2 Avami 25:3 - KITABU KITAKATIFU

³ Ku lidiku lia tisa, mu mweli gwa kane, inzara yaali inyingi mu lidaala linene lia Jerusalemi, na sihali ho ni chukulia ku avandu mu kivala.

2 Avami 25:3 ပူးပေါင်းရင်းမြစ်များ

2 Avami 25:2

Lidaala linene yili liakumberizwa kuduuka mu muhiga gwa kumi na moja gwi liamiiha liu mwami Zedekia.

2 Avami 6:24

Lwinyima, Benihadadi mwami wa Siria yimilira liihi lilie liosi kuzia kulwaana Isiraeli, kandi nakumbiriza lidaala linene lia Samaria.

2 Avami 6:25

Kuli mativuli gi likumbiriza yilio, ovogeheru vwi viukulia mu lidaala linene yilio vwali vunyingi ligali, kali mutwi gwi ibunda gwagulika vidonye samanini viefeza, na iziguramu miambili zia masilingoko ga makuulu gagulika vidonye vitano viefeza.

Isaya 3:1

Kalunu Yahova, Yahova Wuvunyali, aveeye ahimbi kutulizaho ivindu viosi kandi vandu vosi avahaana ovokonyi ku vandu va Jerusalemi ni Ivuyuda; Azizaa kutulizaho avandu vosi avahaanaa ovokonyi ku Jerusalemi kandi Ivuyuda. Alatulizaho viukulia viavo viosi kandi na amazi gaavo goosi,

Jeremia 19:9

Musigu alakakumbirizi lidaala nokogeriza kwita avandu valio. Likumbirizwa lirakave liukutihiza kali avandu mu lidaala yili valakalie aveene na vene kali navana vaavo.”

Jeremia 37:21

Kunangwa mwami Zedekia yalaga inzi mbanirwi mu mugizi gwinyumba yu vwami. Ndaamenya hene yaho, na vuli lidiku ndaahevwa mugadi kutura munyumba yokolombela mu migadi kuduuka lwi migadi josi mu lidaala jafwa.

Jeremia 38:2

aga Yahova yaali navooye, “Oyo amenyaa mu lidaala yili, aliitwa ni liihi, inzara anoho vulwaye. Navuzwa yavo avaazia kwihana ku avandu va Babiloni si valitwa mba. Valahononoka mu likuza na valava mwoyo.”

Jeremia 39:2

Ku lidiku lia tisa mu mweli gwa kane, ku muhiga gwa kumi na moja lwa Zedekia yaali mwami, amadigi gi lidaala linene lia Jerusalemi gaaduyagwa nigavunguluka.

Jeremia 52:6

Ku lidiku lia tisa, mu mweli gwa kane mu muhiga gwene yigwo, lwi nzara yaali inyingi na sihaali ho ni chukulia ku avandu,

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Ezekieli 5:10

Kigira yaga, avababa valalia avana vaavo kandi avana valalia avababa vaavo. Ndahaana mageri ku munyi kandi ndasalanyia vosi avalitigala mwoyo.

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Ezekieli 7:15

Lilwaana liveeye mu zinzira, kandi vulwaye ninzara viveeye mu zinyumba. Mundu woosi oveeye mu mulimi alitirwa yo ni kivavi, na ku oyo oveeye mu lidaala linene inzara nu vulwaye vilamudiviza.

Kyavalevi 26:26

Ndatulizaho chukulia chiinyu kunangwa vakali likomi valatumikira lihiga lilala kolomberaku migadi josi javaveeye najo lwa muva nimwakagilia josi, mulava nimukikiri inzara.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”