2 Avami 23:33 - KITABU KITAKATIFU

³³ Liamiiha lilie liahera lwu mwami Neko wa Egebeti yamuvugula kandi umuhambe ha Ribula, mu kivala cha Hamazi, ma nakora avandu vi Ivuyuda kutunga uvusuuru vwi zikilo 3,400 zie ifeza na zikilo 34 zie zahabu.

2 Avami 23:33 ပူးပေါင်းရင်းမြစ်များ

1 Avami 8:65

Kunangwa Solomoni yalomba lilia ing'inga yeyo, na vandu vosi va Isiraeli vaali harara naye, Livugana linene kutura mu vwingiliru vwa Hamazi kuduuka mu Ivaale kandi kutura ku lwako lwa Egebeti vaali ni lilia; imbiri wa Yahova Nyasaye wiitu ku madiku saba.

2 Avami 18:14

Hezekia yatuma amakuva ku Senakeribu, uwaali naveeye mu lidaala linene lia Lakishi, “Mali kogosa, yaanza lekera lingilira litulira liilio, na inzi ndatunga choosi cha wenya kuzingulu.” Litivuli liu mwami Senakeribu liali ndi kuduuka Hezekia amutumili zikilo zielefu likomi zie ifeza kandi zikilo elefu ndala zie zahabu.

2 Avami 23:29

Lwa Josia yaali mwami, mwami Neko wa Egebeti yimilira liihi kuduuka ku mugera gwa Efurate kuzia kokoonya mwami wa Asiria kulwaana. Lwu mwami Josia yageriza kwigalira liihe lia vandu va Egebeti ha Megido, yamanya ni yitirwa mu vulwani.

2 Avami 23:35

Mwami Jehoyakimu yasolola uvusuuru kutura ku vandu vi Ivuyuda kolondekana nu vutugi vwavo. Yakola ndio ku aduuki konyoora kedonye chu vusuuru chenyekanaa kutungwa ku mwami wa Egebeti.

2 Avami 25:20

Nebuzaradani yavahila ku mwami wa Babiloni, waali mu lidaala linene lia Ribula

2 Avami 25:6

Ma vavugura mwami Zedekia ni vamuhira ku mwami Nebukadineza, uwaali mu lidaala linene lia Ribula. Na hene yaho, mwami Nebukadineza yavitiza likalaga ku Zedekia.

Kutwula 21:22

“Niiva avandu vasaza vakubana mavasalirizi mukali oveeye ninda ma mwana atuli navuzwa siasaliriziywi ku munzira yindi yoosi mba, mundu umusalirizi alatungizwa mitungu josi ju musaza wu mukali oyo ava niyenya, kolondekana nilitovola lia avakalagi.

Tsing'ano 19:19

Niiva mundu aveeye nu vutima vululu muleke anyoore agadukanaa naye. Niiva ulamutuliza mu vudinyu ing'inga indala, gadukanaa umukonye kandi.

Jeremia 46:2

kutanga ni zihiiri zia Egebeti. Yaga nigo agayavoola kigira iliihi liu mwami Neko uwa Egebeti, uwu mwami Nebukadineza wa Babiloni yaguutira ha Karikemishi himbi kumugera gwa Efurate. Gwaali mu muhiga gwa kane gwa Jehoyakimu yaali mwami wi Ivuyuda:

Ezekieli 19:7

Yadiviza zimbinga kandi madaala; lihuuma lilie liezingulu liatiihiza vuli umundu.

Ezekieli 19:9

Vaamuvika mu kifuli kandi nivamuhila ku mwami wa Babiloni. Vaamuvika muvuhambe kunangwa lihuuma lilie livuli kuhulirika ku vigulu via Isiraeli.

Livalidza 13:21

Kunangwa avasaza yava vazia kutunyiriza kolovega lwi ivaale wi kivala kutura mwigendanyama lia Zini kolovega lwisavalu kuduuka Rehobu, himbi nu vwingiliru vwa Hamazi ko lovega lwa Ivaale.

Livalidza 34:11

Maku lulazia Isavaalu kuduuka Habeli Ivugwi wa Aini, kandi kuduuka ku vigulu vie Ivugwi wi kivala keveeye ahimbi ninyanza ya Galilaya