2 Avami 20:3 - KITABU KITAKATIFU

³ “Wizulizi, O, Yahova, inzi ndakutumikira nu vusuuvirifu vwu mwoyo gwange gwosi kandi nu luyali lwosi, kandi vuli kazozo, ndageriza kokora vulahi choosi ichawenyaa ngole.” Ma yaatanga kulira ligali.

2 Avami 20:3 ပူးပေါင်းရင်းမြစ်များ

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 5:22

Inyima wa yago, Enoka yatia malago ga Nyasaye ku mihiga 300 kandi yanyoora avana vandi vayaayi na vakana.

Litanga 5:24

Yatia malago ga Nyasaye mu limenya lilie liosi, kandi yatulaho, kigira Nyasaye yamuvugula.

Litanga 8:1

Nyasaye yizuliza Nuhu na vandu vinyumba yeeye, harara ni zinyama ziosi ziu muvulimu, mitugu, vimolaa viosi, kandi amanyonyi goosi gu mu ligulu gaali harara na Nuhu mu liato. Yakola imbuza kuhuuza ku lirova, na mazi gageeha.

1 Avami 11:4

kandi kuduuka ku ing'inga ya yaali niyakaduuka musakulu, vagira nasigamiraavanyasaye vageni. Siyaali musuuvirifu ku Yahova Nyasaye weevemba, kuli baba weve Daudi mba.

1 Avami 15:14

Kali niiva Asa siyononyia havundu hukusigamira misambwa hoosi, navuzwa yaazizagilira kuva musuuvirifu ku Yahova mu livamwoyo lilie liosi.

1 Avami 2:4

Niiva ulamuhulira, Yahova alalinda lisuuviriza lilie lia yalomba lwa yambolera, ndi visukululwi viange valamiha. Isiraeli ku lohono lwa vaveeye avasuuvirifu kugumira no kuhulira amalago geege goosi ni mioyo jaavo josi kandi na roho jaavo josi.

1 Avami 3:6

Solomoni yativura, “Ivi wamanya uvuyanzi vonene kazozo ku baba wange Daudi, mutumikiri woovo, kandi naye yaali mulahi, musuuvirifu muvuhambani vwivwe niivi. Kandi ivi uzizagiliyi kumanyia vuyanzi vuvwo vonene kandi vutaveeye niligirung'ana ku limuha muyaayi wamiiha mu vogono vwivwe kalunu.

1 Avami 8:23

nasaara, “O, Yahova Nyasaye wa Isiraeli, sihali na nyasaye kuli ivi mwigulu igilu anoho mu musi mu lirova!

1 Avami 8:61

Kunangwa, leki mioyo jinyu jive midukiru kandi jiligali ku Yahova, Nyasaye wiitu, kogenda no komenya mu zinzira zizie ziosi kogenda mu miima jije, kandi kugumira malago geege, kuli gaveeye lidiku lia lero.”

1 Avami 9:4

Niiva ulandumikira nu vusuuvirifu vwosi, nagiligali gu mwoyo kandi nuvulungi kuli Baba woovo Daudi yakola, kandi niiva ulahulira malago gange goosi, nokokola vindu viosi via ngulaga,

2 Avami 20:2

Hezekia yagirungana nahenza mwidigi nasaara:

2 Avami 20:4

Isaya yaleka mwami zana, navuzwa nakikiri kuvita mu mugizi gwa hagati, gwi inyumba yu vwami, Yahova yamuvolera

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Nehemia 13:14

Unzizulizi, O, Nyasaye wange, vindu viosi yivi, kandi vikolwa viange vilahi via inzi mali kokolera Litembeli liilio kandi kigira kukusigamira.

Nehemia 13:22

Maku ndalaga vandu va Levi vitakase na vazie kuliinda virivwa ku vaduuki kolola ndi Lisabato likoleywe kuva litakatifu. Unzizulizi, O, Nyasaye wange, kigira yaga kandi, na omberere kigira ovonene vwi zimbavasi zizio.

