elisha yativura, “Yee, inzi manyi vulahi. Navuzwa leki kuvuli komoloma amakuva yago kalunu.”

2 Avami 2:5

Muganda gwa vaporofeti avamenyaa yo vazia ku Elisha ni vamuteeva, “Ukamanyi ku Yahova azizaa kuvugura munene woovo kutura ku ivi kalunu?”

2 Avami 2:7

na avaporofeti amusini vavalonda kuduuka ku mugera gwa Jorodani. Elija na Elisha vasingira ku mugera, na avoporofeti amusini yavo vasingira hahale ku kutura kuvo.

2 Avami 4:38

Ing'inga indala, lwe etozo yaali ho mu kivala choosi, Elisha yirana Giligali. Lwa yaali ni yigizaa muganda gwa avaporofeti, yavolera mutumikiri weve atengeke isika ku mahiga na avadekere umunyu gwi zinguza ninyama.

2 Avami 6:9

Navuzwa Elisha yatuma makuva ku mwami wa Isiraeli, namwiganihiza avuli kuzia ahimbi na havundu yaho kigira Avasiria valii ni vagoneki ahene yaho.

Nehemia 10:31

Niiva avageni valaleta vuswage kinga ivindu vindi viosi kukugulizira ku lidiku lie Lisabato anoho ku lidiku lindi liosi litakatifu, kunyi sikulavigula kutura kuvo mba. Vuli muhiga gwa saba, sikulalima milimi mba, kandi kulaleka livanza magovi goosi.

Nehemia 7:2

Ndaviika uvwamihi vwi lidaala linene mu vulindi vwa avasaza vaviri yava: Amwavo wange Hanani na Hanania uwaali munene wi imbinga. Hanania yaali mundu musuuvirifu kandi uwatia Nyasaye kuvita avandu vandi vanyingi.

Zaburi 103:11

Uvuyanzi vwa Yahova vutaveeye ne keheri ku yavo vosi avamutizaa voveeye vonene ligali, kuli ligulu liveeye igulu ligali kutura ku lirova.

Zaburi 103:17

Navuzwa uvuyanzi vwa Yahova vuhindiraa mihiga ni mihiga ku yavo avamutizaa; kandi uvugasu vwivwe vuhindiraa ku makura goosi;

Zaburi 115:13

Yahova alagasiza sa mulala uhaanaa luyali kuye, avanene navakekeeke harara.

Zaburi 147:11

Navuzwa ayanziliraa yavo avamuhezaa luyali, kandi mu yavo avasuuviraa mu vuyanzi vwivwe vwa kazozo.

Tsing'ano 22:7

Mundu mutugi yamiha mundu mudaka, na uyu wegobaa aveeye mutugwa wu mwegobizi.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Kohelethu 8:12

Kali umwoni nakora vudamanu haali 100, navuzwa amenyaa ing'inga indambi. Oh yee, ndaamanya gavavoraa, “Niiva ulatia Nyasaye, vuli kindu choosi kilava kilahi,

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Jeremia 34:14

Vuli mihiga saba valavoholora mutugwa woosi Muheburaina uwatumika ku mihiga sita. Navuzwa avaguuga vinyu sivategiza amatu nukuhulira agandaavola mba.

Kyavalevi 25:48

Inyima wu kwiguliza, akikiri nuvunyari kwirana kugulwa yilanywe. Mulala ku avamwavo veve,

Malaki 3:16

Maku avandu vaatia Yahova vavolerana, na Yahova yahuliriza ma naahulira cha vavola. Vang'oda imbiri weve mu kitabu chu kwizuliza yavo vosi avatia Yahova kandi avahaana luyali kuye.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Matayo 18:25

Mundu oyo siyaali ni kindu chu kutunga mba. Mwami weve yaatuliza lilago agulizwi harara nu mukali weve kandi vana veve, ni vindu viosi via yaali navio, ligovi liduuki kutungwa.

Matayo 18:30

Navuzwa yasura. Mu vogono yivwo, yamukola avofi muvuhambe kuduuka lwa atungaa ligovi.

Matayo 18:35

Yeso yamaliriza kovora, “Baba wange wu mwigulu alakola malala meere ku munyi niiva simulasamiiha avamwavo vinyu mugati mwi mioyo jinyu.”

Vikolwa 13:26

“Avandu va Isiraeli vache vange, munyi kisukururwi cha Aburahamu, na avizihiiri vosi avasigamiraa Nyasaye! Likuva lio vohonyi yili lileeteywi ku kunyi.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”

Likunula 19:5

Maku umwoyo gwatura mundeve yu vwami, nigovoora, “Mwizominye Nyasaye wiitu, munyi avatumikiri veve vosi, kandi munyi avandu vamutiizaa, mwombi avakeekeke na vanene.”

Ruth 1:3

Navuzwa Elimeleki, musaza wa Naomi, yakuza namuleka harara navayayi veve vaviri.

1 Samweli 22:2

Avandu vosi avadambizangwa anoho avaari mu magovi kinga avavura kuyaanzizwa ni liiva liuvwami, vazia kwiyunga naye, kandi yagwa mwimiliri wavo. Ahimbi avasaza 400 vaali naye.