2 Avami 23:3 - KITABU KITAKATIFU

³ Na mwami yasingira ahimbi nitiru yu vwami, nalomba lilagana ku Yahova kumuhulira nu kulinda malago geege goosi, nu mwoyo gwigwe gwosi kandi ni liiva lilie liosi, kandi kuviika mu vikolwa lienya liosi lilondekana ni lilagana, kuli gang'odwa mu kitabu yicho. Na vandu vosi valaga kugumira malago.

2 Avami 23:3 ပူးပေါင်းရင်းမြစ်များ

2 Avami 11:14

Mwene yimwo, yalora mwami muhia nasingiyi ahimbi ni itiru ha vwingiliru he Litembeli kuli gwaali umwima. Yakumbirizwa na vanene va vasikari kandi na vakubi vi visiliva, na avandu vosi vaali ni vahanzuka nu vusangali kandi ni vakuba visiliva. Hene yaho Azalia yatandula zinguvu zizie mu vovereri, nahanzuka; “Gaveeye vwibaali, uvwibaali!”

2 Avami 11:17

Jehoyada musaalisi yalomba mwami Joashi harara na vandu va Isiraeli ukwingira mu lilagana hagati haavo na Yahova ndi valava avandu va Yahova. Yalomba lilagana hagati hu mwami na vandu.

2 Kyetsinyinga 15:15

Avandu vi Ivuyuda vosi vasangala kigira vaali nivalombi lilagana liukwisuha ku Yahova Nyasaye wa Isiraeli mu mioyo jaavo josi. Vaavugura liiva liu kusigamira Yahova, na Yahova yavavugilira kandi navaha mirembe ku zimbega ziosi.

2 Kyetsinyinga 23:13

Hene yaho yalora mwami muhia ha vwingiliru vwi Litembeli, nasingiyi ha itiiru yaalomberwa avami, kandi nakumbiriziywi na vanene vi liihi harara na vakubi vi visiriva. Avandu vosi vaali nivahanzuka nuvusangali vonene ligali kandi nivakubaa visiriva na vimbi vumu litembeli niviju viavo viu kwimba nivimiriyi zinyimbu zielizominya. Yatandula zinguvu zizie mu linyang'ana nilivihilirwa kandi nahanzuka, “Uvwibaali! Uvwibaali!”

2 Kyetsinyinga 23:16

Musaalisi Jehoyada yalomba lilagana ndi Oyo, avandu, kandi umwami, valava avasuuvirifu ku Yahova Nyasaye.

2 Kyetsinyinga 29:10

“Na kalunu mali kotovola kolomba lilagana na Yahova, Nyasaye wa Isiraeli, kunangwa avuli kuva nu vutima nikunyi kandi mba.

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Nehemia 10:1

Yavo avaari vukutanga kuviika ku mihuri, vaali Nehemia uwaali munene, kandi muyayi wa Hakalia na Zedekia. Avasaalisi valonda ku yava, kandi navo vaviika ku muhuri:

Nehemia 5:13

Maku ndatuliza ni ndasung'usa inguvu yumusibi yandali ninziviki niimboora, “Nyasaye alasung'usa kuli ndio mundu sa mulala uvula kuduukiza lisuuviriza yili, atuli munyumba yeeye, na mumiyinzi jije. Mundu uyu asung'uswi ndio kandi akolwe hazwa.” Avandu vosi vavoola “Amini!” Kandi vizominya Yahova. Na aviimiliri vaalinda Lilagana liavo.

Nehemia 9:38

Kigira ku goosi agaamali kwekoleka, kunyi, avandu va Isiraeli, kolombaa lilagana ling'odeywi ku chisuuhu, kandi aviimiliri viitu, avandu va Levi viitu, kandi na avasaalisi viitu nguyu vaviika mihuri jaavo kulio.

Kutwula 24:3

Musa yazia navolera avandu amalago goosi ga Yahova kandi amakuva goosi, na avandu vosi vativura harara nivavoora, “Kunyi kulakola vindu viosi via Yahova avooye.”

Kohelethu 8:2

Utie lilago liu mwami, kandi utalomba lilagana lia vwangu ku Nyasaye mba.

Jeremia 34:15

Kunangwa kumadiku makekeeke gavitii mwagirung'anyia zing'anagani zienyu nimukora aganyaanzizaa. Munyi vosi mwavugilira kovoholora avandu va Isiraeli vache, kandi mwalomba lilagana imbiri wange, mu Litembeli aha sigamirwa.

Jeremia 34:8

Yahova yamoloma na inzi lwa wami Zedekia na avandu va Jerusalemi vaali nivamali kolomba lilagana yokovoholora

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 11:13

“Kunangwa huliri malago ga inzi mali kumuha kalunu. Muyanze Yahova Nyasaye winyu kandi mumutumikiri nimioyo jinyu josi kandi na roho jinyu josi.

Kwidzulitsa 13:4

Mulonde Yahova kandi muhaane luyali kuye. Mumuhuliri kandi mulindi malago geege; mumusigamiri kandi muve avasuuvirifu kuye.

Kwidzulitsa 29:1

Yaga nigo amakuva gi lilagana lia Yahova yalaga Musa kolomba na avandu va Isiraeli mu kivala cha Moabu. Yaga goosi gaali komeeda ku lilagana lia Yahova yaali naalombi navo ku kiguru cha Sinai.

Kwidzulitsa 4:45

Yili nilio lilolekiza lieligali, malago kandi likalaga lia Musa yavolera avandu va Isiraeli, lwa vaatura mu kivala cha Egebeti,

Kwidzulitsa 6:1

“Yaga nigo malago, ga Yahova Nyasaye winyu yandaga mwigizi. Mugalonde mu kivala cha muveeye ahimbi kwingira mu kandi kukivugula.

Kwidzulitsa 6:5

Muyanze Yahova Nyasaye winyu ni mioyo jinyu josi, ni liiva lienyu liosi, ni zinguru zienyu ziosi.

Kwidzulitsa 8:19

Mutivilira Yahova Nyasaye winyu, anoho kugirung'ana nokuzia ku avanyasaye vandi, kuvasigamira kandi kuvatumikira mba. Niiva mulakola ndio, mwiganihizaa kalunu ndi ligali muladivizwa.

Vahebraina 12:24

Mumali kuuza ku Yeso umuhambanyi wililagana lihia, kandi ku masahi guufa agasuuvirizaa vindu vilahi ligali kuvita masahi ga Habili.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.