2 Avami 22:4 - KITABU KITAKATIFU

⁴ “Zia uduuki ku Musaalisi munene Hilicha na oleete amakuva gi livaliza lia mabese aga vasaalisi vaveeye ku miyinzi ha vwingiliru vwi Litembeli vamali kosolola kutura ku vandu.

2 Avami 22:4 ပူးပေါင်းရင်းမြစ်များ

2 Avami 12:4

Joashi yavolera avasaalisi. “Muvungize amabese goosi agaleetangwa mu Litembeli kuli vihaanwa vitakatifu, amabese gasololwaa kuli mabese ga vuli mundu akalagirwa kutunga kuli vusuuru, kandi amabese goosi agahaanwa nu vwihaani vwu mwoyo gwosi mu Litembeli lia Yahova.”

2 Avami 12:5

Vuli musaalisi anyoore mabese kutura ku mulala ku vaviiki, na gatumikirwi kolomba hi litembeli liasasuguka.

2 Avami 18:18

Maku valanga mwami Hezekia, yaze na vavaga ku vanene veve vazia kuvaaganira. Eliakimu muyaayi wa Hilikia, uwasingilira inyumba yu vwami; Shebina, mung'odi wi kiyaalo; na Joa muyaayi wa Asafu, wasingilira vitabu vie zing'inga.

1 Kyetsinyinga 6:13

Shalumu yivula Hilikia, na Hilikia yivula Azaria;

1 Kyetsinyinga 9:11

na Azaria muyaayi wa Hiliki, muyaayi wa Meshulami, muyaayi wa Zadoku, muyaayi wa Merayozi, muyaayi wa Ahitubu, munene wi Litembeli lia Nyasaye,

1 Kyetsinyinga 9:19

Shalumu, muyaayi wa Kore na umwisukulu wa Ebiasafu, harara na avandu veve vi ihiiri ya Kora, yaali nu vunyali vwu kulinda vwingiliru vwi Lihema lia Yahova, kuli avaguuga vaavo vaali avasingiliri vo hokososa ha Yahova.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

Nehemia 11:19

Avasikari valinda viribwa vie Litembeli vaali: Akubi, Talimoni, harara na aviiko vaavo. Vosi vaali 172.

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.