Nehemia 13:31

Ndalohiza iziingu zitumikaa kigira kusamba vihaanwa zileetwe ku ing'inga indahi idukanaa, kandi kigira avandu koleta vihaanwa viavo viuvuswage vwukutanga namakuyu gukutanga kwenga. Unzizulizi yaga goosi, O, Nyasaye, na ongolere.

Nehemia 5:19

Ngusaala, O, Nyasaye wange, unzizulizi ku goosi aga mali kokolera avandu yava.

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Ayubu 1:8

Yahova yamuteeva, “Ukaloli ku mutumikiri wange Ayubu? Sihali ho nu mundu kali mulala mu kivala oveeye vugira imbara kandi mulungi kuli oyo mba. Atizaa inzi kandi yeleha kutura ku likora vudamanu.”

Ayubu 16:20

Avalina vange vaasekeriza, kandi ndiraa maliga ku Nyasaye.

Ayubu 4:6

Lisigamira Nyasaye liilio liveeye uvuluviliri vuvwo, uvusuuvirifu nuvulungi vwi zinzira zizio voveeye lisuuvirizwa liilio?

Zaburi 102:9

Ndiza ligoke kuli chukulia, amaliga gazuganyiywi ni chukunwa change.

Zaburi 119:26

Ndiiganira goosi ga ndakora na waandivulira. Nzigiza amalago googo.

Zaburi 119:49

Wizulizi amalago googo ku inzi, mutumikiri woovo; gamali kumba lisuuvirizwa.

Zaburi 145:18

Yahova aveeye ahimbi ku yavo vosi avamwanira, ku yavo vosi avamwanira mu agiligali.

Zaburi 25:7

Usamihi uvwoni na mahiolo gu vwana vwange. O, Yahova mu vuyanzi vuvwo uvutahera kandi mu vulahi vuvwo unzizulizi.

Zaburi 26:1

O, Yahova, umbalize kuva vugira imbara, kigira inzi ngolaa agaveeye malungi, kandi suuviraa ivi ligali.

Zaburi 26:3

Vuyanzi vuvwo uvutali nekeheri vunzimiliraa kandi uvusuuvirifu vuvwo vunzimiliraa.

Zaburi 32:2

Aveeye nu vugasu mundu wa Yahova avulaa kuvaliza uvuchamu kuye, kandi utaveeye nu vugadi mu mwoyo gwigwe.

Zaburi 39:13

O, Yahova, yaanza utulizi amageri googo ku inzi, ombe zinguru kandi vusangali vwi zimbavasi zizio imbiri wa ngikiri kukuza nu kwivililwa ligali.

Zaburi 6:6

Nduhiziywi ligali kigira vovereri. Vuli vudiku nzilirizaa kidali change na maliga gange. Maliga gange gazilizi ipilo yange.

Zaburi 6:7

Zimoni ziange ziiluhi kigira ovovereri; zizengeye kigira lidambizwa na vasigu vange.

Zaburi 89:47

O, Yahova, wizulizi kuli madiku gi livamwoyo liange gaveeye amimbi, kandi wizulizi ndi ivi walomba kunyi kwosi kuva avandu vakuza.

Zaburi 89:50

O, Yahova, utivilira kuli inzi mutumikiri woovo nyegwa, kandi kuli nzikuzira ku vilaamo viosi via vandu vatakumanyi.

Isaya 38:14

Mwoyo gwange gwaali mudedekere, kandi ndasioma kuli likuulu. Zimoni ziange zialuha kigira kohenza mwigulu, O, Yahova, osoore kutura mu vudinyu yivu vwosi.

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Amosi 5:4

Yahova avoora ku vandu va Isiraeli, “Mwilane ku inzi na mulahona.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Yohana 1:47

Lwa Yeso yalora Natanaeli niyazaa kuye, yavoola, “Heenzi, uyu aveeye Muisiraeli wiligali, sikeveeye ho ni kindu chuvugadi muye mba!”

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.