2 Avami 3:2 - KITABU KITAKATIFU

² Joramu yakola gaali uvwoni mu zimoni zia Yahova Nyasaye, navuzwa siyaali mudamanu kuli baba na mama weve Jezebeli mba. Yasambula munara gwa Baali, kifananyi cha baba weve yaali na lombi kigira lisigamira lia Baali.

2 Avami 3:2 ပူးပေါင်းရင်းမြစ်များ

1 Avami 16:19

Yaga gekoleka kigira vwoni vwivwe ku Yahova. Siyaayanziza Yahova kuli Jeroboamu waali imbiri weve, yaayanza kwimilira vandu kokora uvwoni.

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 21:25

Sihaali ho nu mundu wosi waluvilira nu mwoyo gwosi kokora vudamanu mu zimoni zia Yahova kuli Ahabu mba, na Jezebeli mukali weve yamuzuva mu vindu yivi viosi.

2 Avami 10:18

Jehu yalanga avandu va Samaria harara navoora, “Mwami Ahabu yatumikira munyasaye Baali hake vuzwa, navuzwa inzi ndamutumikira hanene ligali.

2 Avami 21:20

Kuli baba weve Manase, Amoni yakola uvwoni imbiri wa Yahova.

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

2 Avami 9:22

Lwa Joramu yalora Jehu, yamuteeva, “Jehu, uzi mu mirembe?” Jehu yativura, “Mirembe ginyala ndi kuva ho lwu vusigitiri ni lisigamira misambwa ja mama woovo Jezebeli yatangiza liveeye linyingi?”

2 Avami 9:34

Jehu yingira munyumba yu vwami nalia chukulia kandi naanwa. Yavoola, “Vuguli mukali walaamwa oyo na mumute; kali ndio, aveeye mukaana wu mwami.”

Kutwula 23:24

Mutinamira avanyasaye vaavo anoho kuvasigamira mba, kandi mutavuguli likora ni miima jidiini yaavo mba. Mwononyie ligali nukuvunanyia minaara jaavo ja magina.

1 Samweli 15:19

Kunangwa kigira ki utahuliiyi Yahova? Kigira ki udidikani kutuuma ku vilaanye nokora gatayanzizaa Yahova.”