2 Avami 25:11 - KITABU KITAKATIFU

¹¹ Hene yaho, munyabara waali mwimiri wi liihi lia Nebukadineza yavugula avandu vaali ni vatigaye mu lidaala linene vosi naavahira Babiloni mu kivala cha vahambe; vaali harara na vasaza avaari ne limanya linene, avasiza na avatuli.

2 Avami 25:11 ပူးပေါင်းရင်းမြစ်များ

2 Kyetsinyinga 36:20

Yaahira mu vuhambe yavo vosi avaahononoka mu Babiloni yavo vosi avaari ni vahononoki kutura ku kivavi; na vaagwa avatumikiri veve kandi avi kisukururwi chiche kuduuka lwu vwami vwa Pasia vwatanga kwamiiha.

Ezara 2:1

Yava nivo avandu vi kivala avaatura mu lihaminywa, avu Mwami Nebukadineza yaali naahiri Babiloni mu kivala chi lihaminywa. Viirana Jerusalemi kandi Ivuyuda vuli mundu yazia mu kadaala keke.

Zaburi 144:14

Zing'ombe zietu ziivulane muvunyingi ligali vugira lilogosa anoho uvudinyu, kandi litavaho ni lilira lie linyang'ana mu madaala giitu mba.

Jeremia 32:28

Ndahaana lidaala linene yili ku mwami Nebukadineza wa Babiloni harara ni liihi lilie, kandi valaligumira.

Jeremia 39:9

Mu limaliriza, Nebuzaradani munyabara wa avalindi yavugula avandu vaali nivatigaye mu lidaala, harara na avandu vaali nivamwiruki naavahira mu lihaminywa mukivala cha Babiloni.

Jeremia 52:12

Ku lidiku lie likomi, mweli gwakatano, mu muhiga gwa 19 gwi liamiiha liu mwami Nebukadineza wa Babiloni, Nebuzaradani mwani wi zing'anagani wu mwami kandi mwimiliri wi liihi lilie, yaza Jerusalemi.

Jeremia 52:15

Maku Nebuzaradani yavugula avandu vaali nivatigaye mu lidaala linene, avasaza vatigara avaari ne limanya linene, avasiza na avatuli kandi yavo avaari niviluki kutura ku mwami wa Babiloni, naavahira mu lihaminywa.

Jeremia 52:30

kandi mumuhiga gwigwe gwa 23 Nebuzaradani yaahira avandu 745. Vosi harara avahilwa mulihaminywa vaali avandu 4,600.

Ezekieli 12:11

Uvavoolere ndi, aga umali kokora nikelolero ku agaza gekoleke kuvo. Navazie mulihaminywa kuli avatugwa.

Ezekieli 17:21

Avasikari veve avalahi vosi valitirwa mu liihi, nayavo avalihona valakasalanywe havundu hoosi. Maku mulakamanye ndi inzi Yahova mali kovora.”

Ezekieli 5:2

Lwi likumberiza lie lidaala lihera, uvuguli kedonye chukutanga ma ukisambiri hagati hi lidaala zana yili. Uvuguli kedonye chakaviri okikalanyie ni kivavi lwa ovodongana ichova wi Lidaala yili. Usalanyie kedonye cha kavaga kunangwa imbuza iduuki kukiduminya, na ndakelondelera ni kivavi change.

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.