2 Avami 23:8 - KITABU KITAKATIFU

⁸ Josia yaleeta mu Jerusalemi avasaalisi vosi kutura mu madaala manene goosi gi Ivuyuda kandi ni yononyia uvwali vwavo vwosi, kutura Geba kuduuka Beerisheba; kandi yasambulanyia hukusigamira haali mu vilivwa aha avasaalisi yavo vaali ni vasambira kimuli. Yasambula uvwali vwa mademoni gi imburi vwali himbi nu vwingiliru vwingira kuduuka ku kirivwa chumbakwa na Joshua waali mwami wi lidaala linene liali ku mukono mumosi gwi kirivwa kinene nu wingiraa mulidaala.

2 Avami 23:8 ပူးပေါင်းရင်းမြစ်များ

Litanga 21:14

Mugambazuri lidiku lilondaku Aburahamu yaaha Hagari iviukulia kandi ne ndoho ya mazi niyizuuyi du. Yamuviikira umwana kumugongo kandi namukunga. Yatura ma nagendagenda mwigendanyama lia Beerisheba.

Litanga 21:31

Kunangwa havundu yaho halangwa Beerisheba, kigira niho ahavandu vaviri yavo valomba liesuuha.

Litanga 26:23

Isaka yatura nazia Beerisheba.

1 Avami 15:22

Maku mwami Asa yatuma lilago mu kivala choosi chi Ivuyuda niyenyaa avandu vosi, vugira koleka mundu kali mulala, kuzia kokonyana kuginga amagina ya Rama, kandi zimbaho zio mwami Baasha yaali natumikira kuliumbakira lidaala yilio imbinga. Mwami Asa yatumikira vindu yivi kwumbaka imbinga ya Mizipa na Geba, lidaala linene mu kivala cha Benjamini.

1 Avami 19:3

Elija yatia ligali, ma niyiruka kigira livamwoyo lilie; yavugula mutumikiri weve kandi nazia Beerisheba mu Ivuyuda. Yaleka mutumikiri weve wene yeyo,

1 Kyetsinyinga 6:60

Mukivala cha Benjamini vahevwa madaala yaga harara nu vwayiru vwa go: Geba, Alemezu kandi Anazozi. Madaala goosi gaali likomi na gavaga ga vi zinyumba ziavo ziosi vahevwa komenya mu.

Isaya 10:29

Vamali kwambuka inyambuku, na vaziiye konyoora lisosa lia vudiku ha Geba! Avandu mu lidaala lia Rama vaveeye nu vuti, kandi avandu mu lidaala lia Gibea liu mwami Saolo vamali kwiluka.

Ezekieli 44:10

Yahova yambolera, “Ndahaana mageri ku vandu va Levi yavo harara na vandu va Isiraeli vosi, avaandeka ni vazia kusigamira vifananyi.

Amosi 5:5

Navuzwa mutenya Bezeli, kandi mutazia Giligali anoho mutazia Beerisheba; kigira lidaala lia Giligali lilazia lihaminywe na Bezeli lilatigala iliele.”

Zekaria 14:10

Losoma lwosi kutura Geba kolovega lwi Ivaale wa Rimoni kolovega lwi Isavaalu vilakaleng'anywe. Jerusalemi ilakave igulu wi kivala cha kikumbeliza; lidaala liene yili lilakatuli mu kirivwa cha Benjamini kuduuka ha kirivwa chu mukoona, hi kirivwa kindi chaalange; kandi hu munara gwa Hananeli kuduuka ha vaminiraa iwaini yu vwami.

Joshua 18:24

Kefaramoni, Ofini, na Geba; yaga na madaala manene komi na mbiri harara na madaala gago agagakumbiriza.

Joshua 21:17

Vahevwa kandi madaala manene gane kutura mu kivala cha Benjamini. Madaala yaga gaali: Gibeoni, Geba,

Vakalagi 20:1

Avandu vosi va Isiraeli kutura Dani kolovega lwi ivaale kuduuka Beerisheba kolovega lwi savaalu, kandi kutura mu kivala cha Gileadi kolovega lwi vugwi vahulira umulango. Viivungikizana harara ha Mizipa.