2 Avami 21:3 - KITABU KITAKATIFU

³ Yumbaka kandi havundu hu kusigamira misambwa, aha baba weve Hezekia yaali ni yononyia. Yumbaka uvwali vwi lisigamira lia Baali kandi nalomba ivifananyi viu umunyasaye wi kikali, Ashera, kuli mwami Ahabu wa Isiraeli yaali naakori. Manase yasigamira zing'ereng'ani kandi.

2 Avami 21:3 ပူးပေါင်းရင်းမြစ်များ

1 Avami 18:21

Elija yazia ku vandu zana navoora, “Galavugula lohono ki kunangwa munyi muduuki ku likalaga? Niiva Yahova ni Nyasaye, mumusigamiri; navuzwa niiva Baali aveeye nyasaye, mumusigamiri!” Navuzwa vandu sivativula likuva kali lilala mba.

1 Avami 18:26

Vaavugura igiriki ya valeetelwa, nivagelomba, kandi nivasaara ku Baali kutura mugambazuri kuduuka mbasu hagati. Vahanzuka nivavoora, “Kutivuliri Baali!” Kandi nivazizagilira kuvina nivavodong'ana vwali vwa vaali nivumbaki. Navuzwa litivuli kali lilala siliaza mba.

2 Avami 13:6

Kali ndio sivalekela likora uvwoni vwa Jeroboamu yavalomba vakole, navuzwa vazizagilira kovokola; kandi kifananyi chu munyasaye wi kikali Ashera chatigara mu Samaria.

2 Avami 17:16

Vandu va Isiraeli vavunanyia malago goosi ga Yahova Nyasaye, ni valomba zigiriki ziviri kutura ku kivia vaduuki kuzisigamira; valomba kandi kifananyi chu munyasaye Ashera; vasigamira zing'ereng'ani ziavo kandi munyasaye Baali.

2 Avami 18:22

Munene wa Asiria, yaazizagilira navoora, “Anoho, munyala kumbolera ndi munyi musuuviraa mu Yahova Nyasaye winyu? Haali hu kusigamira hatakatifu kandi uvwali vwa Hezekia yononyia, lwa yavolera avandu vi Ivuyuda na Jerusalemi vasigamiri vuzwa ha vwali voveeye mu Jerusalemi heng'ine.

2 Avami 18:4

Yononyia havundu hoosi hu kusigamira misambwa navunanyia minaara ja magina, kandi natemanyia vifananyi viu munyasaye wi kikali Ashera. Yadonyanyia kandi enzoka yu mugasa ya Musa yaali ni yalomba, iyalangwa “Nehushetani”. Kuduuka ing'inga yene yeyo, avandu va Isiraeli vaali ni vakisamba vimuli mu ligiha uluyali.

2 Avami 8:18

Mukali wa Jehoramu yaali mukaana wu Mwami Ahabu, kandi kuli avinyumba ya Ahabu, yalonda miima nindamanu jia va Isiraeli. Yakola uvwoni mu zimoni zia Yahova.

2 Avami 8:27

Kigira Ahazia yaali mwiko wu mwami Ahabu ku lileeta mukaana weve, yoona imbiri, wa Yahova kuli avinyumba ya Ahabu vakora.

2 Kyetsinyinga 32:12

Niyie uwononya hu kusigamira kandi uvwali vwa Yahova. Yavolera avandu vi Ivuyuda kandi Jerusalemi ukusigamira kandi ukuvuyiza kimuli ha vwali vulala vweng'ine.

2 Kyetsinyinga 34:3

Mu muhiga gwa munane lwa Josia yaali mwami, lwa yaali nakikiri muyaayi yaatanga kusigamira Nyasaye wa guuga weve mwami Daudi. Inyima wi mihiga jine, yaatanga kwononyia havundu hu kusigamira misambwa, vifananyi viu munyasaye wi kikali Ashera, kandi ni vifananyi vindi viosi.

Ayubu 31:26

Inzi si ndaasigamira ku iliuva kigira vwaku vwalio mba, anoho umweli mu vulahi vwagwo mba.

Isaya 65:11

“Navuzwa munyi mwaleka inzi, Yahova winyu, kandi mwayivirira kiguru change Kitakatifu Munyi mwalomba viukulia niviukunwa nimuhaana ku avanyasaye vu vutugi kandi vi livamwoyo liekeheri.

Jeremia 7:30

“Avandu vi Ivuyuda vamali kokora vindu vidamanu imbiri wange. Vamali kuviika vifananyi viavo via inzi ndasuura mu Litembeli liange kandi vamali kuliononyia.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Kwidzulitsa 16:21

“Lwa mulombera Yahova Nyasaye winyu uvwali mutaviiki kifananyi chu musaala chu munyasaye wikikali Ashera ahimbi navwo mba.

Kwidzulitsa 17:2

“Niiva mulahulira ndi mu lidaala lilala ku madaala ginyu, mundu mulala umali kokora vwoni ku Nyasaye nukuvunanyia lilagana lilie

Kwidzulitsa 17:3

ku lisigamira nukutumikira avanyasaye vandi, anoho liuva anoho mweli anoho zing'ereng'ani vindu via Nyasaye yasura,

Kwidzulitsa 20:18

Muviiti kunangwa vavuli kumukola mwone ku Yahova mu limwigiza mukore vindu viosi viukuvihiriza via vakora mu lisigamira avanyasaye vaavo.

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.