2 Avami 25:27 - KITABU KITAKATIFU

²⁷ Mu muhiga gwa Evili-Merodaki yagwa mwami wa Babiloni, yamanyia zimbavasi ku mwami Jehoyakini wi Ivuyuda ku limuvoholola kutura mu jera. Yaga gekoleka ku lidiku lia Sirini na saba liu mweli gwa komi na mbiri gwu muhiga wa salasini na saba inyima wa Jehoyakini yaali navuguliywi kuli muhambe.

2 Avami 25:27 ပူးပေါင်းရင်းမြစ်များ

Litanga 40:13

Muing'inga ya madiku gavaga, mwami alakovoholora, kandi alakusamiiha nukukwiranyia ku miyinzi jijo. Ivi ulahaana iwaini ku mwami kuli wahaanaa maziambiri lwa waalange mulindi wi waini yeeye.

Litanga 40:20

Lidiku lia kavaga, liali liu kwizuliza liivulwa liu mwami. Yalomba lilia linene ku vatumikiri veve vosi. Maku yalanga mulindi weve wi iwaini kandi mudeeki weve. Yavaleeta imbiri wa vatumikiri veve.

2 Avami 24:12

na mwami Jehoyakini, harara na mama weve, avayaayi veve, avanene veve, na vanene vi inyumba yu vwami, vihaana aveene ku vandu va Babiloni. Mu muhiga gwa munane gwi liamiiha lia Nebukadineza yaahira Jehoyakini mu vuhambe

2 Avami 24:15

Nebukadineza yaahira Jehoyakini mu Babiloni kuli umuhambe, harara na mama weve, vakali veve, vanene veve na vasaza vimiliri vosi vi Ivuyuda.

Tsing'ano 21:1

Yahova aveeye nuvunyari ku zing'anagani ziu mwami kuli yemilira inzira yu mugera.

Jeremia 22:26

Ndakuniga harara na mama woovo kuzia mu lihaminywa. Mulazia mukivala cha mutiivulwa mu mba, na vombi mulakuzira uwene yeyo.

Jeremia 28:4

Kandi ndilanyia Jehoyakini muyaayi wa Jehoyakimu mwami wi Ivuyuda, harara na avandu vosi vi Ivuyuda avaazia mu lihaminywa mu Babiloni. Yee, ndavunaga zinguru ziu mwami wa Babiloni. Inzi Yahova mali kovora.”

Jeremia 38:17

Maku ndaavolera mwami Zedekia ndi, Yahova Wuvunyali, Nyasaye wa avandu va Isiraeli, yavoola, “Niiva ulihaana mu zinguru zia avanene vu mwami wa Babiloni, hene yaho, ulava mwoyo, kandi lidaala linene yili si lilasambwa mba. Ivi harara na avandu vi inyumba yooyo mulava mwoyo.