2 Avami 23:13 - KITABU KITAKATIFU

¹³ Mwami yononyia uvwali vwosi vwa Solomoni yaali ni yumbaka ivugwi wa Jerusalemi, isavaalu wi kiguru cha Muzeituni, kigira lisigamira lie misambwa ju kuvihiliriza, Asitarite munyasaye wikikali wa Sidoni, Kemoshi munyasaye wa Moabu, kandi Moleki, munyasaye wa Amoni.

2 Avami 23:13 ပူးပေါင်းရင်းမြစ်များ

1 Avami 11:33

Nziza kokora ndio kigira Solomoni umali kusuura, kandi umali kusigamira avanyasaye vageni. Ashitarozi, umunyasaye wikikali wa Sidoni; Kemoshi, munyasaye wa Moabu; kandi Moleki, umunyasaye wa Amoni. Solomoni uvuli kumbulira; okoli vudamanu kandi uvuli kugumira malago gange kuli baba weve Daudi yakola.

1 Avami 11:5

Yasigamira Ashitarozi, nyasaye wikikali wa Sidoni, kandi Moleki, nyasaye wukuvihiliriza wa Amoni.

1 Avami 11:7

Ku kiguru, Ivugwi wa Jerusalemi, yumbaka havundu hukusigamira Kemoshi, umunyasaye, wukuvihiliriza wa Moabu, kandi havundu hukusigamira Moleki, umunyasaye wukuvihiliriza wa Amoni.

Nehemia 13:26

Ndaavoora, “Vaali avakari vageni avalomba mwami Solomoni naakora uvwoni. Yaali mundu munene ligali kuvita avami vandi vi zihiiri zindi. Nyasaye yamuyanza kandi naamukora mwami ku Isiraeli yoosi na kali ndio avakali vageni vamuvika muvwoni.

Isaya 44:19

Mulombi wi vifananyi sianyala kwizuliza nukuganagana, anoho novogeri vwo kovora, “Ndasaamba kedonye chu musaala yigu. Ndaalomba mugadi nekedonye kindi kandi nisambira inyama ningilia. Ndaalomba kifananyi ku musaala gwatigala. Nguyu sigamira kisala chavazwa! Ekeveeye livihilirizwa!”

Jeremia 11:13

Avandu vi Ivuyuda vaveeye na avanyasaye avanyingi kuli vaveeye na amadara amanene, agavaveeye nago, kandi avandu va Jerusalemi valomba uvwali uvunyingi kuli zinzira ziveeye mu madaala manene nu kuhaanira ku visiuviliru ku Baali, nyasaye wu kuvihiliriza?

Jeremia 48:13

Maku avandu va Moabu valaviikwa mu zisoni nu munyasaye wavo Kemoshi, kuli avandu va Isiraeli vaviikwa mu zisoni na Bezeli, munyasaye wa vasuuvira muye.

Jeremia 48:16

Kivi keveeye ahimbi kuduuka ku kivala cha Moabu; kandi lidivizwa liacho lizaa vwangu.

Jeremia 48:7

“Munyi avandu va Moabu, mwasuuvira mu zinguru zienyu kandi mu vutugi vwinyu, navuzwa kalunu kali mulaguutwa; munyasaye winyu Kemoshi alahirwa mu lihaminywa, harara na avanene veve kandi avasaalisi veve.

Zefania 1:5

Ndakadivizi vuli mundu woosi ulakanini ku inyumba igulu nu kusigamira liuva, umweli kandi zing'ereng'ani. Ndakadivizi yavo avasigamiraa kandi aviisuhaa kuhaana ku inzi luyali, kandi visuha mulieta liumunyasaye Moleki.

Livalidza 21:29

Vudinyu ki yivu ku munyi avandu va Moabu! Munyi avasigamiraa va Chemoshi mumali kudivizwa! Munyasaye winyu yaleka avasaza ni viruka, Kandi avakali vagimilwa nu mwami wa vandu va Amoriti.

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.

Vakalagi 11:24

Wenyaa wilane kogeliza kuvugura ikivala chene yiki? Unyala kuva ni vindu viosi viu munyasaye woovo. Chemoshi amali kuhaana ku ivi. Navuzwa kunyi kulava ni vindu vietu via Yahova, Nyasaye wiitu umali kukuha.

Vakalagi 2:13

Valeka kusigamira Yahova, nivatanga litumikira vanyasaye Vabali na Ashitarozi.

1 Samweli 12:10

Ahene yaho, vanira ku Yahova avakonye nivavoora, ‘Kunyi kwayona kigira kwagirung'ana nikutula ku ivi, Yahova, kandi nikusigamira vifananyi via Baali na Asitarite. Mwaza akohonyie kutura ku vasigu viitu, na kunyi kulakusigamira!’

1 Samweli 7:4

Kunangwa Avaisiraeli vononyia vifananyi viavo viosi via Baali na Asitarite, kandi nivasigamira Yahova yeng'ine.