2 Avami 20:5 - KITABU KITAKATIFU

⁵ yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

2 Avami 20:5 ပူးပေါင်းရင်းမြစ်များ

2 Samweli 5:2

Ku maziambiri, lwa Saolo yaali nakikiri mwami wiitu, ivi wimilira avandu va Isiraeli kuzia muvulwani, kandi Yahova yakusuuviriza ndi ivi ulimilira avandu veve na ulava mwami wavo.”

1 Avami 9:3

Yahova yamuvolera, “Mali kuhulira lisaala liilio. Mali kutakasa Litembeli lia wumbaki yili kuli havundu ha sigamirwa mihiga ni mihiga. Ndahalinda nukuhakinga ku zing'inga ziosi.

2 Avami 19:20

Maku, Isaya muyaayi wa Amozi yatuma makuva ku Hezekia navoora, “Yahova, Nyasaye wa Isiraeli avoora ndi: Mali kuhulira lisaala liilio kigira Senakeribu mwami wa Asiria.”

2 Avami 20:4

Isaya yaleka mwami zana, navuzwa nakikiri kuvita mu mugizi gwa hagati, gwi inyumba yu vwami, Yahova yamuvolera

2 Avami 22:19

nu wiganira kandi nu wegehiza umwene imbiri wange, nutandula zinguvu zizio nu kulira, lwa wahulira kuli ndatihiza kuhaana mageri ku Jerusalemi kandi ku vandu valio. Ndakalikole live lio kutihiza mu zimoni ziavo, havundu ha vandu valitumikira lieta liaho kuli kilaamo. Navuzwa mali kuhulira lisaala nukwidoloka maliga (kukwo), lwa wahulira kuli ndatihiza kuhaana mageri ku Jerusalemi kandi ku vandu valio. Ndalikola live liokodegeriza kandi chukuhuga ligali ku yavo avehenza kuli havundu ha vandu vatumikira lieta lialio kuli kilaamo. Navuzwa inzi mali kuhulira lisaala liilio

2 Kyetsinyinga 13:12

Nyasaye mwene aveeye harara ni kunyi na aveeye mwimiliri wiitu. Avasaalisi veve vaveeye hano nivisiriva viu vulwani, vetegeki kuvikuba kulanga kunyi kumulwaane. O, munyi avandu va Isiraeli, mutalwaani Yahova, Nyasaye wa vaguuga vinyu mba! Si munyala kuguuta mba!”

2 Kyetsinyinga 34:3

Mu muhiga gwa munane lwa Josia yaali mwami, lwa yaali nakikiri muyaayi yaatanga kusigamira Nyasaye wa guuga weve mwami Daudi. Inyima wi mihiga jine, yaatanga kwononyia havundu hu kusigamira misambwa, vifananyi viu munyasaye wi kikali Ashera, kandi ni vifananyi vindi viosi.

Zaburi 107:20

Yahova yahonyia uvulwaye vwavo ku likuva lilie lia yamoloma, kandi naavahonyia kutura mu likuza.

Zaburi 119:26

Ndiiganira goosi ga ndakora na waandivulira. Nzigiza amalago googo.

Zaburi 126:5

Leka yavo avamiiza uvuguza namaliga, vaavungize ligesa nuvusangali!

Zaburi 147:3

Ahonyia avi mioyo jidedekee, kandi avoheleraa zingwagu ziavo.

Zaburi 34:18

Yahova aveeye ahimbi ni yavo avi mioyo jaavo jiveeye midedekere, kandi ahonyiaa yavo avamali kogotiza lisuuvirizwa liavo liosi.

Zaburi 39:12

O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Zaburi 56:8

Ivi umanya kuli ngubizangwa ikivi ivi umali kong'oda livaliza lia maliga gange, goosi gang'odwa mu kitabu chicho?

Zaburi 56:9

Ku lidiku lia nzanira ku ivi, avasigu vange valilanywa inyima. Inzi manya yaga ndi: Nyasaye aveeye ku lovega lwange.

Zaburi 6:10

Avasigu vange vosi valava soni kandi valahenda mwoyo. Valilanywa nukuviikwa mu zisoni vwangu.

Zaburi 65:2

kigira ivi ukutivuliranga amasaala giitu. Avandu kutura havundu hoosi valaza ku ivi

Zaburi 65:3

kusaala kigira uvwoni vwavo. Lwa mahiolo giitu gakoyembelela, ivi ukusaamihaa.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Kutwula 3:9

Mali kuhulira lirira lia avandu vange va Isiraeli, kandi mali kolola kuli vandu va Egebeti vavadambizaa nukuvakubiza kivi.

Isaya 19:22

Yahova alakahaane amageri ku vandu va Egebeti, navuzwa alakavahonye kandi. Valirana ku Yahova, alahulira amasaala gaavo nukuvahonyia.

Isaya 38:22

Maku mwami Hezekia yateeva, “Ni kelolekizu ki kimanyia ndi inzi ndazia kusigamira Yahova mu Litembeli?”

Isaya 38:5

kwirana ku Hezekia kumuvolera ndi, “Inzi Yahova, Nyasaye wa guuga woovo Daudi, mali kuhulira lisaala liilio kandi mali kolola maliga googo; ndakomeeda mihiga 15 mu limenya liilio.

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Matayo 22:32

‘Inzi mbeeye Nyasaye wa Aburahamu, Isaka Nyasaye wa Yakobo?’ Ku, siaveeye Nyasaye wa avakuzu, navuzwa aveeye Nyasaye wa avaveeye mwoyo.”

Luka 1:13

Navuzwa engelosi yamuvolera, “Utatia mba, Zakaria, kigira Nyasaye ahuliyi lisaala liilio. Mukali woovo Sabeti alakwivulira mwana muyaayi, na ulamugulika Yohana.

Luka 18:10

“Avandu vaviri vaanigira kuzia mu Litembeli kusaala; Mulala yaali Mufarisayo, nu wundi naava musololi wu vusuuru.

Yohana 5:14

Kunangwa, inyima wa yaga, Yeso yanyoora umundu zana oyo mu Litembeli, namuvolera, “Henza, kalunu ohoni! Utakola uvwoni kandi mba, gase ikindu kidamanu ligali kuvita kilakugwira.”

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Vahebraina 2:10

Vwali vulahi ndi, Nyasaye, umulombi numulindi wi vindu viosi, aduuki kokora Yeso kuva muduukiru ligali kuvitira muvusaliri, kunangwa aleete avana vanyingi kusanga mu vukumi vwivwe. Yeso niyie uvimiliraa kuduuka ku vohonyi.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”

1 Samweli 10:1

Ahene yaho Samweli yavugula ijuba ya maguta ga muzeituni naazuka ku mutwi gwa Saolo kandi naamuvusa, kandi navoora, “Yahova akuvakaa maguta kuli mwamihi wa vandu veve Isiraeli. Ulamiha vandu veve na uvakingi kutura ku vasigu vaavo. Na yiki kilava kimanyiru ku ivi ndi Yahova umali kokotovolo kuva mwami wa vandu veve.

1 Samweli 9:16

“Mugamba, ahimbi ing'inga kuli yiyi ndakutumira mundu musaza kutura mu ihiiri ya Benjamini; umuvake amaguta kuli mwami wa vandu vange va Isiraeli. Alavasoola kutura ku vandu va Filisitia. Mali kolola linyang'ana lia vandu vange kandi mali kuhulira lianira liavo nilienya vokonyi.”