2 Avami 24:2 - KITABU KITAKATIFU

² Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

2 Avami 24:2 ပူးပေါင်းရင်းမြစ်များ

2 Avami 20:17

ing'inga yiza lwi vindu viosi munyumba yooyo yu vwami, vindu viosi via vaguuga vovo vaali ni vamala kuviika kuduuka lero, vilagingwa nu kuhilwa Babiloni. Si halava ni kilitigala mba.

2 Avami 22:16

amakuva ago kutura ku Yahova: “Nziza kuhaana umageri ku Jerusalemi harara na vandu vamenyi mu vosi, kuli gang'odwa mu kitabu chu mwami amali kosoma.

2 Avami 23:27

Yahova yavoola, “Ndakora ku vandu vi Ivuyuda aga mali kokora ku vandu va Isiraeli: Ndatuliza avandu vi Ivuyuda imbiri wange, na ndasuura Jerusalemi, lidaala linene lia ndatovora, kandi Litembeli lia ndavoora lilava havundu ha sigamirwa.”

2 Avami 6:23

Kunangwa mwami wa Isiraeli yavalombera lilia linene; na inyima wa vaali ni vakalia nu kunwa, yavatuma viirane ku mwami wa Siria. Kutura ing'inga yeyo, kuzia imbiri, Vasiria valekera lingilira nu kulwaana kivala cha Isiraeli.

2 Kyetsinyinga 33:11

Kunangwa Yahova yaleka avanene vi liihi kwingilira kivala chi Ivuyuda. Vagumira Manase, nivatoza zindoani nu mu muulu geege, nivamuvoha niminyororo ju mugasa, ma nivamuhila Babiloni.

Ayubu 1:17

Lwa yaali nakikiri kumala limoloma, mutumikiri wundi yaza navoora, “Viduma vivaga via Vakalidea vakunuuyi zing'amia, kandi viiti avatumikiri vovo vosi nikivavi nitali inzi nzieng'ine niyie ohoni nzize kokovoolera amakuva!”

Isaya 13:5

Amahi yaga galaaza kutura mu kivala chihale, kali kutura ku keheri chi lirova. Yahova alaza nu vutima harara ni viugi vivie kudiviza kivala choosi.

Isaya 28:19

Kilamuduya vuli ing'inga, vuli mugamba. Kuduuka mwikuziri kucho mbasu nuvudiku. Vuli likuva lihia kutura ku Nyasaye lilakaleete uvutihizi vonene!

Isaya 7:17

“Yahova azizaa koleta ku ivi, ku vandu vovo, kandi ku vosi avinyumba yu vwami madiku gi kivi kidamanu ligali kuvita yago agamala kuduuka kutura uvwami vwa Isiraeli nivwavukanywa kutura ku Ivuyuda - azizaa koleta mwami wa Asiria.

Jeremia 12:9

Avandu vange vatovole vaveeye kuli linyonyi limali kwingilirwa kuzimbega ziosi na mave. Mulange zinyama ziumbulimu ziizi musange mulisavo!

Jeremia 25:1

Mu muhiga gwa kane ing'inga ya Jehoyakimu mwana wa Josia yaali mwami wi Ivuyuda, ndaanyoora likuva kutura ku Yahova kigira avandu vosi vi Ivuyuda. Yigu gwaali muhiga gwu kutanga lwa Nebukadineza yaali mwami wa Babiloni.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 26:20

Uria mwana wa Shemaya kutura Kiriazi-Jearimu yaali umundu wundi waporofeta mulieta lia Yahova; yaporofeta makuva malala mere ku lidaala yili ni kivala yiki kuli Jeremia yaali naporofeti.

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 32:28

Ndahaana lidaala linene yili ku mwami Nebukadineza wa Babiloni harara ni liihi lilie, kandi valaligumira.

Jeremia 35:11

Navuzwa lwu mwami Nebukadineza yingilira kivala, kwatovola kuzia Jerusalemi kove ihale kutura ku avilihi va Babiloni na Siria. Yiki nicho kigira komenyaa mu Jerusalemi.”

Jeremia 52:28

Yili nilivaliza lia avandu va Nebukadineza yaahira muvuhambe: Muliamiha lilie liu muhiga gwa saba yaahira avandu 3,023;

Lisyoma lya Jeremia 1:17

Muporofeti avoora: “Avandu va Ziyoni vaanyiira makono gaavo valeminywe mwoyo, navuzwa si yaliho mundu waali anyala kuvaleminya mwoyo mba. Yahova amali kulaga ndi visukululwi via Yakobo vave avasigu vaavo. Jerusalemi imali kugwa kindu kifunyaa vugundu hagati haavo.”

Ezekieli 19:8

Maku zihiiri ziamutega mitego mu zimbega ziosi; vamukunika eneti kandi vamanya nagumirwa mu liliina liavo.

Ezekieli 23:23

Ndaleta avandu va Babiloni vosi, kandi avandu va Kalideli, avasaza kutura Pekodi, Shoa na Koa, kandi na avandu va Asiria vosi. Ndavungiza harara vasoleri vosi avanene vi ligondi lilahi ligali kandi avamihi, avasikari na vanene vandi vosi vi zibarasi avaveeye nu luyali.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Habakuk 1:6

Nziza kuhaana zinguru ku vandu va Babiloni, avandu valulu, vataveeye ni lisosa. Vagenda ni kivigu mu kivala nu kuguuta vwami vundi.