2 Avami 23:30 - KITABU KITAKATIFU

³⁰ Vanene veve vaviika muviri gwigwe ku ligare liu vulwani ma ni vagwilanyia mu Jerusalemi, nivamuyavira mu vilindwa via vami. Vandu vi Ivuyuda vatovora muyaayi wa Josia walangwa Joahazi nivamuvaka amaguta kuli mwami wi Ivuyuda.

2 Avami 23:30 ပူးပေါင်းရင်းမြစ်များ

2 Avami 14:21

Maku avandu vi Ivuyuda vaviika muyaayi weve Uzia, uwaali ni mihiga komi na sita, itaji kuli mwami.

2 Avami 21:24

Navuzwa avandu vi Ivuyuda vita avanene vita Amoni, kandi ni vakora muyaayi weve Josia kuva mwami.

2 Avami 22:20

na amaduywa ga nzizaa koleta ku Jerusalemi galaduukizwa vuzwa inyima wi likuza liilio. Ndaleka ivi ukuzi mu mirembe.” Avasaza yavo virana ku mwami Josia na makuva yago.

2 Avami 9:28

Vanene veve vagingira muviri gwigwe mu ligare lilie lie liihi nivaguhila Jerusalemi, ma ni vamuyavira mu vilindwa vio vwami mu lidaala lia Daudi.

2 Kyetsinyinga 35:20

Inyima wu mwami Josia yaali niyakakola yaga goosi ku Litembeli lia Yahova, mwami Niko wa Egebeti yimilira liihi kulwaana ha Karikemishi kumugera gwa Efurate. Mwami Josia yageriza kumwigalira.

2 Kyetsinyinga 35:24

Maku avatumikiri veve vamutuliza mu ligare lilie ni vamuvika mu ligare lindi lia 2 nivamuhila mu Jerusalemi, uwene yeyo yamanya nakuza. Vaamuta mu virindwa viu vwami vwa vaguuga veve, vasiomera mwami Josia.

Jeremia 22:10

Avandu vi Ivuyuda, mutalira kigira mwami Josia mba, kandi mutasioma kigira likuza lilie mba. Navuzwa muliri vululu ligali kigira Joahazi mwana weve. Vamuvugura nu kumuhila mukivala chi ihale, si alirana kandi mba, sialalola kivala chiche cha yiivulwa mu kandi mba.

Jeremia 22:11

Yahova avoora yaga kigira Joahazi mwana wa Josia, uwamiha kuli mwami wi Ivuyuda muvogono vwa baba weve, “Umali kuzia ihale kutura hano, sialirana kandi mba.

Ezekieli 19:1

Yahova yambolera nyimbiri aviimiliri vaviri vavandu va Isiraeli lwimbu lwovovereri yilu: