2 Avami 24:12 - KITABU KITAKATIFU

¹² na mwami Jehoyakini, harara na mama weve, avayaayi veve, avanene veve, na vanene vi inyumba yu vwami, vihaana aveene ku vandu va Babiloni. Mu muhiga gwa munane gwi liamiiha lia Nebukadineza yaahira Jehoyakini mu vuhambe

2 Avami 24:12 ပူးပေါင်းရင်းမြစ်များ

2 Avami 20:18

Valala ku visukululwi vovo vene va wiivula, valahirwa ihale kandi kokolwa viziri vukutumika munyumba yu mwami wa Babiloni.”

2 Avami 24:11

Ing'inga ye likumbiriza, Nebukadineza mwene yaza Jerusalemi,

2 Avami 25:27

Mu muhiga gwa Evili-Merodaki yagwa mwami wa Babiloni, yamanyia zimbavasi ku mwami Jehoyakini wi Ivuyuda ku limuvoholola kutura mu jera. Yaga gekoleka ku lidiku lia Sirini na saba liu mweli gwa komi na mbiri gwu muhiga wa salasini na saba inyima wa Jehoyakini yaali navuguliywi kuli muhambe.

2 Avami 25:8

Ku lidiku lia saba, mweli gwa katano, mu muhiga gwa kumi na tisa gwi liamiiha liu mwami Nebukadineza wa Babiloni; Nebuzaradani waali muhaani wiziganagani wu mwami kandi uwaali mwimiliri wi liihi, yaza mu Jerusalemi.

2 Kyetsinyinga 36:10

Ing'inga yi imbura yu kutanga mu muhiga, lwa Jehoyakini yaali mwami Nebukadineza yaahira Jehoyakini mu Babiloni muvuhambe, kandi navugura viju viu vuguli vwigulu kutura mu mavikiru gi Litembeli lia Yahova. Maku Nebukadineza yavika Zedekia amwavo Jehoyakini kuva mwami wi Ivuyuda na Jerusalemi.

Esther 2:5

Kunangwa yaali ho mu lidaala linene lia Susa, Umuyuda uwalangwa Modekai, muyayi wa Yairo. Yaatulaa mu ihiiri ya Benjamini, na yaali kisukururwi cha Kishi na Shimei.

Esther 2:6

Lwu mwami Nebukadineza wa Babiloni yavugula mwami Jehoyakini wi Ivuyuda kuzia mu vuhambe kutura jerusalemi, harara numuganda gwa vahambe, Modekai yaali mulala kuvo.

Isaya 24:6

Kunangwa Nyasaye umali kulandiza kilaamo ku lirova. Avandu valio vasalira kigira uvudamanu vwa mali kokora. Avamenyaa ku lirova vagehaa. Yee, avatigaye mwoyo ni vakekeeke vuzwa.

Jeremia 13:18

Yahova yambolera, “Ovolere umwami harara na mama weve vatuli kondeve yu vwami vwavo, kigira zitaji ziavo zindahi zimali kugwa hasi kutura ku mitwi jaavo.

Jeremia 24:1

Yahova yamanyia vihinda viviri via Makuyu ni viviikiywi imbiri wi Litembeli. Yaga gaali lwu mwami Nebukadineza wa Babiloni yaali ni yakahila mwami Jehoyakini wi Ivuyuda, mwana wa Jehoyakimu kuli umuhambe kutura Jerusalemi kuzia Babiloni, harara na aviimiliri vi Ivuyuda, na avasiza kandi avaturi vi miyinzi.

Jeremia 25:1

Mu muhiga gwa kane ing'inga ya Jehoyakimu mwana wa Josia yaali mwami wi Ivuyuda, ndaanyoora likuva kutura ku Yahova kigira avandu vosi vi Ivuyuda. Yigu gwaali muhiga gwu kutanga lwa Nebukadineza yaali mwami wa Babiloni.

Jeremia 27:20

via Nebukadineza mwami wa Babiloni yavula kuvugura lwa yaahira Jehoyakini mwana wa Jehoyakimu mwami wi Ivuyuda, harara na aviimiliri vosi vi Ivuyuda kandi Jerusalemi mu lihaminywa kutura Jerusalemi kuzia Babiloni.

Jeremia 36:30

Kunangwa, kalunu inzi Yahova, mboraa ku ivi mwami Jehoyakimu ndi, sihalavaho ni kisukururwi chicho kali kilala kiliamiiha ku vwami vwa Daudi mba. Ulakuza na muviri gugwo gulasuvwa havundu hu luya lidiku liosi kandi gulazilira mu ing'inga yu vudiku.

Jeremia 37:1

Mwami Nebukadineza wa Babiloni yakola Zedekia mwana wa Josia kuva mwami wi Ivuyuda mu vogono vwa Jehoyakini mwana wa Jehoyakimu.

Jeremia 52:12

Ku lidiku lie likomi, mweli gwakatano, mu muhiga gwa 19 gwi liamiiha liu mwami Nebukadineza wa Babiloni, Nebuzaradani mwani wi zing'anagani wu mwami kandi mwimiliri wi liihi lilie, yaza Jerusalemi.

Jeremia 52:28

Yili nilivaliza lia avandu va Nebukadineza yaahira muvuhambe: Muliamiha lilie liu muhiga gwa saba yaahira avandu 3,023;

Jeremia 52:31

Mu muhiga gwa Evili-Merodaki yagwa mwami wa Babiloni, yamanyia zimbavasi ku mwami Jehoyakini wi Ivuyuda ku limuvoholola kutura muvuhambe. Yaga gekoleka ku lidiku lia 25 liu mweli gwa 12 gwu muhiga wa 37 inyima wa Jehoyakini yaali navuguliywi kuli muhambe.

Ezekieli 1:2

Gwaali muhiga gwa katano lwu mwami Jehoyakini yaali nahiliywi mu lihaminywa.

Ezekieli 17:12

“Oteeve avandu vukwibaara yava ndi: munyi mwamanya lugano yilu chalovoolaa? Uvavoolere ndi, Mwami wa Babiloni yaza Jerusalemi ma navugura Mwami harara navatumikiri veve navahira Babiloni.

Ezekieli 17:4

yagivugula nigihira mu kivala chu kukiranyia, ma ngiviika mu lidaala lia vakiranyi.

Ezekieli 19:1

Yahova yambolera nyimbiri aviimiliri vaviri vavandu va Isiraeli lwimbu lwovovereri yilu:

Ezekieli 19:13

Kalunu gwatagwa muchangalangwe, havundu ahumu kandi kivala kitaveeyemu na mazi.

Kwidzulitsa 28:36

“Yahova alamuhila harara nu mwamihi munene winyu mukivala kegeni, uwa munyi anoho avaguuga vinyu vavura komenya maziambiri. Uwene yeyo, mulasigamira avanyasaye vavaazwa ku misaala namagina.