2 Avami 23:14 - KITABU KITAKATIFU

¹⁴ Mwami Josia yatanyia zitiru zia magina, mu vidonye, natemanyia vifananyi viu munyasaye wi kikali Ashera, kandi nafuma havundu ha vasingira ni vigumba via vandu vakuza.

2 Avami 23:14 ပူးပေါင်းရင်းမြစ်များ

2 Avami 18:4

Yononyia havundu hoosi hu kusigamira misambwa navunanyia minaara ja magina, kandi natemanyia vifananyi viu munyasaye wi kikali Ashera. Yadonyanyia kandi enzoka yu mugasa ya Musa yaali ni yalomba, iyalangwa “Nehushetani”. Kuduuka ing'inga yene yeyo, avandu va Isiraeli vaali ni vakisamba vimuli mu ligiha uluyali.

2 Avami 23:16

Maku Josia yikivuka nalora vilindwa vilala iviali ku kiguru, yavavolera vatulizi mu vigumba nu kuvisambira ku vwali. Munzira yiyi, yononyia uvwali, nakora agu muporofeti yaali ni yaporofeta kale ing'inga yi lisavo lwu mwami Jeroboamu yaali nasingiyi himbi nu vwali. Mwami Josia yahenza nalora kilindwa chu muporofeti wavoola makuva gi liporofeta yili.

Kutwula 23:24

Mutinamira avanyasaye vaavo anoho kuvasigamira mba, kandi mutavuguli likora ni miima jidiini yaavo mba. Mwononyie ligali nukuvunanyia minaara jaavo ja magina.

Kutwula 34:13

Mu vogono yivwo, muvunanyie uvwali vwavo, nukusambula minaara mitakatifu jaavo, nokotemanyia vifananyi viu munyasaye wikikali wavo Ashera.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Isaya 44:19

Mulombi wi vifananyi sianyala kwizuliza nukuganagana, anoho novogeri vwo kovora, “Ndasaamba kedonye chu musaala yigu. Ndaalomba mugadi nekedonye kindi kandi nisambira inyama ningilia. Ndaalomba kifananyi ku musaala gwatigala. Nguyu sigamira kisala chavazwa! Ekeveeye livihilirizwa!”

Ezekieli 6:5

Ndasalanyia miviri ja vandu va Isiraeli; Ndasalanyia nu kukumberiza uvwali vwavo.

Mika 1:7

Vifananyi vialio viosi vilahi vilashonoranywa mu vidonye, vindu viosi viahanwa ku malaya gi litembeli viladivizwa nu muliru, ni vifananyi vialio viosi vilalekwa kuva kuli kitumi. Samaria lidaala linene lianyora vindu yivi kigira vulahi vwalio, na kalunu avasigu va lio valavugula vifananyi nu kuzia kokoraa uvulaya mu litembeli havundu handi.”

Livalidza 19:16

Niiva mundu aladiira ku mundu umali kwitwa noho umali kukuza kuziiyi likuza lia kazozo, anoho mundu udiira ku vigumba vyo mundu wakuza anoho kudiira ku kilindwa, alava mudamanu ku madiku saba.

Livalidza 19:18

Lwokutanga, mundu musereeze alavugula luvinu, nukulwina mu mazi nu kwuha ku lihema ne vindu viosi viveeye mu, nu ku vandu vaali ni vaveeye mu. Lwa kaviri mundu uveeye musereeze aluhila uyu wadira ku vigumba viu mukuzu anoho muviri mukuzu, anoho kilindwa.

Livalidza 33:52

gamuduukira mukungi avandu vosi vamenyi mu kivala yicho. Mwononyie magina gaavo, gi vifananyi viu mugasa kandi havundu haavo hoosi hu kusigamira misambwa.

Kwidzulitsa 7:5

Kunangwa, saambuli uvwali vwavo, muvunanyie muvidonye minaara mitakatifu jaavo ja magina, mutemere hasi vifananyi viu munyasaye wavo wikikali ulangwa Ashera kandi musaambe misambwa jaavo.