2 Avami 22:19 - KITABU KITAKATIFU

¹⁹ nu wiganira kandi nu wegehiza umwene imbiri wange, nutandula zinguvu zizio nu kulira, lwa wahulira kuli ndatihiza kuhaana mageri ku Jerusalemi kandi ku vandu valio. Ndakalikole live lio kutihiza mu zimoni ziavo, havundu ha vandu valitumikira lieta liaho kuli kilaamo. Navuzwa mali kuhulira lisaala nukwidoloka maliga (kukwo), lwa wahulira kuli ndatihiza kuhaana mageri ku Jerusalemi kandi ku vandu valio. Ndalikola live liokodegeriza kandi chukuhuga ligali ku yavo avehenza kuli havundu ha vandu vatumikira lieta lialio kuli kilaamo. Navuzwa inzi mali kuhulira lisaala liilio

2 Avami 22:19 ပူးပေါင်းရင်းမြစ်များ

1 Avami 21:29

“Ukaloli kuli Ahabu yegehizi umwene imbiri wange? Kigira umali kokora yaga, sindaleeta kivi kuye mu ing'inga yi livamwoyo lilie mba; galakave mu ing'inga yi livamwoyo liu muyaayi weve lwa ndileeta kivi ku vinyumba ya Ahabu.”

2 Avami 19:20

Maku, Isaya muyaayi wa Amozi yatuma makuva ku Hezekia navoora, “Yahova, Nyasaye wa Isiraeli avoora ndi: Mali kuhulira lisaala liilio kigira Senakeribu mwami wa Asiria.”

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

2 Avami 22:11

Lwu mwami yahulira amakuva gi kitabu chi Lilaga yicho, yatandula ziganza zizie nu vuveleri,

2 Kyetsinyinga 32:26

Lwu kumaliriza Hezekia harara na vandu va Jerusalemi vegehiza ligali, nandio Yahova siyavaha amageri kuduuka inyima wi likuza lia Hezekia mba.

2 Kyetsinyinga 33:12

Mu vusaliri vwivwe, yegehiza ligali, nagirung'ana koyeeka ku Yahova Nyasaye weve, kandi namugoonya amukonye.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

2 Kyetsinyinga 33:23

Amoni siyegehiza umwene imbiri wa Yahova, kuli baba weve Manase yegehiza mba, navuzwa, yaazizagilira kokora uvwoni kuvita ligali.

2 Kyetsinyinga 34:27

kandi nu wegehiza umwene imbiri wange, watandula zinguvu zizio, kandi nulira nukwidoloka amaliga, lwa wahulira kuli ndatihiza ku haana amageri ku Jerusalemi harara na avandu vamenyi mu. Navuzwa inzi mali kuhulira lisaala liilio,

Ezara 10:1

Lwa Ezara yaali nasigami mu lisaala imbiri wi Litembeli lia Nyasaye, nalira kandi niyiyamaa uvwoni vwa avandu ku Nyasaye, muganda munene gwa vandu va Isiraeli vasaza, avakali kandi avana vaza nivamukumbiriza kandi nivalira vululu ligali.

Nehemia 1:4

Lwa ndahulira makuva yaga goosi, ndikala hasi nindiira ligali. Ndasioma nu kuzizagilira kohonga lilia kandi. Ndasaara imbiri wa Nyasaye wu mwigulu madiku manyingi.

Nehemia 8:9

Lwa avandu vosi vahulira agi Lilaga lienyaa, vaasalirizwa mu mioyo jaavo ligali, ma nivatanga kulira. Kunangwa Nehemia, uwaali mwamihi, harara na Ezira, uwaali musaalisi kandi mwigizi wi Lilaga vasomera avandu Lilaga lia Nyasaye, na vandu va Levi avaari ni vivaalaa Lilaga vaavoolera avandu ndi, “Lidiku lia kalunu liveeye litakatifu ku Yahova Nyasaye, kunangwa mutalira anaho kusioma mba.

Zaburi 119:120

Mbeeye nuvuti vonene kigira ivi; nzizuuyi uvuti kigira likalaga liilio.

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

Zaburi 51:17

O, Nyasaye kisiuviriru change keveeye mwoyo gwi liegehiza. Ivi siulasuula mwoyo gwovohoma kandi gwi lieganira.

Zaburi 51:19

Hene yaho, ulayaanzizwa ni visiuviliru viduukira kandi nivihaanwa vietu ni viukusambwa; kandi zigiriki ziliitirwa ku vwali vuvwo kuli visiuviliru.

Kutwula 10:3

Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira.

Isaya 46:12

“Mbulirizi munyi avandu vaveeye avahindagirizi, kandi avaveeye ihale kutura ku vohonyi.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 36:13

Mikaya yavavolera amakuva goosi aga yahulira Baruki nasomaa imbiri wa avandu.

Jeremia 36:24

Navuzwa umwami anoho avanene veve avaahulira amakuva yaga goosi, si vaali nuvuti kinga si vaamanyiaku liiva liosi liu vovereri mba.

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Ezekieli 9:4

“Zia mu lidaala linene lia Jerusalemi liosi na uviiki kelolero ku vweni vwa vuli mundu overeraa kandi usiomaa kigira vindu viosi viu kuvihiliriza vikoleka mu lidaala yili.”

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Livalidza 25:6

Mulala wa Isiraeli yavugula mukali wa vandu wa Midia na muhiraa mu lihema lilie imbiri wa Musa ni kiduma choosi, lwa vaali ni vasiomaraa ha vwingiliru vwi lihema lia Yahova.

Luka 19:41

Lwa yaduuka ahimbi Jerusalemi yalora lidaala zana, nalililira,

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

Vakalagi 20:26

Maku vandu va Isiraeli, avandu vosi, vanigira ha Bezeli niviikuuraa. Vahonga yo nivikaye imbiri wa Yahova vugira kali kulia ichukulia kuduuka hamugorova. Vahaanira Yahova kihanwa chukusambwa kandi kihanwa chi murembe.

1 Samweli 24:5

Navuzwa lwinyima zing'anagani ziu mumwoyo gwa Daudi ziatanga kumunyangiza kigira yakala lukigiti lwi iganza ya Saolo.