2 Avami 22:13 - KITABU KITAKATIFU

¹³ “Muzie mundeevere Yahova kandi mutevere avandu vosi vi Ivuyuda kigira miigizu gi kitabu yiki kimali konyooleka. Yahova aveeye nu vutima vonene na kunyi kigira avaguuga viitu sivakora amakuva gi kitabu yiki kevoolaa vakole mba. Sivakora kulondekana na makuva goosi agang'odwa mu kitabu yiki ku kunyi mba.”

2 Avami 22:13 ပူးပေါင်းရင်းမြစ်များ

2 Avami 23:26

Navuzwa uvululu vwu vutima vwa Yahova vwali ni vuvukiziywi ku vandu vi Ivuyuda kigira agu mwami Manase yaali naakori, na kali kuduuka na kalunu uvutima vwa Yahova vwali ni vukikiri kohomata.

2 Avami 3:11

Mwami Jehoshafati yateeva, “Hakaveeye ho nu muporofeti uwa Yahova wa kunyala koteeva vulaliri vwa Yahova?” Maku Munene wa mahi gu mwami Joramu yativura, “Elisha muyaayi wa Shafati aveeye hano. Yaali mulondi wa Elija.”

2 Kyetsinyinga 29:6

Avaguuga viitu sivali avasuuvirifu imbiri wa Yahova Nyasaye wiitu, makandi vaakora agataali amalungi imbiri wa Yahova. Vaatura ku Yahova ma ni vazia kuzinzira ziavo aveene.

2 Kyetsinyinga 34:21

“Muzie koteeve Yahova kulwange nu ku lwa vandu vatigara mu Isiraeli ni Ivuyuda, kigira amigizu gi kitabu yiki. Uvutima vwa Yahova voveeye vonene ligali kigira avaguuga viitu sivahulira makuva ga Yahova kandi si vakora kolondekana na makuva goosi agang'odwa mu kitabu yiki mba.”

Nehemia 9:3

Vasingira ku zisa zivaga nivahulirizaa amakuva kutura mu kitabu chi Lilaga lia Yahova Nyasaye wavo, ma kandi ku ing'inga yi zisa zivaga izialonda ku, viganira uvwoni vwavo, kandi nivasigamira Yahova Nyasaye wavo.

Zaburi 106:6

Kunyi kumali kokora uvwoni kuli avaguuga viitu vaakora; kokoli uvudamanu kandi uvuchamu.

Zaburi 25:14

Yahova aveeye mulina wa yavo avamuhulira; kandi adinyirizaa lilagana lilie navo.

Zaburi 76:7

Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

Zaburi 76:8

Ivi walomba likalaga liilio limanyikane kutura mwigulu; vosi avamenyi ku lirova vaali nuvuti vonene kandi vachiring'ana ligali.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Tsing'ano 3:6

Wizulizi Yahova mu vindu viosi viokolaa, kandi alakumanyia inzira inungi.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Jeremia 16:12

Navuzwa mumali kokora vudamanu ligali kuvita kali avaguuga vinyu. Munyi mwosi muveeye avahindagirizi kandi aviziimbi, kandi simutizaa inzi mba.

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Jeremia 37:17

Lwinyima mwami Zedekia yatumana nzie, kandi hene yaho munyumba yu vwami yaandeva mu vwivisu, “Likuva liveeye kuho kutura ku Yahova?” Ndaamutivulira kandi nimeeda kovora, “Liveeyeho, Ivi uraviikwa mu zinguru ziu mwami wa Babiloni.”

Jeremia 44:17

Navuzwa kulakola vindu viosi via kwavoola kulakola. Kulahaana visiuviliru ku nyasaye wiitu wi kikali, mwami wikikali wu mwigulu, kandi kulahaana vihaanwa vie Iwaini kuye, kuli kwakora na avaguuga viitu, avami na aviimiliri viitu kuli vakoola mu madaala gi Ivuyuda kandi mu zinzira zia Jerusalemi. Mulikola ndio, kwalange ni viukulia vinyingi; kwagasizwa kandi si kwali nu vudinyu mba.

Lisyoma lya Jeremia 5:7

Avaguuga viitu vakora uvwoni, navuzwa kalunu sivaveeyeho mba, kandi kusalirizwa kigira uvwoni vwavo.

Danyeli 9:10

O, Yahova Nyasaye wiitu, si kwahulira lwa wakovolera komenye kolondekana na malago gawahaana kuvitira mu vatumikiri vovo avaporofeti mba.

Kyavalevi 26:14

Yahova yavoola, “Nimuvula kumbulira nokolonda amalago gange, mulahevwa mageri.

Amosi 3:7

Ligali Yahova Nyasaye sialakola kindu vugira kuvulira avatumwa, avaporofeti veve agaviswa.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Varumi 4:15

Lilaga lileetanga vutima vwa Nyasaye, navuzwa Lilaga nilitaveeye ho, ilivula kutia, Lilaga siliveeye ho mba.

Varumi 7:9

Ku ing'inga ndala, inzi ndaali mwoyo vugira Lilaga; navuzwa lwi Lilaga liaza, uvwoni vwasimuguka, na ndaakuza.

Kwidzulitsa 27:26

“ ‘Alaamwe oyo uvula kuhulira amalago na amigizu goosi ga Nyasaye.’ “Avandu vosi valavoora, ‘Amini!’

Likunula 6:17

Lidiku linene liu uvutima vwavo liduuki, nivwaha unyala kusingira imbiri wuvutima yivu?”