2 Avami 25:1 - KITABU KITAKATIFU

¹ Mu muhiga gwa tisa gwi liamiiha liu mwami Zedekia, mu mweli gwi likomi, ku lidiku lie likomi; Nebukadineza mwami wa Babiloni yaza harara na vasaza vi liihi lilie vosi kwingilira Jerusalemi, ni valikumbiriza, ni vumbaka amahema gu vulwani ku zinduru zia Jerusalemi.

2 Avami 25:1 ပူးပေါင်းရင်းမြစ်များ

2 Avami 24:1

Lwa Jehoyakimu yaali mwami wi Ivuyuda, mwami Nebukadineza wa Babiloni yingilira kivala chi Ivuyuda, ku mihiga givaga, Jehoyakimu yanigwa kuva haasi hu vwamihi vwa Nebukadineza, maku, ni yibaala.

2 Avami 24:10

Yaali mu ing'inga yi liamiiha lia Jehoyakini lwa vanene vu mwami Nebukadineza valaga liihi lia Babiloni kwingilira nu kukumbiriza Jerusalemi.

2 Avami 25:2

Lidaala linene yili liakumberizwa kuduuka mu muhiga gwa kumi na moja gwi liamiiha liu mwami Zedekia.

2 Avami 25:8

Ku lidiku lia saba, mweli gwa katano, mu muhiga gwa kumi na tisa gwi liamiiha liu mwami Nebukadineza wa Babiloni; Nebuzaradani waali muhaani wiziganagani wu mwami kandi uwaali mwimiliri wi liihi, yaza mu Jerusalemi.

1 Kyetsinyinga 6:15

Mwami Nebukadineza yahaminya Jehozadaki kumuhila mu vuhambe harara na avandu vandi vi Ivuyuda na Jerusalemi ava Yahova yaahira mu vuhambe.

2 Kyetsinyinga 36:11

Zedekia yaali ni mihiga 21 lwa yaatanga kwamiiha kuli mwami wi Ivuyuda, ma yamiha mu Jerusalemi ku mihiga 11.

Isaya 29:3

Nyasaye alingilira lidaala linene alalikumbiriza nu kuduywa.

Jeremia 21:2

“Nuyanza okomolomere ku Yahova, kigira mwami Nebukadineza harara ni liihi lilie vakumbiriza lidaala. Hawundi Yahova alakokolera kilala ku vilolekizu vivie na akole Nebukadineza aleke.”

Jeremia 27:8

“Navuzwa niiva ihiiri yoosi anoho uvwami vwosi si vulatumikira Nebukadineza mwami wa Babiloni, kandi niiva si valamutia nu kwegehiza imbiri weve, inzi Yahova ndahaana amageri ku ihiiri yeyo mu liihi, ninzara enene kandi nuvulwaye kuduuka lwa mwami Nebukadineza avadiviza ligali.

Jeremia 32:1

Yahova yamoloma ninzi mu muhiga gwi Likomi lwa Zedekia yaali mwami wi Ivuyuda, yigu gwaali kandi muhiga gwa 18 lwa Nebukadineza yaali mwami wa Babiloni.

Jeremia 32:2

Ing'inga yene yeyo iliihi liu mwami wa Babiloni lilakumberiza kandi lingilira Jerusalemi, na inzi Jeremia ndaakorwa muhambe mu mugizi gwi inyumba yu mwami wi Ivuyuda.

Jeremia 32:24

“Avandu va Babiloni vamali kwumbaka vitumi kukumbiriza lidaala linene kandi kuligumira nu kulingilira. Liihi, inzara enene kandi vulwaye vilalomba lidaala linene yili kuva mu zinguru zia avandu va Babiloni. Goosi aga walaga gamali kuduukizwa.

Jeremia 32:28

Ndahaana lidaala linene yili ku mwami Nebukadineza wa Babiloni harara ni liihi lilie, kandi valaligumira.

Jeremia 4:17

navalakumbiriza Jerusalemi kuli avasaza valindanga umulimi kigira avandu vaavo vamali kwibaala ku Yahova. Yahova umali kovora.

Jeremia 43:10

Maku uvavoolere ndi inzi, Yahova Wuvunyali, Nyasaye wa Isiraeli, nziza koleta mutumikiri wange mwami Nebukadineza wa Babiloni havundu yaaha. Alaviika uvwami vwivwe kumagina yaga agumali kuyavira, kandi alakunika lihema liu vwami kugo.

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Jeremia 51:34

Nebukadineza, mwami wa Babiloni amali kwononyia Lidaala linene lia Jerusalemi kandi kuliduvuranyia. Alikoli kuva hazwa kuli ikiju; alamili vugara kuli ogoyoka ogonene. Avuguyi viosi via yenya kandi asiuvi ivindi viosi vitigaye ihale.

Jeremia 52:1

Zedekia yaali ni mihiga 21 lwa yagwa mwami wi Ivuyuda, na yamiha mu Jerusalemi ku mihiga 11. Mama weve yaali Hamutali, mukaana wa Jeremia kutura mu lidaala linene lia Libuna.

Jeremia 6:3

avami valaza yo harara na mahi gaavo. Valakumbake amahema gaavo agaza gakumbirizi lidaala, navuli mundu samulala namenye humwoyo gwigwe guyaanzaa.

Ezekieli 21:14

“Kalunu, Mwana wu Mundu, oporofete. Ukubage makono googo na kivavi kilatema haali kanyingi. Keveeye kivavi chitaa kitihizaa, kandi kisinzaa.

Ezekieli 26:7

Yahova Wuvunyali avoora, “Nziza koleta Mwami Munene kuvami vosi, Mwami Nebukadineza wa Babiloni kwingilira vandu va Tiro. Na yaze kutura Ivaale ni liihi linene, ni zibarasi, namagare gu vulwani kandi ni miganda ja vandu.

Ezekieli 40:1

Ku lidiku lie 10 liu muhiga muhia ugwali muhiga gwa 25 kutura nikuhilwa mu lihaminywa, kandi muhiga gwi 14 inyima wi lidaala lia Jerusalemi liali niliakagumilwa. Kulidiku yilio ndaahulira zinguru zia Yahova niziveeye ku inzi, kandi niyang'inga nambira ihale.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”

Kwidzulitsa 28:52

Valamumbiriza nukumumwingilira mu vuli lidaala mu kivala cha Yahova Nyasaye winyu amuhezaa. Amadigi matambi gi zingaga aga mulisuuvira galagwa.