2 Avami 23:4 - KITABU KITAKATIFU

⁴ Hene yaho, mwami Josia yavolera Hilicha, musaalisi munene, avasaalisi valondi veve, na vasikari vu kulinda avaari ku miyinzi ha vwingiliru vwi Litembeli valeete ichova wi Litembeli iviju viosi iviatumikaa mu lisigamira lia Baali, viu munyasaye wi kikali Ashera, kandi zing'ereng'ani. Mwami yasambira iviju yivi viosi ichova wi lidaala linene lia Jerusalemi ahimbi ni Livona lia Keduroni, na yaahira lligoke liavio Bezeli

2 Avami 23:4 ပူးပေါင်းရင်းမြစ်များ

2 Samweli 15:23

Avandu vosi vaalira nu mwoyo munene lwa avalondi va Daudi vaatura mu lidaala. Mwami Daudi yambuka mugera gwa Kidironi, naalondwa na avasaza veve, kandi vosi harara vazia kunzira izizaa mwigendanyama.

1 Avami 12:29

Yasingiriza kilala ku vimoli vigiriki viezahabu mu Bezeli na kindi mu Dani.

1 Avami 15:13

Yaatuliza guuku weve Maaka kutura mu vogono vwivwe kuli mwami wikikali - kigira yaali naalombi kifananyi cha manyego chu munyasaye wikikali wu lwivulu Ashera. Asa yaatemanyia kifananyi zana kandi nakisambira mu livona lia Kidironi.

1 Avami 16:31

Siyakola vuzwa vwoni kuli vwo mwami Jeroboamu; navuzwa yaavitilira naleta Jezebeli mukaana wu mwami Ezibaali wa Sidoni, ma natanga lisigamira Baali.

1 Avami 18:19

Kalunu laga avandu vosi va Isiraeli vaagane ninzi ha kiguru cha Karimeli. Leeta vaporofeti va Baali 450 kandi vaporofeti 400 vumunyasaye wikikali Ashera avakonywa na Jezebeli mukali woovo.”

1 Avami 18:26

Vaavugura igiriki ya valeetelwa, nivagelomba, kandi nivasaara ku Baali kutura mugambazuri kuduuka mbasu hagati. Vahanzuka nivavoora, “Kutivuliri Baali!” Kandi nivazizagilira kuvina nivavodong'ana vwali vwa vaali nivumbaki. Navuzwa litivuli kali lilala siliaza mba.

1 Avami 18:40

Elija yalaga, “Gumira avaporofeti va Baali; mutaleki mulala kuvo yiruki mba!” Avandu vavagumira vosi na Elija yaavimilira kusulunguta ku mugera gwa Kishoni, navitira yo.

1 Avami 19:18

Nitali ndaleka vandu zielefu saba mu Isiraeli, yavo vosi vaveeye vasuuvirifu ku inzi kandi sivayinamira Baali anoho kuvuusa kifananyi chiichemba.”

2 Avami 10:26

Vatuliza ichova munara mutakatifu ugwali mu, kandi ni vagusamba.

2 Avami 12:10

Lwa valora haali ho na mabese manyingi nigaveeye mu lisandugu, mung'odi wu mwami nu Musaalisi Munene vaza kandi vavaliza mabese agaali ni galeteywi mu Litembeli ma vagaviika mu misigo.

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 21:3

Yumbaka kandi havundu hu kusigamira misambwa, aha baba weve Hezekia yaali ni yononyia. Yumbaka uvwali vwi lisigamira lia Baali kandi nalomba ivifananyi viu umunyasaye wi kikali, Ashera, kuli mwami Ahabu wa Isiraeli yaali naakori. Manase yasigamira zing'ereng'ani kandi.

2 Avami 21:5

Mu migizi giviri je Litembeli, yumbaka uvwali vwu kusigamira zing'ereng'ani.

2 Avami 21:7

Yavika kifananyi chu munyasaye wi kikali Ashera mu Litembeli, ahimbi na ha vundu ha Yahova yaali navoleeye Daudi kandi muyaayi weve, Solomoni: “Hano mu Jerusalemi, mu Litembeli yili, halava havundu hamali kotovola kutura mu kivala choosi chi zihiiri komi na mbiri zia Isiraeli kuli havundu hanyala kusigamirwa.

2 Avami 22:4

“Zia uduuki ku Musaalisi munene Hilicha na oleete amakuva gi livaliza lia mabese aga vasaalisi vaveeye ku miyinzi ha vwingiliru vwi Litembeli vamali kosolola kutura ku vandu.

