2 Avami 23:27 - KITABU KITAKATIFU

²⁷ Yahova yavoola, “Ndakora ku vandu vi Ivuyuda aga mali kokora ku vandu va Isiraeli: Ndatuliza avandu vi Ivuyuda imbiri wange, na ndasuura Jerusalemi, lidaala linene lia ndatovora, kandi Litembeli lia ndavoora lilava havundu ha sigamirwa.”

2 Avami 23:27 ပူးပေါင်းရင်းမြစ်များ

1 Avami 8:29

Linda Litembeli yili mbasu nuvudiku, havundu hano ha ivi umali kotovola usigamirwi ho. Yaanza uhuliri lisaala liange lwa nyumika Litembeli yili nukusaala.

1 Avami 9:3

Yahova yamuvolera, “Mali kuhulira lisaala liilio. Mali kutakasa Litembeli lia wumbaki yili kuli havundu ha sigamirwa mihiga ni mihiga. Ndahalinda nukuhakinga ku zing'inga ziosi.

2 Avami 17:18

Yahova yavihilirizwa na vandu va Isiraeli, kandi navatuliza mu zimoni zizie, naleka vuzwa uvwami vwa Vayuda vweng'ine.

2 Avami 17:20

Yahova yasura avandu va Isiraeli vosi, navaha amageri, navaviika mu makono ga vasigu valulu vaavo kuduuka lwa yavatuliza mu zimoni zizie.

2 Avami 17:23

kuduuka mu limala, Yahova yaatuliza avandu va Isiraeli mu zimoni zizie, kuli yaali ni yaviganihiza kuvitira ku vatumikiri veve avaporofeti kunangwa avandu va Isiraeli vaahirwa mu vuhambe mu kivala cha Asiria, uwavakemenyi kuduuka lero.

2 Avami 18:11

Mwami wa Asiria yaahira Visiraeli Asiria kuli avahambe, na valala kuvo vahevwa komenya mu lidaala linene lia Ala, avalala ahimbi nu mugera gwa Habori mu kivala cha Gozani, na vandi mu madaala manene ga Media.

2 Avami 21:13

Ndahaana amageri ku Jerusalemi kuli ndakora ku Samaria, kandi ku mwami Ahabu wa Isiraeli na visukululwi vivie. Ndatuliza vandu vosi mu Jerusalemi kuli mulala yogizaa isahani kandi kuyo amazi kandi agikunaminya.

2 Avami 21:14

Ndakaleke vandu valahononoke, kandi ndakavahaane ku vasigu vaavo, avalivaguuta nu kulanya kivala chavo.

2 Avami 21:4

Yumbaka uvwali vwu kusigamira misambwa mu Litembeli, havundu ha Yahova yaali navooye halava ahasigamirwaa.

2 Avami 21:7

Yavika kifananyi chu munyasaye wi kikali Ashera mu Litembeli, ahimbi na ha vundu ha Yahova yaali navoleeye Daudi kandi muyaayi weve, Solomoni: “Hano mu Jerusalemi, mu Litembeli yili, halava havundu hamali kotovola kutura mu kivala choosi chi zihiiri komi na mbiri zia Isiraeli kuli havundu hanyala kusigamirwa.

2 Avami 23:28

Vindu vindi viosi viu mwami Josia yakola, viang'odwa mu vitabu via makuva ga kale ga avami vi Ivuyuda.

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

2 Avami 24:3

Yaga gekoleka kuli Yahova yaali nalagi, aduuki kutuliza avandu vi Ivuyuda imbiri weve kigira uvwoni vwosi vwu mwami Manase yaali ni yakola,

2 Avami 25:11

Hene yaho, munyabara waali mwimiri wi liihi lia Nebukadineza yavugula avandu vaali ni vatigaye mu lidaala linene vosi naavahira Babiloni mu kivala cha vahambe; vaali harara na vasaza avaari ne limanya linene, avasiza na avatuli.

2 Avami 25:21

mu zinzako zia Hamazi. Hene yaho, mwami yavoola vakuywi kali kuduuka ku likuza. Na vandu vi Ivuyuda vaahirwa ihale mu vuhambe kutura mu kivala chavo.

Zaburi 51:11

Utaangunga nduli imbiri woovo mba, utatuliza Roho Mutakatifu ku inzi mba.

Jeremia 15:4

Ndakora vandu vu mukivala choosi kuva nu vuti ovonene ligali kigira vindu vidamanu via Manase mwana wa Hezekia yakola mu Jerusalemi lwa yaali mwami wi Ivuyuda.”

Jeremia 23:20

kandi sikililekera mba kuduuka lwa alikola goosi agaganagana kokora. Mumadiku gaaza avandu valakamanyirizi yaga vulahi.”

Jeremia 23:33

Yahova yambolera, “Jeremia, kunangwa lwa mulala ku vandu vange anoho muporofeti kinga musaalisi akoteeva, ‘Likuva lia Yahova liveeye ki?’ Mbolere, ‘Ivi oveeye uvuliduhu ku Yahova kandi azizanga kukutulizaho.’

Jeremia 23:39

Inzi ndavavugura ligali nukuvasiuva ihale kutura ku inzi, yavo aveene harara nilidaala liandahana ku harara avaguuga vaavo.

Jeremia 31:37

Niiva lidiku lilala ligulu liakagereywi kandi imise jilirova kohenzerizwa, maku yakasuyi avandu va Isiraeli kigira kugoosi agavamali kokora. Yahova amali kovora.

Jeremia 32:31

Avandu vi lidaala linene yili vamali kuvuukiza vutima vwange kutura ing'inga lidaala yili liumbakwa. Kulwayago, mali kusaavira kulidiviza ligali,

Jeremia 33:24

“Ivi oveeye ni limanyiriza ku makuva ga vandu vavoola ndi, Inzi mali kusura avandu va Isiraeli kandi avandu vi Ivuyuda, ava inzi ndaatovora? Avandu yava vachayi kandi valegerizi avandu vange, na si vavavuguye kuva kandi ihiiri imbiri wavo mba.

Lisyoma lya Jeremia 2:7

Yahova amali kusura uvwali vwivwe kandi yamala koleka Litembeli lilie Litakatifu; yaleka avasigu kusambula madigi gi zinyumba ziavo ziu vwami. Vahaanzuka nokokola liyoga mu Litembeli kuli lidiku lie lisavo.