2 Avami 2:9 - KITABU KITAKATIFU

⁹ Wene yeyo Elija yavolera Elisha, “Mbolera cha wenya ngokolere ni ngikiri kutulizwa ku ivi.” Elisha yavoola, “Leka nyoore kidieli chi zinguru zizio kinyala kongola mbuguli vogono vuvwo.”

2 Avami 2:9 ပူးပေါင်းရင်းမြစ်များ

1 Avami 19:16

uvake Jehu muyaayi wa Nimushi maguta ave mwami wa Isiraeli, kandi uvake Elisha muyaayi wa Shafati kutura mu lidaala lia Abeli-mehola maguta avuguli vogono vuvwo kuli muporofeti.

1 Avami 3:9

Kunangwa uhaane ku inzi, mutumikiri woovo vogeri vwa nyenya nduuki kwamiiha avandu nu vulungi kandi kumanya liavukanyia hagati hu vulahi nuvudamanu. Nigataveeye ndio, nyara ndi kwamiiha avandu vovo vanene yava?”

Zaburi 72:1

O, Nyasaye, wigize mwami kukalaga nuvulungi vuvwo; ohe mwana wu mwami uvulungi vuvwo,

Zaburi 72:20

Yiki nicho keheri chi lisaala lia Daudi muyayi wa Jese.

Zekaria 12:8

Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Zekaria 9:12

Mwilane, munyi avandu vazia mu vuhaambe vamuveeye ni lisuuvirizwa kalunu; mwilane mu kivala chiinyu chi mirembe. Kalunu muvooleraa, ndakahaane kandi madanyi ku munyi kuvita haali kaviri nu vugasu kolondekana nu vusaliri vwinyu.

Livalidza 11:17

Inzi ndaza kumoloma nivi hene yaho, kandi ndavugura ku Roho oveeye ku ivi nu kuvaha. Maku valakokonya kulinda vandu yava, kunangwa uvuli kuginga vuliduhu yivu weng'ine.

Livalidza 11:25

Maku Yahova yaza ku Musa mu lifana lia Malesi, kandi yamoloma naye. Yavugula zinguru zia Roho zindala ku zia yaali nahaani ku Musa, nahaana ku vimiliri 70. Lwa vanyoola zinguru yizi, vatanga liporofeta, navuzwa si vamanya nivazizagilira mba.

Yohana 16:7

Navuzwa inzi muvoleranga agiligali: Ni vulahi ku munyi ndi inzi nzie, kigira niimbura kuzia Mukonyi sialaaza ku munyi mba. Navuzwa niimba ninzia, ndamutuma yaaze ku munyi.

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 8:17

Kunangwa Petero na Yohana vaviika amakono gaavo ku vandu vasuuvira yavo, ma nivanyoora Roho Mutakatifu.

1 Vakorintho 12:31

Kunangwa mwenye vihaanwa vinene ligali kuvita. Kalunu ndamumanyia inzira eveeye indahi ligali kuvita.

Kwidzulitsa 21:17

Kuduuka avuguliri umwana watanga kwivulwa, umwana wu mukali utayaanzwa, amuhe vidieli viviri ku viosi viaveeye navio; muyaayi oyo aveeye kelolero chi zinguru ziu mwana watanga kwivulwa ziveeye zizie. Vulungi vwu muyaayi wu kutanga voveeye vwivwe.

Kwidzulitsa 34:9

Joshua, muyaayi wa Nuni yaali niyizuuyi ovogeri kigira Musa yaali namutovoye avuguli vogono vwivwe. Avandu va Isiraeli vahulira Joshua kandi nivalinda malago ga Yahova yaali navaheeye kuvitira ku Musa.