2 Avami 2:4 - KITABU KITAKATIFU

⁴ Maku Elija yavolera Elisha, “Kalunu yikala hano, Yahova umali kundaga nzie Jeriko.” Navuzwa Elisha yativura, “Inzi nzisuha ku Yahova oveeye mwoyo kandi ku ivi ndi sindakoleka mba.” Kunangwa vazizagilira kuzia kuduuka Jeriko.

2 Avami 2:4 ပူးပေါင်းရင်းမြစ်များ

1 Avami 16:34

Mu ing'inga yu vwamihi vwa Ahabu, Hieli kutura Bezeli yumbaka Jeriko vuhia. Navuzwa lwa yaali niyumbaka musingi gwilidaala yilio, muyaayi weve wimbiri walangwa Abiramu yakuza. Lwa yaaili namalirizaa Abiramu muyaayi wimbiri lwa yavika kwumbaka virivwa, muyaayi weve mukogoti walangwa Segubu yakuza yaga gekoleka kuli Yahova yaali navooleya Joshua kale.

2 Avami 2:2

Nivaveeye kologendo, Elija yavolera Elisha, “Yaanza utigale hano; Yahova umali kundanga nzie kuduuka Bezeli.” Navuzwa Elisha yativura navoora, “Nzisuha ku Yahova oveeye mwoyo, kandi ku ivi ndi, sindakoleka kali hakuzu mba.” Kunangwa vazizagilira kuzia Bezeli.

2 Avami 4:30

Mukali zana yavolera Elisha, “Nzisuha ku lieta lia Yahova oveeye mwoyo kandi ku ivi ndi sindakoleka mba!” Maku vombi vaviri vatanga kwirana.

Luka 19:1

Yeso yingira kandi naavitira hagati ha Jeriko.

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Joshua 6:1

Virivwa via Jeriko viahanwa kandi vialindwa vudinyu ligali ukwigalira avandu va Isiraeli.

Joshua 6:26

Ing'inga yeyo, Joshua yahaana lieganihiza lie liesuuha. “Umundu woosi ogeriza kwumbaka vuhia lidaala linene lia Jeriko alaanwe imbiri wa Yahova!” “Mundu woosi uva naasingiriza misingi jalio alagotiza muyaayi weve wukutanga. Mundu woosi uwumbaka virivwa vialio alagotiza muyaayi weve mukogoti.”

Ruth 1:16

Navuzwa Ruzi yativura, “Utaaniga ngoleke mba! Leka nzie harara nivi. Hoosi ha uzia inzi kandi ndazia ho; hoosi ha omenya, inzi ndamenya ho. Avandu vovo valava avandu vange, na Nyasaye woovo alava Nyasaye wange.

1 Samweli 1:26

Hana yavolera Eli, “Mbeera zimbavasi, mwami. Ukanzizulizaa naho? Inzi mbeeye mukali wa walola nasingiyi hano, nisaalaa ku Yahova.