2 Avami 23:5 - KITABU KITAKATIFU

⁵ Yaatuliza ho avasaalisi vosi va vami vosi vi Ivuyuda vaali ni vaviika, kuhaana visiuviliru ku vwali vwa vandu vatamanyi Yahova Nyasaye mu madaala manene gi Ivuyuda kandi muvivala iviali himbi na Jerusalemi - avasaalisi vosi avahaana visiuviliru ku Baali, ku liuva, mweli, kandi zing'ereng'ani kandi ku vindi viosi viu muvwerefu.

2 Avami 23:5 ပူးပေါင်းရင်းမြစ်များ

2 Avami 21:5

Mu migizi giviri je Litembeli, yumbaka uvwali vwu kusigamira zing'ereng'ani.

2 Kyetsinyinga 33:3

Yumbaka vuhia havundu hukusigamira misambwa aha baba weve Hezekia yaali niyasambula. Yumbaka kandi uvwali mu Litembeli kigira lisigamira lia Baali, kandi nalomba vifananyi viu munyasaye wikikali Ashera; kandi nasigamira zing'ereng'ani.

2 Kyetsinyinga 34:4

Yahaana amalago ku vasaza vanene veve kusambulanyia uvwali ha vandu ha vasigamira Baali, kandi nasambura uvwali vwi vimuli ahimbi navwo. Kandi yaduvulanyia vifananyi viu munyasaye wi kikali Ashera harara ni vifananyi vindi viosi, navugura luguchi lwavio nalusalanyia ku virindwa via vandu vahaana visiuviliru kuvio.

Ayubu 38:32

Ivi unyala kwimilira zing'ereng'ani zilangangwa ‘Mazarozi’ mu ing'inga yazio, anoho unyala kwimilira zing'ereng'ani zilangwa Beari harara na vana vazio?

Ezekieli 8:6

Nyasaye yambolera, “Mwana wu Mundu, ololaa agekolekaa? Henza ku vindu viukuvihiliriza yivi via vandu va Isiraeli vakora hano, kongola kuzia ihale ligali kutura hatakatifu hange. Ulalola kali vindu viukuvihiliriza vinyingi kuvita yivi.”

Hosea 10:5

Avandu vamenyi mu lidaala lia Samaria valava nuvuti kandi valasioma kigira igiriki yu mugasa ha Bezaveni. Yavo harara na avasaalisi vatumikira kifananyi valagilirira kigira uvukumi vumali kutulizwa kuyo.

Zefania 1:4

“Ndakahaane mageri ku vandu va Jerusalemi halalani Ivuyuda. Ndakonogonyie vandu vosi avasigamiraa Baali. Sialakaveho nu mundu kali mulala ulakizulirizi avasaalisi vi vifananyi avatumikiraa Baali mba.