2 Avami 23:12

Mwami Josia yasambula uvwali vwosi vwa vami vi Ivuyuda vaali ni vumbaka ku kesegese chinyumba yu vwami ahimbi no vomenyo vwu mwami Ahazi, kandi yasambula uvwali vwa Manase yaali Ni yumbaka mu migizi givili ji Litembeli lia Yahova. Yasambula uvwali nukuvwatanyia mu vijonjo kandi navisiuva mu livona lia Keduroni.

2 Avami 23:15

Josia yasambula kandi havundu hu kusigamira mu Bezeli, ahaali ni huumbakwa na Jeroboamu muyaayi wa Nebati, wimilira Isiraeli kuduuka mu likora uvwoni. Josia yasambula uvwali, ni yatanyia magina gavwo mu vidonye kandi naviduya kuduuka ni vigwa luguki. Yasamba kandi vifananyi via Ashera.

2 Avami 25:18

Komeeda ku vandu vo munyabara, munene wi liihe lia Nebukadineza yaahira mu kivala chu vuhambe; yaahira kandi Seraya musaalisi munene, Zefania musaalisi olondela musaalisi munene, na vanene vaduukiru vandi vavaga vu mu Litembeli.

2 Kyetsinyinga 15:16

Mwami Asa yaatuliza guuku weve Maaka kutura mu vwiyangu vwivwe kuli vwami vwi kikali, kigira yaali naalombi kifananyi chu kuvihiliriza chu munyasaye Ashera. Mwami Asa yononyia kifananyi yicho ligali ma nasambira vidonye viacho mu livona lia Kidironi.

2 Kyetsinyinga 33:3

Yumbaka vuhia havundu hukusigamira misambwa aha baba weve Hezekia yaali niyasambula. Yumbaka kandi uvwali mu Litembeli kigira lisigamira lia Baali, kandi nalomba vifananyi viu munyasaye wikikali Ashera; kandi nasigamira zing'ereng'ani.

2 Kyetsinyinga 33:7

Yavika kifananyi cha yalomba mu Litembeli, havundu ha Nyasaye yavolera Daudi nu muyaayi weve Solomoni, “Hano mu Jerusalemi, mu Litembeli yili, ni havundu ha inzi mali kotovola kutura mu kivala choosi chi zihiiri zia Isiraeli kuli havundu ha inzi sigamirwa mihiga ni mihiga.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Jeremia 52:24

Komeeda Nebuzaradani, munyabara munene wi liihi, yaahira muvuhambe Seraya musaalisi munene, Zefania musaalisi olondeleri wumusaalisi munene, na avanene vaduukiru vandi vavaga vumu Litembeli.

Jeremia 7:9

Munyi mwivaa, mwitaa, mukoraa ovoheyi, muvooraa ovovehi mu liesuha, muhaana visiuviliru ku Baali, kandi musigamira avanyasaye vandi avamwavula kumanya maziambiri.

Ezekieli 8:6

Nyasaye yambolera, “Mwana wu Mundu, ololaa agekolekaa? Henza ku vindu viukuvihiliriza yivi via vandu va Isiraeli vakora hano, kongola kuzia ihale ligali kutura hatakatifu hange. Ulalola kali vindu viukuvihiliriza vinyingi kuvita yivi.”

Hosea 4:15

“Kali niiva munyi avandu va Isiraeli simuveeye avasuuvirifu ku inzi mba, vwakaveeye vulahi avandu vi Ivuyuda valavula kuva nilihiolo kuli yili. Mutasigamira ha Giligali anoho Bezaveni mba, anoho mutalomba malagano ku Yahova oveeye mwoyo mba.

Amosi 4:4

Yahova wanyala viosi avoora, “Hambi ha Bezeli na mukore uvwoni ku Giligali mumeede kokora uvwoni; na mulete kidieli chi likomi chiinyu vuli mugambazuri, ni zizaka zienyu vuli lidiku lia kavaga.

Zefania 1:4

“Ndakahaane mageri ku vandu va Jerusalemi halalani Ivuyuda. Ndakonogonyie vandu vosi avasigamiraa Baali. Sialakaveho nu mundu kali mulala ulakizulirizi avasaalisi vi vifananyi avatumikiraa Baali mba.

Matayo 26:3

Maku avasaalisi vanene navakulundu vavugana harara ha mugizi gwinyumba yu Musaalisi Munene uwalangwa Kayafa,

Matayo 27:1

Lwa vwacha, avasaalisi vanene na vakulundu vaakora kiyaalo ku Yeso nivalomba zing'anagani kuli vanyara kumwita.

Yohana 18:1

Lwa Yeso yaali niyakamara kovora lisaala yili, yazia engereka wi livona lia Keduroni harara na aviigi veve. Havundu yaho haali nu mulimi, Yeso harara na aviigi veve vazia mu.

Vakalagi 2:13

Valeka kusigamira Yahova, nivatanga litumikira vanyasaye Vabali na Ashitarozi.