2 Avami 24:14 - KITABU KITAKATIFU

¹⁴ Nebukadineza yaahira avandu va Jerusalemi mu vuhambe, avayaayi vosi vi inyumba yu vwami, na vasaza aviimiliri vosi, avandu zielefu likomi. Kandi yavugula avayinziri vi limanya linene harara na vasiza na vatuli, navuzwa natigaliza inyima avandu vaali vadaka ligali mu kivala chi Ivuyuda.

2 Avami 24:14 ပူးပေါင်းရင်းမြစ်များ

2 Avami 24:16

Nebukadineza yaavugula kuzinguru avandu vanene vosi avaari ni limanya linene, navahira mu Babiloni. Avandu kutura Ivuyuda vosi vaali zielefu saba, na avayinziri elefu indala avaari ni limanya linene, harara na vasiza na vatuli. Avandu yava vosi, vaali avasaza vaduukana kuzia mu vulwani.

2 Avami 25:12

Navuzwa yaleka Ivuyuda avandu valala avaari vadaka ligali, avataali ni miandu, navavika kuyinzira mu milimi je mizabibu.

1 Kyetsinyinga 9:1

Vandu va Isiraeli vosi vang'odwa kolondekana ku zinyumba ziavo, na amakuva gaavo gang'odwa mu Kitabu cha Vami va Isiraeli. Avandu vi Ivuyuda vaali ni vahaminyiywi kuzia Babiloni mu kivala chu vuhambe, kuli amageri kigira uvwoni vwavo.

Ezara 2:1

Yava nivo avandu vi kivala avaatura mu lihaminywa, avu Mwami Nebukadineza yaali naahiri Babiloni mu kivala chi lihaminywa. Viirana Jerusalemi kandi Ivuyuda vuli mundu yazia mu kadaala keke.

Nehemia 1:2

Hanani, mulala ku avamwavo vange yaazaa kutura Ivuyuda harara nu muganda gwa avandu vandi, na ndavateveleriza amakuva ga Vayuda vaatigara, avahononoka kutura ku liadikizwa. Ma kandi amakuva ga Jerusalemi.

Esther 2:6

Lwu mwami Nebukadineza wa Babiloni yavugula mwami Jehoyakini wi Ivuyuda kuzia mu vuhambe kutura jerusalemi, harara numuganda gwa vahambe, Modekai yaali mulala kuvo.

Isaya 3:2

avasaza vaduukiru kandi avasikari vaavo, avakalagi kandi avaporofeti vaavo, avasigitiri kandi avakulundu vaavo,

Jeremia 27:20

via Nebukadineza mwami wa Babiloni yavula kuvugura lwa yaahira Jehoyakini mwana wa Jehoyakimu mwami wi Ivuyuda, harara na aviimiliri vosi vi Ivuyuda kandi Jerusalemi mu lihaminywa kutura Jerusalemi kuzia Babiloni.

Jeremia 28:4

Kandi ndilanyia Jehoyakini muyaayi wa Jehoyakimu mwami wi Ivuyuda, harara na avandu vosi vi Ivuyuda avaazia mu lihaminywa mu Babiloni. Yee, ndavunaga zinguru ziu mwami wa Babiloni. Inzi Yahova mali kovora.”

Jeremia 29:2

Ndaang'oda Ibarwa yiyi inyima wu mwami Jehoyakini na mama weve, harara na avanene vi inyumba yu vwami, aviimiliri vi Ivuyuda kandi Jerusalemi, avasiza na avaturi vaali nivahiliywi mu vuhambe mu Babiloni.

Jeremia 39:10

Yaleka avandu vaali avadaka mukivala chi Ivuyuda, avataali ni kindu kali kilala; kandi yavaha milimi ji mizabibu kandi milimi.

Jeremia 40:7

Aviimiliri valala vi Ivuyuda na avasikari vaali nivakikiri kwihana ku vandu va Babiloni. Kunangwa vahulira ndi mwami wa Babiloni amali kokora Gedalia umwamihi wi kivala kandi amukoli kuva mwamihi wa yavo vosi avavura kuhilwa Babiloni, avandu vaali avadaka ligali vi kivala yicho.

Jeremia 52:16

Navuzwa yaleka mu Ivuyuda avandu valala avaari avadaka ligali, avataveeye ni miandu, naavavika kuyinzira mu milimi ji mizabibu.

Jeremia 52:28

Yili nilivaliza lia avandu va Nebukadineza yaahira muvuhambe: Muliamiha lilie liu muhiga gwa saba yaahira avandu 3,023;

Ezekieli 17:14

Kunangwa akole zihiiri zivuli kuhingira kandi kolola ndi lilagana liduukizwi.

Ezekieli 17:3

kunangwa vaduuki kumanya aga inzi Yahova Wuvunyali mboraa kuvo: Yaliho Indizu enene ligali na mavaha malahi ligali kandi zimbaha zindambi ligali ziavambuka. Indizu yiyi yaaburuka nizia ku vigulu via Lebanoni kandi nivunaga endongozi yu musaala gwu mudaragwa,

Matayo 1:11

Josia yivula Jekonia na avamwavo veve. Yaali ing'inga ya Vayuda vaahirwa mu vuhambe mu Babiloni.

Matayo 1:12

Inyima wa Vayuda kuhilwa mu vuhambe mu Babiloni, Jekonia yivula Shelatieli; Shelatieli; yivula Zerubabeli,

Matayo 1:17

Kunangwa, goosi gaali amakura komi na ine kutura ku Aburahamu kuduuka ku Daudi, kandi amakura komi na ine kutura ku Daudi kuduuka ku ing'inga lwa Vayuda vaahirwa mu vuhambe mu Babiloni, na amakura komi na ine kutura ing'inga yu kuhilwa mu vuhambe kuduuka ku ing'inga ya Mesia.

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.

1 Samweli 13:19

Sihaaliho na vatuli vi viuzi mu kivala cha Isiraeli kigira avandu va Filisitia vakora zinguru kwigalira vandu va Isiraeli kolomba vivavi na matimu.