2 Avami 23:2 - KITABU KITAKATIFU

² Na vosi harara vazia mu Litembeli, ni vaveeye harara na vasaalisi, avaporofeti kandi na vandu vandi vosi, avatugi na vadaka vaali keleng'ani. Mwami yavasomera vudinyu kitabu choosi chi Lilagana ichaali ni kinyoleki mu Litembeli.

2 Avami 23:2 ပူးပေါင်းရင်းမြစ်များ

Litanga 19:11

Maku avasaza yava vaakora vandu vaali ichova kuva avavoku, vosi avanene kuvakekeke kunangwa vavuli kolola muliango.

1 Avami 8:9

Kindu sichali musi mwi Lisandugu Lielilagana nivitali vibaho viviri via magina via Musa yaali niyaviika mu ha Kiguru cha Sinai, lwa Yahova yalomba lilagana na vandu va Isiraeli; ku ing'inga ya vaali nivatulanga mu kivala cha Egebeti.

2 Avami 22:8

Shafani yahaana malago gu mwami ku Hilicha, na Hilicha yamuvolera ndi unyooye kitabu chi Lilaga mu Litembeli. Hilicha yamuha kitabu, na Shafani yakesoma.

2 Kyetsinyinga 15:13

Ku vosi, muyaayi anoho muhindira, musaza anoho mukali, uwavula kusigamira Yahova Nyasaye wa Isiraeli, yitwa.

2 Kyetsinyinga 17:9

Vaavugura kitabu chi Lilaga lia Yahova kandi nivavodong'ana mu madaala goosi gi Ivuyuda, nivigiza avandu vosi.

Nehemia 13:1

Lwa Lilaga lia Musa liali ni lisomaa vudinyu vaduuka ku luvaso lovoolaa, Umuamoni kinga Umumoabu siaveeye numunwa kwingira mu livugana lia avandu va Nyasaye kali hakuzu mba.

Nehemia 9:3

Vasingira ku zisa zivaga nivahulirizaa amakuva kutura mu kitabu chi Lilaga lia Yahova Nyasaye wavo, ma kandi ku ing'inga yi zisa zivaga izialonda ku, viganira uvwoni vwavo, kandi nivasigamira Yahova Nyasaye wavo.

Esther 1:5

Inyima wa yago, umwami yalombera avandu vosi iliilia, avanene na vakekeeke kindu kilala mu lidaala linene lia Susa. Iliilia liamala ilisiza, na lialomberwa mu mugizi gwinyumba yu vwami.

Ayubu 3:19

Mwene yimwo, avandu vosi vaveeye ho, avanene na vakeekeke, na vatugwa vaveeye vavoholole kutura ku vanene vaavo.

Zaburi 115:13

Yahova alagasiza sa mulala uhaanaa luyali kuye, avanene navakekeeke harara.

Jeremia 34:8

Yahova yamoloma na inzi lwa wami Zedekia na avandu va Jerusalemi vaali nivamali kolomba lilagana yokovoholora

Vikolwa 26:22

Navuzwa ndanyoora vokonyi kutura ku Nyasaye kuduuka lidiku lia lero, ku lwa yago singiyi vudinyu kulolekizira vosi, avakeekeke na vanene. Icha inzi mboraa ni yicho kilala chere cha avaporofeti kandi Musa yavoola ndi kizizaa kwekoleka:

Kwidzulitsa 31:26

“Vuguli kitabu chi Lilaga yiki mukiviiki halovega hi Lisandugu lie Lilagana lia Yahova Nyasaye winyu, kunangwa kiduuki kuva kuli kilolekizi ku avandu veve.

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.

1 Samweli 30:2

kandi nivagumiyi avakali vosi kuva vilaanye; sivali niviiti ku mundu woosi mba, navuzwa vaali nivavuguyi avandu vosi.

1 Samweli 5:9

Navuzwa lwa liali niliakaduuka ho, Yahova yahaana mageri ku lidaala linene yilio kandi nalikora live nuvuti vonene ligali. Yavaha mageri na miihi agaalia vandu vosi avang'erere na vakulundu.