2 Avami 3:26 - KITABU KITAKATIFU

²⁶ Lwu mwami wa Moabu yamanya ndi azizaa kuguutwa mu vulwani, yavugula vasaza vi vivavi mia saba harara naye kandi nageriza kuvitira mu zimbaso zia vasigu aduuki kwirukira ku mwami wa Siria, navuzwa siyanyariza mba.

2 Avami 3:26 ပူးပေါင်းရင်းမြစ်များ

2 Avami 3:25

nu kudiviza madaala manene gaavo. Lwa vavita mu mulimi mugunamu, vuli Mwisiraeli yalasa magina mugwo kuduuka mulimaliriza milimi josi jakunikwa na magina; vigalira kandi vidaho viavo nokotema misaala jaavo josi ja makuyu. Mu limalirika, lidaala linene ku goosi lia Kiri Hareshezu lialekwa na valasi va magina valikumbiriza nu kulingilira.

2 Avami 3:27

Kunangwa yavugula muyaayi weve mukulundu awaali yakavuguyi ovogono vwivwe kuli mwami, namuhaanira ku lidigi lie lidaala linene kuli kisiuviriru ku munyasaye wa Moabu. Vaisiraeli vatihizwa ligali, na ndio vamanya ni virana inyima kutura mu lidaala linene ni virana mu kivala chavo aveene.

2 Avami 3:9

Kunangwa mwami Joramu na vami vi Ivuyuda na Edomu yaatanga logendo. Inyima wo kogenda ku madiku saba, vadaka amazi, na sihaali ho na gatigala aga vasaza vi liihi kandi agi zinyama ziavagingiraa vindu mba.

2 Avami 8:20

Mu ing'inga yu vwamihi vwa Jehoramu, avandu va Edomu vibaara ku vandu vi Ivuyuda, ma ni viyamiiha aveene.

Amosi 2:1

Yahova avoora, “Avandu vi kivala cha Moabu vamali kokora uvwoni haali kanyingi, na kigira yaga ndavaha amageri ligali. Sivahaana luyali ku vigumba viu mwami wa Edomu kulivisaamba kuduuka nivigwa ligoke.