2 Avami 25:4 - KITABU KITAKATIFU

⁴ Madigi gi lidaala linene gafudulwa umuluhu kali niiva avandu va Babiloni vaali ni vakumberizi lidaala linene, avasikari vosi viruka ing'inga ya vudiku kuvitira kunzira yu mmulimi gwu vwami, ni vavitira mu kirivwa chahambanyia madiji, ni vazia ha livona lio mugera gwa Jorodani.

2 Avami 25:4 ပူးပေါင်းရင်းမြစ်များ

2 Avami 25:5

Navuzwa iliihe lia vandu va Babiloni lialonda mwami Zedekia, ni limugumilira mu kereremo ahimbi na Jeriko, na vasikari veve vosi viruka ni vamuleka.

2 Kyetsinyinga 32:5

Maku mwami yayinzira vudinyu ligali niyumbaka vuhia lidigi liosi iliali niliayavuguka liosi kandi niyumbaka minaara kulio. Yumbaka lidigi lindi ichova. Liene yilio kandi yumbaka vudinyu kedonye chi lidigi iliali ku lovega lwi ivugwi wi lidaala linene lia Daudi aha milo. Yalomba kandi iviugi vinyingi niinguva zinyingi ligali.

Nehemia 3:15

Shalumu muyaayi wa Kolihoze, mwamihi wa Mizipa yumbaka vuhia Kirivwa chi Kidaho. Yaanyinya inzira yikirivwa, naviika virivwa mu vogono vwavio, kandi naviika mu miruguyu kandi vivohero vwukuhanira kirivwa. Ha Lidavalia lia Shela yumbaka lidigi liakagatana nimilimi gwu vwami, kuli kuduuka ku vika viemilango kusulunguta kutura mu Lidaala linene lia Daudi.

Isaya 22:11

Kandi mwalomba Lidavalia lia amazi ilihia hagati hi lidaala linene, liduuki kuva na mazi kutura mu lidavalia lia kale. Navuzwa si mwenya kuhulira Nyasaye uwalohiza yago goosi kokoleka mu madiku ga kale.

Isaya 22:3

Aviimiliri vinyu vosi viiruka kandi vagumirwa ni vakikiri kulasa mivano ju vuta.

Jeremia 32:4

na mwami Zedekia wi Ivuyuda si alahononoka kutura mu zinguru zia avandu va Babiloni mba navuzwa alaviikwa mu zinguru ziu mwami wa Babiloni. Alalolana naye moni na moni kandi alamoloma naye naveeye muvuhambe.

Jeremia 34:3

Si mulahononoka kutura kuye mba; navuzwa mulagumirwi manamuhirwi kuye. Mamumulore moni na moni kandi namulomome naye mwene; maku namuzie Babiloni.

Jeremia 38:18

Navuzwa niiva si ulihaana mu zinguru zia vatumikiri vu mwami wa Babiloni, na yaho, lidaala linene yili lilahaanwa ku avandu va Babiloni, avaazaa valisambe nu kulidiviza, na ivi si ulahononoka kutura kuvo mba.”

Jeremia 4:17

navalakumbiriza Jerusalemi kuli avasaza valindanga umulimi kigira avandu vaavo vamali kwibaala ku Yahova. Yahova umali kovora.

Jeremia 4:29

Vuli mundu aliruka nukuzia ihale lwa ahulira liyoga lia avandu, vizibarasi na avuvuta avalala valirukira mumulitu, avandi valanina kuzinyanda vuli lidaala lilatigala iliere, nasiaveeyeho nu mundu ulimenyamu kandi mba.

Jeremia 44:30

Ndahaana Hofira mwami wa Egebeti ku avasigu veve avenya kumwita, kuli ndahaana Zedekia mwami wi Ivuyuda ku Nebukadineza mwami wa Babiloni, uwaali umusigu weve kandi yenya kumwita.”

Jeremia 5:10

Ndatuma avasigu kotema mizabibu ja avandu vange, navuzwa vavuli kujidiviza ligali mba. Ndavavolera vahaluliri zisia kigira si ziveeye ziange mba.

Lisyoma lya Jeremia 1:3

Avandu vi Ivuyuda vahiliywi mu lihaminywa kigira uvudinyu kandi lisalira. Kalunu vamenyi hagati hi zihiiri, navuzwa si vanyoola havundu hokososera mba. Avasigu vaavo vamali kuvaguuta hagati hu vudinyu vwavo.

Lisyoma lya Jeremia 1:6

Uvukumi vwa vandu va Jerusalemi vutuliziywiho; Avanene vaavo vamali kugwa kuli zimbongo zitaveeye nu vwayiru. Viiruka vugira zinguru imbiri wa vasigu vaavo.

Ezekieli 12:12

Munene wamihaa nagiingi misigo jije mu kisundi kandi nahononoke kuvitira mu muluhu gwavamufudula mu lidigi. Alakakuniki mumoni mwimwe kandi sialinyala kolola uwaziza mba.

Ezekieli 12:14

Ndakasalanyie avasangi vosi avumumugizi gwigwe muzimbega ziosi, niyavo avahaani viziganagani numusikali weve, na avandu valakavenye vaduuki kuvita.

Ezekieli 12:4

Ni vukikiri mbasu, lohiza, misigo jijo kuziamulihaminywa, kunangwa vaduuki kokolola. Maku mu ing'inga ya mugolova nivalora, utuli mulihaminywa, kunangwa vaduuki kokolola. Maku mu ing'inga ya mugolova, lwavaalora, utuli ichova kuli yavo avazizaa mu lihaminywa.

Ezekieli 33:21

Ku lidiku lia katano liu mweli gwi 10 gwu muhiga gwi 12 gwi lihaminywa lietu, umundu waali niyiruki kutura Jerusalemi yaza kandi nambolera ndi, lidaala linene limali kugwa.

Kyavalevi 26:17

Ndamugirung'ana kunangwa muguutwi kandi yavo vamudunyira valamwamiiha. Mulatihizwa ligali na muliruka lwa hataveeye ho nu umundu umukunga.

Kyavalevi 26:36

“Ndakora yavo ku munyi avaveeye mu kivala chovogeni, vizuri vuti vonene ligali kali liyoga lie liitu lihuuzwa ni imbuza lilamukola mwiruki zimbiru. Mulanyagula kuli vakungwa mu vulwani; kandi mulagwa lwu musigu ataveeye himbi ni munyi.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”

Kwidzulitsa 28:25

“Yahova alakola vasigu vinyu va muguuti. Mulavingilira kutura mulovega lulala, navuzwa mu liruka kutura kuvo mu zimbega saba, kandi avandu vosi vu mulirova valadegerizwa lwa valora ichekolekaa ku munyi.

Kwidzulitsa 32:30

Mundu mulala anyala ndi kuguuta avandu elefu ndala? Anoho avandu vaviri vanyara ndi kuguuta avandu zielefu likomi? Yahova Nyasaye wavo umali kuvaleka; Nyasaye wi zinguru wavo umali kuvaleka.