2 Avami 25:25 - KITABU KITAKATIFU

²⁵ Navuzwa mu mweli gwa saba gwu muhiga yigwo, Ishimaeli muyaayi wa Nezania, mwisukulu wa Elishama, waali mulala ku vinyumba yu vwami, yazia Mizipa na vasaza likomi, niyingilira Gedalia nu kumwiita. Yita kandi Visiraeli na Vababilonia avaari yo harara na Gedalia.

2 Avami 25:25 ပူးပေါင်းရင်းမြစ်များ

2 Avami 11:1

Nonoho, lwa Azalia, mama wu mwami Ahazia yamanya ndi muyaayi weve ukuzi, yahaana malago ndi avinyumba yu vwami vosi kuduuka viitwi.

2 Avami 25:24

Gedalia yavavolera, “Muheezaa likuva liange ndi mutatia avanene va Babiloni mba. Mumenye mu kivala yiki, mutumikiri mwami wa Babiloni, na goosi galava malahi ku munyi.”

Jeremia 40:15

Kunangwa Johanani yamoloma kuye mu vwivisu, “Leka nzie kwita Ishimaeli, na mundu kali mulala si alamanya uwakola gene yago mba. Kigira ki avugilirwi kukwita? Yaga galakola Avayuda vosi havamali kwivungikiza nukukukumbiliza vasalane, kandi galaleta kivi ku avandu vosi vatigara mu Ivuyuda.”

Jeremia 41:1

Mu mweli gwa saba mu muhiga yigwo, Ishimaeli mwana wa Nezania mwisukulu wa Elishama, mulala ku avinyumba yu vwami kandi mulala ku vatumikiri avanene vu mwami vazia Mizipa harara numuganda gwa avandu likomi kolola Gedalia. Ing'inga lwa vaali nivaliiza chukulia harara,

Jeremia 41:2

Ishimaeli harara navandu likomi, vaavugura vivavi niviita Gedalia.

Jeremia 41:3

Ishimaeli kandi yita vandu va Isiraeli vosi avaari na Gedalia ha Mizipa na avasikari va Babiloni avaari nivaveeye hene yaho.

Zekaria 7:5

“Volera vandu vosi vi kivala kandi vasaalisi ndi lwa vahonga lilia kandi vasioma mu mweli gwa katano nu mweli gwa saba ku mihiga 70 yiji, sigali kigira kutia inzi mba.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”