2 Avami 25:21 - KITABU KITAKATIFU

²¹ mu zinzako zia Hamazi. Hene yaho, mwami yavoola vakuywi kali kuduuka ku likuza. Na vandu vi Ivuyuda vaahirwa ihale mu vuhambe kutura mu kivala chavo.

2 Avami 25:21 ပူးပေါင်းရင်းမြစ်များ

1 Avami 8:46

“Lwa vandu vovo vakokolera vwoni, kigira sihaveeyeho numundu utakola vwoni, na muvutima vuvwo oleka vasigu vaovo vavaguuti, nukuvahila kuli avahambe mu kivala kindi, kali niiva kivala kindi yicho keveeye ihale,

2 Avami 17:20

Yahova yasura avandu va Isiraeli vosi, navaha amageri, navaviika mu makono ga vasigu valulu vaavo kuduuka lwa yavatuliza mu zimoni zizie.

2 Avami 17:23

kuduuka mu limala, Yahova yaatuliza avandu va Isiraeli mu zimoni zizie, kuli yaali ni yaviganihiza kuvitira ku vatumikiri veve avaporofeti kunangwa avandu va Isiraeli vaahirwa mu vuhambe mu kivala cha Asiria, uwavakemenyi kuduuka lero.

2 Avami 23:27

Yahova yavoola, “Ndakora ku vandu vi Ivuyuda aga mali kokora ku vandu va Isiraeli: Ndatuliza avandu vi Ivuyuda imbiri wange, na ndasuura Jerusalemi, lidaala linene lia ndatovora, kandi Litembeli lia ndavoora lilava havundu ha sigamirwa.”

2 Avami 24:15

Nebukadineza yaahira Jehoyakini mu Babiloni kuli umuhambe, harara na mama weve, vakali veve, vanene veve na vasaza vimiliri vosi vi Ivuyuda.

Jeremia 16:13

Kunangwa, ndamusiuva ichova wikivala yiki, kivala chamunyi anoho avaguuga vinyu vavura kumanya. Weneyeyo namutumikiri avanyasaye vandi mbasu na vudiku, kandi sinambeku ni zimbavasi kumunyi mba.’ ”

Jeremia 52:27

mukivala cha Hamazi. Hene yaho, mwami yalaga vakuywi ma viitwi. Kunangwa avandu vi Ivuyuda vaahirwa ihale mu vuhambe kutura mukivala chavo.

Lisyoma lya Jeremia 4:16

Yahova mwene umali kuvasalanyia, sialavaganagana ku kandi mba; Avasaalisi si vahevwa uluyali mba kandi avakulundu sivayaanzirirwa mba.

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Amosi 5:27

Kunangwa, ndakamuhili mu vuhambe mu kivala keveeye engereka wi lidaala linene lia Damasiko.” Yahova wi lieta lilie liveeye Nyasaye Wuvunyali avoora.

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.

Kwidzulitsa 29:27

Kunangwa vutima vwa Yahova vulava ku kivala chavo, nokoleta kucho maduywa givilaamo viosi iviang'odwa mu kitabu yiki.

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.